Rooma 10:16 - Nyaa Shɔɔ Ɓɔɔ Laa a Ɓɛɛ

¹⁶ A kaa tɔ̀ɔ́ zang piti ri dũ̀ng vuu ɓɔɔ Ruu Tɔ̃ɔ Laa kɔɔ ɓɛɛ kpang. Ka ruu ɓɔɔ Ishaya kɔɔ ka yeti Labeenang ɓiɓɛ tɔɔ, “Kpanti, zang ɓɔɔ ri shing danggn ka ruu ɓɔɔ ruu kɔɔ ri ɓɛɛ kpang.”

Rooma 10:16 ပူးပေါင်းရင်းမြစ်များ

Matiyu 13:14

Ruu ɓɔɔ Kpanti Laa rang nɛɛ nyaa Ishaya zang nyaa shonang ɓiɓɛ wu nwáng kaa niizang ka bii zang keɓe. Kpanti Laa kɔɔ nɛɛ nyaa Ishaya tɔɔ, “ ‘Ri tãa ɓi katɔ nɔngkɔ, a ri zi vuu ɓɔɔ kagn kaa takpang. Ri ti zirɛ, a ri zi vuu ɓɔɔ kagn kaa takpang.

Yɔhana 10:26

Nɔɔ kasɛ danggn shinang ka bìí mɛɛ kpang, ka ruu ɓɔɔ, nɔɔ manɛ mɛ̀ɛrɛ́ mɛɛ kpang ɓɛɛ.

Zang Shonang Yeesɔ 28:24

Zang ɓɔɔ ri ta ruu ɓiɓɛ katɔ, a zang ɓɔɔ ri ta ɓarɛ kaa takpang.

Rooma 1:5

Laa a ruu gbalang nɛɛ bii ɓiɓɛ kɔ, a ruu nwàng zang shonang ɓiɓɛ ka ruu Yeesɔ, tɔ̀ɔ, rúu gɔ̃ zang koolaa nandon ri shing danggn, ri ti dũng nyaa ɓiɓɛ.

Rooma 11:17

Zang dɔlɔ nasãng laa inabi ɓɔɔ zang ɓaa katɔ ɓɛɛ tɔ, a zang atɛ nasãng laa inabi ɓɔɔ ta nɛɛ yuu ɓiɓɛ ka waala zang naa tiisi ka nɔng ɓarɛ. A nɔɔ ɓɔɔ nɔɔ nwang naa laa inabi ɓɔɔ ta ka waala ɓɛɛ, kãntang keɓe nɔɔ wàlɛ́ manɛ kaa vuu tɔ̃ɔ ɓɔɔ a nɛɛ bii laa inabi ɓɔɔ zang ɓaa katɔ ɓɛɛ.

Rooma 16:26

A kãntang keɓe labeenang ɓɔɔ zang nyaa shonang Laa ri beere shing tɔ, ruu niizang nwangsɛ bii tɔ. Laa ɓɔɔ nwàng ɓi ningkãari dòndòng, ti kɔɔ tɔ nɛɛ zang koo piti ri zi ruu ɓɔɔ niizang keɓe. Tɔ̀ɔ, zang piti ri ɓaa shoo kaa nyaa Laa, ri shing danggn kaa bii ɓiɓɛ.

Rooma 2:8

Zang ɓɔɔ ri kasɛ yuu ɓarɛ dɔɔli, ri kasɛ ruu ɓɔɔ niizang kpang. Ri dũng vuu ɓɔɔ shi kpang ɓɛɛ. Gnvɔ naa shàá Laa nɛɛ ri, wu dang ri jĩng.

Rooma 3:3

A zang ɓɔɔ ri nɛɛ shing danggn kpang, ka teteng ɓarɛ ɓɛɛ? Ka ruu nɔngkɔ, Laa pálɛ̀ vuu ɓɔɔ wu a nyaa nɛɛ wu pálɛ̀ ɓɛɛ takpang ya?

Rooma 6:17

Ruu zãa Laa tɔ, ka ruu ɓɔɔ, bɛ̀ɛ́ nɔɔ manɛ jaafòó vuu shi kpang ɓɔɔ nɔɔ palɛ ɓɛɛ. A nɔɔ naa ɓaa shoo ka ruu ɓɔɔ niizang ka vuu ɓɔɔ zang tusu nɔɔ, a nɔɔ tarɛ nɛɛ yeti manɛ nandon.

Galati 3:1

Ɓɔɔ nɔɔ zang tipi Galati nɔɔ shoko niizang. Ɓu wi zuu nɔɔ jĩng nɔngkɔ wiya? Zang kɔɔ ka shoo manɛ naa ɓɔɔ zang ɓaa Yeesɔ Kirisi naa ka laa a vɔrɛ ɓɛɛ.

Galati 5:7

Bɛ̀ɛ́ nɔɔ palɛ vuu kana waasɛ̃ ka gbalang Kirisi, nɔɔ daa kana nɛɛ tĩng. Ɓu wi shing nɔɔ, a nɔɔ yaa ruu ɓɔɔ wukɔ niizang dũnnang wiya?

2 Tesalonika 1:8

Naa nwang nyaa nɛɛ waa ɓɔɔ shaa katɔ ɓɛɛ, wu dang zang ɓɔɔ ri bɛ̃ɛ Laa katɔ jĩng, nɛɛ zang ɓɔɔ ri dũng Ruu Tɔ̃ɔ ɓɔɔ ka yuu Kpanti ɓuru Yeesɔ kpang ɓɛɛ.

Yahudi 11:8

Danggn shinnang Ibirayi shing wu ka ɓɔɔ zang ɓaa wu nyaa nɛɛ wu daa nɔng ɓɔɔ naa nwáng ɓɔɔ ɓiɓɛ ɓɛɛ, ɓaa shoo a daayi. Naa doo ka ɓɔɔ wu zi nɔng ɓɔɔ wu daa kpang ɓɛɛ.

Yahudi 4:2

Ka ruu ɓɔɔ, zang kɔɔ ruu Ruu Tɔ̃ɔ Laa tɔ jong, naa ɓɔɔ zang kɔɔ ri ɓɛɛ. A rúu ɓɔɔ ri tãayi nwàng ri vuu ɓɔɔ kaa takpang, ka ruu ɓɔɔ, zang ɓɔɔ ri tãayi, ri shing danggn kpang ɓɛɛ.

Yahudi 5:9

Ka ɓɔɔ hangsɛ shonang ɓiɓɛ tɔ ɓɛɛ, nwàng zang ɓɔɔ ta yuu zang nandon, ɓɔɔ ri dũng nyaa ɓiɓɛ ɓɛɛ. Tɔ̀ɔ, yuu ɓarɛ ɓɔɔ zang tarɛ, wu nwang kaa ɓɔɔ gbinggbing ɓɛɛ.

1 Bituru 1:22

Nɔɔ nwangsɛ vuu shi kpang ɓɔɔ ka yeti manɛ tɔ, ka ruu ɓɔɔ, nɔɔ dũng Ruu Laa ɓɛɛ. A nɔɔ ti kàsɛ̀ ruu zang ɓɔɔ ri dũng doo Laa kɔ kana niizang. Nɔɔ kàsɛ́ ruu zɔɔ nɔngkɔ gbãng gbãng, nɛɛ yeti manɛ nɛɛ kaka manɛ piti.

1 Bituru 2:8

Zang bèe ka nɔng ɓɔɔ ka yeti labeenang Laa nɛɛ, “Wee tari ɓɔɔ zang naa kpaa doo kagn, zang watɛ ɓɛɛ kɔ”. Ri kpaa doo, ri watɛ, ka ruu ɓɔɔ, ri dũ̀ng Ruu Laa kpang ɓɛɛ. Laa kɔ kasɛ nɛɛ wu nwang nɔngkɔ, doo ka tĩng tɛ̃ɛ tɛ̃ɛ.

1 Bituru 3:1

Doo nɔngkɔ, ɓɔɔ nɔɔ zang soro ɓɛɛ, nɔ́ɔ gãsɛ yuu nɛɛ varɛ manɛ kpang. Ka ruu ɓɔɔ, naa varɛ zang ɓɔɔ nɛɛ shing danggn ka Ruu Laa kpang, nwannang tɔ̃ɔ soro ɓiɓɛ shing wu katɔ, wu arɛ, wu dũng Ruu Laa naa nɔɔ rang ri yee dòo nɛɛ nyaa manɛ kpang ɓɛɛ.