Rooma 1:8 - Nyaa Shɔɔ Ɓɔɔ Laa a Ɓɛɛ

⁸ N gaayu, n zãa Laa mɛɛ nɛɛ bii Yeesɔ Kirisi, ka ruu ɓɔɔ, zang koo nandon, ri rang ruu ka yuu danggn shinang manɛ ɓɛɛ.

Rooma 1:8 ပူးပေါင်းရင်းမြစ်များ

Matiyu 24:14

Zang naa rang zang koolaa keɓe Ruu Tɔ̃ɔ Kpanti Laa ditɔ nandon, tɔɔ zang ɓɔɔ ka rɛɛ tipi ɓɔɔ ka koo keɓe ri tãa ruu ɓɔɔ niizang kati. Tɔ̀ɔ, koo keɓe wu naa waa nyaa kati.”

Luka 2:1

Ka diki kaɓa Kayisa Agɔsitu kpanti zang tipi Rooma, shong nyaa nɛɛ zang gã zang ɓɔɔ ka tipi ɓiɓɛ nandon.

Zang Shonang Yeesɔ 11:28

Zang gbete ka teteng ɓarɛ, zang ɓaa wu nɛɛ Agabu, Laa a wu naa vuu palɛnang, a yupaa kɔɔyi tɔɔ, nyɔkɔ bang a kana ka koo nandon. (Nyɔkɔ keɓe náa á ka saa ɓɔɔ Kaladiyu nwang Kpanti ɓɛɛ).

Zang Shonang Yeesɔ 28:22

Ruu kasɛ ruu tɔɔ ruu tãa vuu ɓɔɔ ka yeti ɓaaɓɛ ɓɛɛ. Ka ruu ɓɔɔ, ruu zi tɔ zang ráng ruu nɛɛ nɔng piti piti ka ruu gbalang keɓe.”

Rooma 10:18

N hɛ̃ɛ katɔ ɓɛɛ, Ri tã̀a Ruu Tɔ̃ɔ Laa kpang niizang ya? Ri tã̀a katɔ. Labeenang Laa kɔɔyi tɔɔ, “Ri kɔɔ ruu keɓe ka dalɛ koo nandon. Ruu ɓarɛ daa ka dĩiri ɓɔɔ koo waa nyaa ɓɛɛ.”

Rooma 16:19

Zang piti ri tãa nyaa naa ɓɔɔ nɔɔ yiti Ruu Laa gbãng gbãng ɓɛɛ tɔ. Ka ruu nɔngkɔ, n tãa tĩnang manɛ. N kasɛ nɔɔ zũng katɔ ka ɓɔɔ nɔɔ palɛ vuu tɔ̃ɔ ɓɛɛ. Ruu manɛ wu hãa kagn nɛɛ vuu shi kpang, kpang.

Rooma 6:17

Ruu zãa Laa tɔ, ka ruu ɓɔɔ, bɛ̀ɛ́ nɔɔ manɛ jaafòó vuu shi kpang ɓɔɔ nɔɔ palɛ ɓɛɛ. A nɔɔ naa ɓaa shoo ka ruu ɓɔɔ niizang ka vuu ɓɔɔ zang tusu nɔɔ, a nɔɔ tarɛ nɛɛ yeti manɛ nandon.

1 Koranti 1:4

N zãa Laa diki diki, ka ruu manɛ, ka ruu tɔ̃ɔ bang ɓɔɔ wu pàlɛ̀ nɔɔ ka ɓɔɔ nɔɔ ɓakɛ zɔɔ nɛɛ Yeesɔ Kirisi ɓɛɛ.

2 Koranti 2:14

Ruu zãa Laa tɔ, ka ruu ɓɔɔ, sɔ̀ɔ́ ruu tĩng diki diki, a ruu ɓa Sheetang yuu tɔ, ka ruu ɓɔɔ, ruu ɓakɛ yuu tɔ nɛɛ Yeesɔ Kirisi ɓɛɛ. A ti shingnɛ, zang tãlɛ yee ɓiɓɛ nɛɛ nɔng piti piti nɛɛ bìí ɓuru, naa ɓɔɔ vuu ɓɔɔ á sɛ̃ɛ tɔ̃ɔ, tálɛ̀ nɔng ɓɛɛ.

Afisa 1:15

Ka ruu keɓe kɔ, ɓu doo ɓɔɔ n tãa nyaa danggn ɓɔɔ nɔɔ shing ka bii Kpanti Yeesɔ, nɛɛ naa ɓɔɔ nɔɔ kasɛ zang Laa nandon ɓɛɛ,

Afisa 1:16

n yaa ɓɔɔ n zãa Laa ka ruu manɛ kpang. Danggn manɛ ning m ka ɓɔɔ n gaa Laa diki diki kpang.

Afisa 3:21

Zang ri a wu bannang ka bii zang ɓɔɔ ri dũng wu ɓɛɛ, nɛɛ bii Yeesɔ Kirisi. Zang ri palɛ nɔngkɔ sasak, zang yaa kpang dòndòng. Nɔngkɔ.

Afisa 5:20

Nɔ́ɔ zãa Daa ɓuru Laa diki diki, ka ruu vuu piti, nɛɛ nung Kpanti Yeesɔ Kirisi.

Filipi 1:11

N ti gaa Laa nɛɛ nɔ́ɔ walɛ nwannang tɔ̃ɔ ɓɔɔ a nɛɛ bii Yeesɔ Kirisi ɓɛɛ, nɔ́ɔ ti palɛ vuu ɓɔɔ tɔ̃ɔ jong. Zang ɓɔɔ ri zi vuu tɔ̃ɔ ɓɔɔ nɔɔ palɛ, ri dɔ̀ɔ Laa, ri ti a wu bannang ka ruu vuu keɓe.

Filipi 1:3

Diki diki n nɛɛ rɛ̃rɛ ruu manɛ tɔ, n zãa Laa mɛɛ ka ruu manɛ.

Kolosi 1:3

Rùu zãa Laa ɓɔɔ wukɔ Daa Kpanti ɓuru Yeesɔ Kirisi diki diki, ruu nɛ̀ɛ́ gaa nɔɔ Laa ɓɛɛ.

1 Tesalonika 1:2

Ruu zãa Laa diki diki ka ruu manɛ nandon, a ruu ti ɓaa nung manɛ diki diki ka ɓɔɔ ruu gaa Laa ɓɛɛ.

1 Tesalonika 2:13

A vuu ɓɔɔ shingnɛ ruu zãa Laa diki diki ɓɛɛ kagn. Ruu atɛ nɔɔ ruu ɓɔɔ Laa shong nyaa nɛɛ mani ɓɛɛ, nɔɔ tãayi, a nɔɔ tarɛ. Wu naa nyaa shonang shɔnzang kpang, naa nyaa shonang Laa. Ti nyaa shonang Laa kɔ niizang. Ka ruu nɔngkɔ, Ruu Laa ti kɔ̃̀sɔ́ yeti manɛ kana ɓɔɔ nɔɔ shing danggn tɔ ɓɛɛ.

2 Tesalonika 1:3

Rɛɛ manzung ɓuru, daa naa ɓɔɔ ruu zãa Laa diki diki ka ruu manɛ tɔ. Daa naa ɓɔɔ ruu zãa wu tɔ, ka ruu ɓɔɔ, danggn ɓɔɔ nɔɔ shing ka bii Yeesɔ daa kana nɛɛ tĩng dɔɔli, a naa ɓɔɔ zang ɓu ka teteng manɛ ri kasɛ zɔɔ ti daa nɛɛ tĩng kɔ sasak.

2 Timoti 1:3

N zãa Laa ɓɔɔ n pàlɛ́ wu shonang nɛɛ yeti gbete tɔ, naa ɓɔɔ rɛɛ dabang mɛɛ ri pálɛ́ ɓɛɛ. N zãa wu ka ɓɔɔ, n gaa wu nɛɛ laagɛ̃ nɛɛ zĩi n ɓaa nung ɓaaɓɛ kagn diki diki ɓɛɛ.

Filimon 1:4

Filimon, n zãa Laa mɛɛ diki diki ka ruu ɓaaɓɛ, n nɛɛ ɓaa nung ɓaaɓɛ tɔ, ka ɓɔɔ n gaa Laa ɓɛɛ.

Yahudi 13:15

Rúu dɔ̀ɔ nɔɔ Laa diki diki nɛɛ bii Yeesɔ. Naa ruu dɔ̀ɔ́ Laa, nwang ɓi kaa vuu ɓɔɔ ruu dɔ̀ɔ́ wu ka waa ɓɛɛ. Wee ɓi kaa vuu ɓɔɔ koo nyaa ɓuru a wu ɓɛɛ kɔ, ka ɓɔɔ ruu kɔɔyi nɛɛ wukɔ Kpanti ɓɛɛ.

1 Bituru 2:5

Nɔɔ ɓɔɔ Yeesɔ Kirisi a nɔɔ suru bii tɔ ɓɛɛ, nɔɔ nwàng doo naa rɛɛ tari kɔ. Tari ɓɔɔ Laa mãa gãa ɓɔɔ suru nwang kagn ɓɛɛ. Nɔɔ manɛ zang ɓɔɔ Laa zɔ̃ng ri nɛɛ ri nwang zang ɓɔɔ ri dɔ̀ɔ́ wu vuu ɓɛɛ. Nɛɛ tɔ̀ɔ, nɔ́ɔ shòng wu kaa nɛɛ yeti manɛ piti naa ɓɔɔ wu tãa tĩnang ɓɛɛ, ka ruu Yeesɔ Kirisi.

1 Bituru 4:11

Zang ɓɔɔ Laa nɛɛ a wu naa yee rannang, wu rang yee ɓɔɔ a nɛɛ bii Laa ɓɛɛ. Zang ɓɔɔ nɛɛ zunung ɓɔɔ wu shǒng zang katɔ, wu shong nɛɛ kaka ɓɔɔ Laa a wu piti. Nɔɔ palɛ nɔngkɔ tɔ̀ɔ, zang ri dɔɔ Laa ka ruu vuu piti, ka ruu Yeesɔ Kirisi. Bannang nɛɛ naa vuu palɛnang ɓi ɓɔɔ ɓiɓɛ kɔ dòndòng. Nɔngkɔ.