Rooma 1:26 - Nyaa Shɔɔ Ɓɔɔ Laa a Ɓɛɛ

²⁶ Ka ruu nɔngkɔ, Laa yaa ri nɛɛ ri palɛ vuu yusɛ̃ɛ ɓɔɔ yeti ɓarɛ kasɛ ɓɛɛ. Zang soro ɓarɛ ri yaa roonang nɛɛ zang varɛ, ri rooro kaa nɛɛ zang soro kɔ doori. Vuu ɓɔɔ zang pálɛ̀ gngn nɔngkɔ kpang ɓɛɛ.

Rooma 1:26 ပူးပေါင်းရင်းမြစ်များ

Rooma 1:24

Ka ruu ɓɔɔ, shɔnzang ri shoko nɔngkɔ, Laa yaa ri, ri palɛ vuu ɓɔɔ sãnsãnrãng ɓɔɔ yeti ɓarɛ kasɛ ɓɛɛ. A ri pálɛ̀ vuu yusɛ̃ɛ nɛɛ zɔɔ.

Rooma 1:28

Ka ruu ɓɔɔ, shɔnzang ri kasɛ nɛɛ ri yítì vuu ɓɔɔ niizang ɓɔɔ zang zi ka yuu Laa ka yeti ɓarɛ kpang. Laa yaa ri tɔ ri rɛ̃rɛ vuu ɓɔɔ shi kpang, tɔɔ ri palɛ vuu ɓɔɔ daa naa palɛnang kpang ɓɛɛ.

1 Koranti 6:9

Nɔɔ zi tɔ nɛɛ, zang ɓɔɔ ri ta yeti shi kpang, ri daa nɔng ɓɔɔ Laa roo kpanti kpang. Nɔ́ɔ nwãarɛ yuu manɛ kpang. Zang ɓɔɔ ri palɛ dũndũng, zang ɓɔɔ ri bang vaka, zang ɓɔɔ ri rooro nɛɛ soro zang, zang varɛ ɓɔɔ ri rooro doo nɛɛ zang varɛ kɔ ɓɛɛ.

Afisa 4:19

Yusɛ̃ɛ tuu ri takpang tingkiring. Ri shing yuu ɓarɛ ɓi kaa vuu shi kpang palɛnang. Ri palɛ zɔ̃ng vuu sãnsãnrãng nandon, ri làabìi vuu ɓɔɔ bii ɓarɛ kasɛ ɓɛɛ palɛnang.

Afisa 5:12

Naa zang rang yee ka yuu vuu ɓɔɔ zang keɓe ri palɛ̀ ka nɔng ɓɔɔ tɔ̀ɔ katɔ, ɓi vuu yusɛ̃ɛ.

1 Tesalonika 4:5

Wu ka gbalang dũndũng palɛnang kpang, naa zang ɓɔɔ ri zi Laa kpang ɓɛɛ.

1 Timoti 1:10

Ka ruu zang ɓɔɔ ri palɛ dũndũng ɓɛɛ, nɛɛ zang varɛ ɓɔɔ ri rooro nɛɛ zɔɔ ɓɛɛ, nɛɛ zang soro ɓɔɔ ri palɛ doo nɔngkɔ ɓɛɛ. Ka ruu zang ɓɔɔ ri ɓɔɔrɔ zang ri mãlɛ́ ɓɛɛ, nɛɛ zang ɓɔɔ ri suuru sèé ɓɛɛ, nɛɛ zang ɓɔɔ ri kɔ̀ɔrɔ̀ ruu niizang ka yuu ruu kpang ɓɛɛ. Ka ruu zang piti ɓɔɔ ri pálɛ̀ vuu ka doo vuu tusunang ɓɔɔ niizang kpang ɓɛɛ.

Yahuza 1:10

A zang keɓe ri dãlɛ vuu piti ɓɔɔ ri zi dĩiri ɓiɓɛ kpang ɓɛɛ. Vuu ɓɔɔ kagn ri zi katɔ, a ri zi kaa tɔ̀ɔ́ ka rɛ̃rɛnang ɓɔɔ ri rɛ̃rɛ ka yuu ɓiɓɛ kpang, ri tãa ɓarɛ nɛɛ bii naa ɓɔɔ yɔpɔ jĩngti ɓɔɔ rang yee ɓi kpang tãa ɓɛɛ. Ti vuu keɓe kɔ ningsi ri.

Yahuza 1:7

Danggn gari Sɔɔdom nɛɛ Gomora nɛɛ rɛɛ gari ɓɔɔ ri naabm ɓɛɛ, wu ning nɔɔ kpang. Ri pálɛ́ dũndũng ka zɔ̃ng zɔ̃ng. Laa dang ri jĩng, ningsi ri nɛɛ waa ɓɔɔ ning ɓi kpang dòndòng ɓɛɛ, tɔ̀ɔ zang piti ri zi kaa gn.