Rooma 10:10 - Nyaa Shɔɔ Ɓɔɔ Laa a Ɓɛɛ

¹⁰ Ka ruu ɓɔɔ, zang nɛɛ shing danggn nɛɛ yeti, tɔ̀ɔ Laa wu risi zang, zang nwang zang tɔ̃ɔ ka tĩng ɓiɓɛ ɓɛɛ. Zang nɛɛ kɔɔ tɔ nɛɛ nyaa zang, Laa wu ti, ta yuu zang kati.

Rooma 10:10 ပူးပေါင်းရင်းမြစ်များ

Maraku 9:23

Yeesɔ kɔɔ wu tɔɔ, mɔkɔ nɛɛ zunung danggn shinnang katɔ jong. Zang piti ɓɔɔ shing danggn ka bii Laa, vuu ɓɔɔ kpãa wu ɓi kagn kpang.

Luka 8:15

Jĩng vuu ɓɔɔ ri shili ka tipi tɔ̃ɔ, nwang kaa naa zang ɓɔɔ tãa Ruu Laa ɓɛɛ. Ri tarɛ, ri shing ka yeti ɓarɛ, ri mã danggn, a ri naa nwang kaa naa jĩng vuu ɓɔɔ bangnɛ ra jaa gaagaa ɓɛɛ.

Zang Shonang Yeesɔ 8:37

[Filibu kɔɔ wu tɔɔ, “Naa mɔɔ shing danggn ka bii Laa nɛɛ yeti ɓaaɓɛ nandon, n palɛ mɔɔ batizima katɔ.” Yɔɔ kasɛ wu nyaa tɔɔ, “N shing danggn tɔ, nɛɛ Yeesɔ Kirisi wukɔ Jaa Laa.”]

Rooma 10:11

Labeenang Laa kɔɔyi tɔ̀ɔ, “Zang piti ɓɔɔ nɛɛ shing danggn ka bii ɓiɓɛ yusɛ̃ɛ tuu wu kpang.”

Rooma 10:9

Naa mɔɔ kɔɔ nɛɛ nyaa ɓaaɓɛ nɛɛ, “Yeesɔ kɔ Kpanti,” a mɔɔ ti shing danggn nɛɛ Laa wisi wu paa nɛɛ sàa. Laa ta yuu ɓaaɓɛ katɔ.

Galati 2:16

Naa dòo nɔngkɔ, ruu zi ɓuru tɔ nɛɛ shɔnzang nwáng zang tɔ̃ɔ ka tĩng Laa ka ruu danggn ɓɔɔ wu shing ka bii Yeesɔ Kirisi kɔ shɛ̃ɛning, wu ka ruu ɓɔɔ zang keɓe palɛ vuu ɓɔɔ nyaa dannang kasɛ ɓɛɛ kpang. Ruu shing danggn tɔ jong ka bii Yeesɔ Kirisi, tɔ̀ɔ, ruu nwang zang tɔ̃ɔ ka tĩng Laa nɛɛ bii danggn ɓɔɔ ruu shing ka bii Kirisi ɓɛɛ. Wu ka ruu ɓɔɔ, ruu palɛ vuu ɓɔɔ nyaa dannang kasɛ ɓɛɛ kpang. Ka ruu ɓɔɔ, zang nwàng zang tɔ̃ɔ ɓi jong ka tĩng Laa, ka ɓɔɔ zang palɛ vuu ɓɔɔ nyaa dannang kasɛ ɓɛɛ kpang.

Filipi 3:9

Ń ti nwang ɓɔɔ ɓiɓɛ. Laa wu tuu m zang tɔ̃ɔ ka tĩng ɓiɓɛ, ka ruu ɓɔɔ, n shing danggn ka bii Kirisi ɓɛɛ. Wu ka ruu vuu ɓɔɔ kagn ɓɔɔ n palɛ ɓɛɛ kpang, wu ti ka ruu ɓɔɔ n dũng nyaa ɓɔɔ zang Yahudi dang ɓɛɛ kpang. Ɓi Laa kɔ risi m, n nwang zang tɔ̃ɔ ka tĩng ɓiɓɛ, ka ruu ɓɔɔ, n shing danggn ka bii ɓiɓɛ ɓɛɛ.

Yahudi 10:22

Rúu a nɔɔ ta, ka bii Laa nɛɛ yeti tɔ̃ɔ. Ruu yaa gn naa kpang, ka ruu ɓɔɔ, Kirisi sɔɔ yeti ɓuru tɔ kalang kalang, rɛ̃rɛnang shi kpang kagn kpang. A zang ti sɔɔ ruu bii katɔ nɛɛ mii ɓɔɔ kalang kalang ɓɛɛ.

Yahudi 3:12

Rɛɛ manzung, nɔɔ palɛ waasɛ̃, zang gbete ka teteng manɛ, nɛɛ tá yeti ɓɔɔ vuu shi kpang kagn, a ti shing danggn ɓi kpang ɓɛɛ, yeti ɓɔɔ shing wu, wu ràa Laa ɓɔɔ ningkãari yuu knti ɓɛɛ.

1 Yɔhana 4:15

Zang ɓɔɔ nɛɛ kɔɔ nɛɛ nyaa ɓiɓɛ nɛɛ Yeesɔ ɓi Jaa Laa, Laa nwang kagn yeti ɓiɓɛ, a ti nwàng ɓi nɛɛ Laa.

Vuu ɓɔɔ zang nwangsɛ Yɔhana 2:13

N zi nɔng ɓɔɔ nɔɔ nwàng gn ɓɛ̀ɛ́ tɔ, ka nɔng ɓɔɔ Sheetang roo kpanti kagn ɓɛɛ. Nɔɔ yaa kɔɔnang kpang nɛɛ nkɔ kpanti manɛ kpang. Nɔɔ yaa danggn ɓɔɔ nɔɔ shing ka bii mɛɛ kpang doo nɛɛ mani, ka laa ɓɔɔ zang nyɔ Antiba, yɔɔ ɓɔɔ dũng m nɛɛ yeti gbete vɔrɔ ɓɛɛ. Zang nyɔ wu vɔrɔ ka teteng manɛ, ka nɔng ɓɔɔ Sheetang nwang ɓɛɛ, ka ruu ɓɔɔ, kɔɔ ka shoo zang piti nɛɛ wu dũng ɓi nkɔ ɓɛɛ.