Rooma 1:9 - Nyaa Shɔɔ Ɓɔɔ Laa a Ɓɛɛ

⁹ Laa ɓɔɔ n pàlɛ́ wu shonang, nɛɛ suru mɛɛ ka ɓɔɔ n kɔɔrɔ zang Ruu Tɔ̃ɔ Jaa ɓiɓɛ, zi tɔ nɛɛ n gaa wu ka ruu manɛ, n yaa diki kpang.

Rooma 1:9 ပူးပေါင်းရင်းမြစ်များ

Maraku 1:1

Wee naa ɓɔɔ Ruu Tɔ̃ɔ Yeesɔ Kirisi Jaa Laa gaayu ɓɛɛ.

Luka 18:1

A Yeesɔ rang zang ɓɔɔ ri mantɛ vuu ka bii ɓiɓɛ, nyaa vuu jeenang keɓe, nɛɛ tɔ̀ɔ wu tusu ri kati nɛɛ ri gaa Laa diki diki, ri yaa gn naa kpang.

Zang Shonang Yeesɔ 12:5

Ka ruu nɔngkɔ, ya Bituru ka sãa ka nɔngkɔ. A zang ɓɔɔ ri dũng Laa, ri ti gàá Laa ɓi kana gbãng gbãng ka ruu Bituru.

Zang Shonang Yeesɔ 19:21

Ka knti ɓɔɔ vuu keɓe palɛ tɔ nɔngkɔ, Bulu kɔɔ ka yeti ɓiɓɛ nɛɛ wu sɔɔ nɛɛ tipi Makidoniya nɛɛ tipi Akaya wu daa kaa Urushalima. A ti kɔɔyi nɛɛ, “N nɛɛ daa tɔ Urushalima, n daa katɔ, n daa zi Rooma.”

Zang Shonang Yeesɔ 24:14

N kàsɛ́ nyaa katɔ ka tĩng ɓaaɓɛ nɛɛ, n bang Làá rɛɛ dabang ɓuru ka gbalang kɔ ri ɓaa nɛɛ shi kpang ɓɛɛ kɔ. N ti shing danggn ka vuu ɓɔɔ zang bee ka yeti labeenang nyaa dannang Musa nɛɛ ɓɔɔ labeenang rɛɛ zang nyaa shonang Laa.

Zang Shonang Yeesɔ 27:23

Ka ruu ɓɔɔ, ka ɓɔɔrɔ nɛɛ zĩi, zang nyaa shonang Laa ɓɔɔ ka lapa nɛɛ a ka bii mɛɛ. Laa ɓɔɔ n zang ɓiɓɛ, a n ti bang wu ɓɛɛ.

Zang Shonang Yeesɔ 3:26

Laa wisi zang shonang ɓiɓɛ paa tɔ, a shong wu kaa bii manɛ kɔ shɔɔnang, tɔ̀ɔ, wu a nɔɔ tĩnang tãanang ka ɓɔɔ wu shing nɔɔ nandon, nɔɔ yaa gbalang vuu shi kpang manɛ ɓɛɛ.”

Rooma 9:1

Vuu kɔ n kɔ̀ɔ́ ɓee, niizang kɔ nwani. N suu sèé kpang, kaa ruu ɓɔɔ, n m zang Kirisi ɓɛɛ. Rɛ̃rɛnang mɛɛ ɓɔɔ Suru Laa roo kpanti kagn, ti kɔɔyi nɛɛ niizang, n suu sèé kpang.

2 Koranti 1:23

Laa kɔ kɔ̀ɔ rúu tɔ̃ɔ ka yuu mɛɛ, N à Koranti takpang, ka ruu ɓɔɔ, n kasɛ n tɔɔ, n kpãa nɔɔ takpang ɓɛɛ.

2 Koranti 11:31

Laa ɓɔɔ wukɔ Laa, wukɔ ti Daa Kpanti Yeesɔ Kirisi ɓɔɔ zang piti dɔɔ wu dòndòng ɓɛɛ, zi tɔ, n suu sèé kpang.

Galati 1:20

N kɔɔ nɔɔ ruu kɔ nwani ka tĩng Laa, vuu kɔ n bee nɔɔ ɓee, niizang, n suu sèé kpang.

Afisa 6:18

Nɔɔ gaa Laa diki diki naa ɓɔɔ Suru Laa tusu nɔɔ ɓɛɛ. Nɔɔ gaa wu ka yuu vuu ɓɔɔ nɔɔ kasɛ ɓɛɛ nandon. Nɔɔ palɛ vuu keɓe nɔngkɔ, nɔ́ɔ lee kpang. Nɔ́ɔ ti gaa Laa diki diki ka ruu zang Laa nandon.

Filipi 1:3

Diki diki n nɛɛ rɛ̃rɛ ruu manɛ tɔ, n zãa Laa mɛɛ ka ruu manɛ.

Filipi 1:4

Ka laa ɓɔɔ n gàá Laa piti ka yuu manɛ nandon, n tãa tĩnang dɔɔli.

Filipi 2:22

A nɔɔ nandon, nɔɔ zi tɔ nɛɛ Timoti tusu tɔ nɛɛ wu ɓi zang tɔ̃ɔ. N nɛɛ wu, ruu kɔɔrɔ zang Ruu Tɔ̃ɔ Laa ka nyaa zɔɔ. Ka shonang kɔ ruu palɛ ɓee, dũng m, naa ɓɔɔ jaa dũng daa ɓiɓɛ ɓɛɛ.

Filipi 3:3

Ka ruu ɓɔɔ, ɓi rukɔ zang ɓɔɔ zang yee ri shaa ɓɔɔ niizang ɓɛɛ. Rukɔ bang Laa nɛɛ naa vuu palɛnang Suru ɓiɓɛ, a ruu ti walɛ bannang ɓuru ka bii Yeesɔ Kirisi. Ruu pãng yuu ɓuru ka rɛɛ vuu ɓɔɔ ɓi ɓɔɔ bìí shɔnzang kpang.

1 Tesalonika 1:2

Ruu zãa Laa diki diki ka ruu manɛ nandon, a ruu ti ɓaa nung manɛ diki diki ka ɓɔɔ ruu gaa Laa ɓɛɛ.

1 Tesalonika 3:10

Nɛɛ zĩi nɛɛ laagɛ̃ ruu gaa wu nɛɛ yeti ɓuru nandon, nɛɛ wu yàa ruu gbalang jong ruu zi nɔɔ nɛɛ jĩng ɓuru, tɔɔ ruu tusu nɔɔ vuu ɓɔɔ yaa nɔɔ doogn ka danggn ɓɔɔ nɔɔ shing ɓɛɛ.

1 Tesalonika 5:17

Nɔɔ gaa Laa, nɔ́ɔ suu diki kpang.

1 Timoti 2:7

Ka ruu nɔngkɔ, Laa shing m, zang ɓɔɔ palɛ shonang ɓɛɛ. Nɛɛ n kɔ̀ɔ zang ɓɔɔ ri zang Isirela kpang Ruu Tɔ̃ɔ Laa, n ti tùsù ri danggn shinang ɓɔɔ niizang ɓɛɛ. N kɔɔ ruu ɓɔɔ niizang kɔ nwani. N suu wu sèé kpang.

2 Timoti 1:3

N zãa Laa ɓɔɔ n pàlɛ́ wu shonang nɛɛ yeti gbete tɔ, naa ɓɔɔ rɛɛ dabang mɛɛ ri pálɛ́ ɓɛɛ. N zãa wu ka ɓɔɔ, n gaa wu nɛɛ laagɛ̃ nɛɛ zĩi n ɓaa nung ɓaaɓɛ kagn diki diki ɓɛɛ.

Filimon 1:4

Filimon, n zãa Laa mɛɛ diki diki ka ruu ɓaaɓɛ, n nɛɛ ɓaa nung ɓaaɓɛ tɔ, ka ɓɔɔ n gaa Laa ɓɛɛ.