Rooma 10:15 - Nyaa Shɔɔ Ɓɔɔ Laa a Ɓɛɛ

¹⁵ A zang ɓɔɔ yuu paa biya wu daa kɔɔ zang Ruu Laa, zang nɛɛ shong wu katɔ kpang ɓɛɛ viya? Labeenang Laa kɔɔyi tɔɔ, “Zang ɓɔɔ ri à Ruu Tɔ̃ɔ kɔɔnang, doo ɓarɛ shili dɔɔli.”

Rooma 10:15 ပူးပေါင်းရင်းမြစ်များ

Matiyu 9:38

Nɔɔ gaa Laa ɓɔɔ wukɔ zang jaa ɓɛɛ ta, wu shong zang zee yeenang ka jaa ɓiɓɛ.”

Luka 10:1

Ka knti vuu keɓe Yeesɔ zɔ̃ngkɔ zang laa taati tu kopi a ɓakɛ ri ziti, ziti, a shongko ri ka rɛɛ gari nɛɛ nɔng piti, piti ɓɔɔ wu naa daarɛ ɓɛɛ.

Luka 2:10

Zang nyaa shonang Laa ɓɔɔ ka lapa, kɔɔ ri tɔɔ, “Nɔɔ kaa vɔrɔ kpang, n atɛ nɔɔ ruu tɔ̃ɔ, ɓɔɔ a nɔɔ tĩnang tãanang dɔɔli, ɓɔɔ zang piti naa tãa tĩnang ɓiɓɛ ɓɛɛ.

Luka 2:14

“Zang wu dɔɔ Kpanti Laa ɓɔɔ ka lapa kpala kpala ta. Zang ɓɔɔ Laa tãa tĩnang ɓarɛ katɔ ka tipi keɓe, ri ti tãa tĩnang nwannang ta.”

Luka 8:1

Knti bee kpang, Yeesɔ naa seepaa nɛɛ nɔng kaɓa, daarɛ ka rɛɛ gari bang bang nɛɛ ɓɔɔ tɔkɔlɔng, tɔkɔlɔng. Rang zang yee tɔ̃ɔ Laa. Kɔɔ zang ruu tɔ̃ɔ ka yuu Kpanti ɓɔɔ Laa naa roo ɓɛɛ. Daarɛ nɛɛ zang kopi tu ziti ɓɔɔ ri mantɛ vuu ka bii ɓiɓɛ ning.

Yɔhana 20:21

Yeesɔ kɔɔ ri tɔkn tɔɔ, “Yeti manɛ wu lasɛ kpang. Naa ɓɔɔ Daa shong m ka koo, n shong nɔɔ doo nɔngkɔ ka koo.”

Zang Shonang Yeesɔ 10:36

Laa shòng zang Isirela nyaa nɛɛ ruu ɓiɓɛ. Zang kɔɔ ri Ruu Tɔ̃ɔ Laa ɓɔɔ shing ri, ri nwang ka nyaa zɔɔ ɓɛɛ nɛɛ bii Yeesɔ Kirisi ɓɔɔ wukɔ kpanti zang piti ɓɛɛ.

Zang Shonang Yeesɔ 13:26

“Rɛɛ manzung zɔ̃ng Ibirayi, nɛɛ rɛɛ zang ɓɔɔ nɔɔ zi Laa kpang, ɓɔɔ nɔɔ kaa vɔrɔ Laa kaa tɔ ɓɛɛ, zang shong rùu kɔ nyaa nɛɛ ruu, ɓɔɔ ta yuu ɓuru keɓe.

Zang Shonang Yeesɔ 22:21

A Kpanti kɔɔ m tɔɔ, ‘Dita, N shong mɔɔ ka nɔng beebang, ka bii zang ɓɔɔ ri zang Isirela kpang ɓɛɛ.’ ”

Zang Shonang Yeesɔ 9:15

A Kpanti Yeesɔ kɔɔ wu tɔɔ, “Dita ka ruu ɓɔɔ n zɔ̃́ng wu tɔ, nɛɛ wu pàlɛ̀ m shonang ɓɛɛ. Wu daa kɔɔrɔ zang ɓɔɔ ri zang Isirela kpang, nɛɛ rɛɛ kpanti ɓarɛ, nɛɛ zang Isirela, ruu mɛɛ kati ɓɛɛ.

Rooma 1:15

Ka ruu nɔngkɔ, bii shaa m, n kasɛ n tɔɔ, n naa rang nɔɔ ɓɔɔ nɔɔ kaa gari Rooma, Ruu Tɔ̃ɔ Laa jong.

Rooma 15:20

Vuu ɓɔɔ n kasɛ ka yeti mɛɛ gbete ɓɛɛ, ɓi nɛɛ ɓɔɔ n kɔɔ zang Ruu Tɔ̃ɔ Laa ka nɔng ɓɔɔ zang tãa ruu Yeesɔ Kirisi gn kpang ɓɛɛ. Ka ruu ɓɔɔ, nɛ̀ɛ́ nwang naa ɓɔɔ n mãa gãa m ka yuu doo gãa ɓɔɔ zang ɓɔɔgn loo ɓɛɛ, ɓɛɛ.

Afisa 2:17

A Kirisi arɛ, naa kɔɔ zang piti Ruu Tɔ̃ɔ ɓɔɔ shingnɛ zang ri nwang ka nyaa zɔɔ ɓɛɛ. Kɔɔ nɔɔ ɓɔɔ nɔɔ zang Isirela kpang ɓɛɛ, ɓɔɔ bɛ̀ɛ́ nɔɔ naabm nɛɛ Laa kpang ɓɛɛ, a ti kɔɔ zang Yahudi ɓɔɔ ri ɓarɛ naabm nɛɛ wu ɓɛɛ jong.

Afisa 3:8

Nkɔ ɓɔɔ n daa doo rɛɛ zang Laa ɓɔɔ ri daa doo rɛɛ zang nimbang kpang. Laa a kaa dòo nkɔ gbalang nɛɛ n daa kɔɔ zang ɓɔɔ zang Isirela kpang, Ruu Tɔ̃ɔ ɓɔɔ ka yuu tĩnang ɓɔɔ zang gãsɛ nɛɛ vuu ɓɔɔ kpang, ɓɔɔ zang walɛ nɛɛ bìí Yeesɔ Kirisi ɓɛɛ.

Afisa 6:15

Bii ɓɔɔ nɔɔ kpalɛ nɛɛ nɔɔ daa kɔɔ zang Ruu Tɔ̃ɔ, ɓɔɔ shingnɛ yeti zang valɛ ɓɛɛ, wu nwang naa koodoo ka doo manɛ.

1 Bituru 1:12

A Laa tusu ri nɛɛ ri pàlɛ́ ɓi yuu ɓarɛ shonang kpang, ri pàlɛ́ ɓi nɔkɔ. Kãntang keɓe, zang ɓɔɔ ri kɔ̀ɔrɔ̀ nɔɔ Ruu Laa, ri kɔɔ nɔɔ rɛɛ vuu keɓe tɔ, naa ɓɔɔ Suru Laa ɓɔɔ à nɛɛ lapa a ri naa ɓɛɛ. Zang nyaa shonang Laa ɓɔɔ ri ka lapa, ri kasɛ nɛɛ ri zi rɛɛ vuu keɓe jong.