Rooma 10:2 - Nyaa Shɔɔ Ɓɔɔ Laa a Ɓɛɛ

² N kɔɔ ruu katɔ ka yuu ɓarɛ nɛɛ, ri kasɛ katɔ gbãng gbãng nɛɛ ri pàlɛ́ Laa shonang. A ri zi gbalang ɓɔɔ ri pàlɛ́ Laa shonang kaa tɔ̀ɔ́ tɔ̃ɔ kpang.

Rooma 10:2 ပူးပေါင်းရင်းမြစ်များ

Yɔhana 16:2

Zang naa nwangsɛ nɔɔ ditɔ kaa gãa zɔɔ kpalɛnang. Diki a kana, ɓɔɔ zang ɓɔɔ nɛɛ nyɔ nɔɔ vɔrɔ, kɔ̀ɔ́ ɓi nɛɛ wu palɛ vuu ɓɔɔ Laa kasɛ ɓɛɛ.

Zang Shonang Yeesɔ 21:20

Ɓɔɔ ri tãa naa weɓe, ri dɔɔ Laa. A ri kɔɔ wu nɛɛ, “Manzung ɓuru, mɔɔ zi tɔ waa, zang labang dɔɔli ri shing danggn tɔ ka bii Laa ka teteng zang Yahudi, ri ti pĩiri jĩng nɛɛ nyaa dannang Laa dũnnang kpang.

Zang Shonang Yeesɔ 21:28

Ri gòo nyaa nɛɛ “Zang Isirela nɔɔ yi ruu naa ka bii. Wee yɔɔ ɓɔɔ tusu vuu nɛɛ nɔng piti piti, nɛɛ zang ri kasɛ ruu zang ɓuru kpang, nɛɛ zang ri dũng nyaa ɓɔɔ Musa dang ɓɛɛ kpang, kɔɔrɔ ruu shi kpang ka yuu Gãa Laa keɓe. Palɛ wu ti vuu keɓe kɔ shɛ̃ɛning kpang, átɛ̀ zang ɓɔɔ ri zang Isirela kpang ka yeti Gãa Laa keɓe. Shing tɔ nihn nwang nɔng shi kpang tɔ ka jĩng Laa.”

Zang Shonang Yeesɔ 22:22

Zang ɓɔɔ ri kpalɛ zɔɔ ri ɓàa Bulu shoo sasak, ɓɔɔ naa kɔɔ ruu keɓe, ri mɛɛ nyaa ka lapa nabm tɔɔ, “Nɔɔ dita nɛɛ wu, nɔɔ daa nyɔ wu vɔrɔ. Daa naa ɓɔɔ zɔ̃ng zang ɓɔɔ naa weɓe nwang ningkãari kpàng.”

Zang Shonang Yeesɔ 22:3

“N zang Yahudi. Zang yi m ka gari Taasu ka tipi Silisiya, n bang kaa Urushalima ka nihn. N bee laa ka bii Gamaliyel, zang tusu m nyaa dannang rɛɛ dabang ɓuru gbãng gbãng. N ti kasɛ nɛɛ n pàlɛ́ Laa shonang gbãng gbãng naa wee nɔɔ palɛ lɛɛkɔ ɓee.

Rooma 10:1

Rɛɛ manzung, n kasɛ ka yeti mɛɛ gbãng gbãng, a n ti gaa Laa ka yuu zang mɛɛ zang Yahudi, nɛɛ Laa wu ta yuu ɓarɛ jong.

Rooma 10:3

Ka ruu ɓɔɔ, ri zi gbalang ɓɔɔ risi zang, zang nwang zang tɔ̃ɔ ka tĩng Laa ɓɛɛ kpang. A ri kãa gbalang ɓɔɔ ri nwang zang tɔ̃ɔ ka tĩng ɓiɓɛ kaa nɛɛ yuu ɓarɛ. Ri tà gbalang ɓɔɔ Laa shìng zang, nɛɛ zang nwang zang tɔ̃ɔ nɛɛ mani ka tĩng ɓiɓɛ ɓɛɛ kpang.

2 Koranti 4:4

Ri shing danggn kpang ka ruu ɓɔɔ Sheetang ɓɔɔ wukɔ kpanti koo keɓe, zãa yeti ɓarɛ vuu zinang katɔ ɓɛɛ. Zãa ri zinang nɔng ɓɔɔ yakɛ ka bii ɓarɛ katɔ. Nɔng yakɛnang ɓɔɔ a nɛɛ Ruu Tɔ̃ɔ ɓɔɔ ka yuu bannang Yeesɔ Kirisi, ɓɔɔ wu doo Laa kɔ gbãng gbãng ɓɛɛ.

2 Koranti 4:6

Laa ɓɔɔ kɔɔyi nɛɛ, “Nɔng yakɛ ta ka nɔng ɓɔɔ tɔ̀ɔ katɔ ɓɛɛ,” ɓi doo wukɔ shing nɔng yakɛnang ɓiɓɛ, yakɛ yeti ɓuru. A shingnɛ ruu zi bannang Laa ka waa nyaating Yeesɔ Kirisi.

2 Koranti 8:3

N kɔ̀ɔ́ nɔɔ, ri a vuu ɓɔɔ ri zunung anang katɔ ɓɛɛ, vuu ɓɔɔ ri alɛ ɓa ɓɔɔ ri nɛɛ a ɓɛɛ katɔ. Zang ɓɔɔ mã ri nyaa kagn kpang.

Galati 1:14

Nkɔ ka tĩng rɛɛ sangvaa mɛɛ nandon, ka ruu gbalang zang Yahudi dũnnang. N shing jĩng ka vuu ɓɔɔ rɛɛ dabang ɓuru ri tusu ɓɛɛ palɛnang gbãng gbãng.

Galati 4:15

Kãntang keɓe, ɓu vi palɛ tĩnang ɓɔɔ nɔɔ tãa gbãng gbãng kaa viya? N nɛɛ yuu mɛɛ n kɔɔ ruu keɓe katɔ nɛɛ, naa nɔɔ nɛɛ zunung katɔ, nɔɔ nɛɛ zɔ̃ngkɔ jĩng manɛ katɔ nɔɔ nɛɛ a m.

Filipi 1:9

N gàá Laa ka ruu manɛ, nɛɛ, kasɛnang ɓɔɔ nɔɔ kasɛ ruu zɔɔ nɛɛ manɛ wu daa nɛɛ tĩng sasak. Nɔ́ɔ ti zi vuu dɔɔli, nɔ́ɔ zunung naa ɓɔɔ nɔɔ basɛ teteng vuu tɔ̃ɔ nɛɛ ɓɔɔ shi kpang ɓɛɛ ka vuu piti.

Filipi 3:6

Ɓeleng n tusu zang naa ɓɔɔ n palɛ vuu zang Yahudi nɛɛ kaka bii mɛɛ nandon ɓɛɛ. Ka ɓɔɔ n dang zang ɓɔɔ ri dũng Yeesɔ Kirisi jĩng. N ta nyaa dannang zang Yahudi ɓɔɔ shing zang, zang nwang zang tɔ̃ɔ ka tĩng Laa wu gbete kpang. Ka ruu nɔngkɔ, zang ɓɔɔ tɔɔ kpang nɛɛ n palɛ vuu shi kpang tɔ kpang.

Kolosi 4:13

N kɔɔ ruu katɔ tɔ̃ɔ ka yuu shonang ɓɔɔ wu pálɛ̀ gbãng gbãng ka ruu manɛ ɓɛɛ. A ɓɔɔ ka ruu zang ɓɔɔ ri ka gari Lawodikiya nɛɛ gari Hirapoli.