Vuu ɓɔɔ zang nwangsɛ Yɔhana 8:12 - Nyaa Shɔɔ Ɓɔɔ Laa a Ɓɛɛ

¹² Zang nyaa shonang Laa ɓɔɔ ka lapa, ɓɔɔ daa kaa dɛ̃ɛti ɓɛɛ, jee gboo ɓiɓɛ. A tìng gbete ka teteng tìng taati ɓɔɔ zang basɛ làa, nɛɛ shala nɛɛ rɛɛ sang ɓɛɛ, ri tɔɔyi. Tìng gbete ɓɔɔ laagɛ̃ nɛɛ ɓɔɔ nɔng zĩi yakɛ kpang.

Vuu ɓɔɔ zang nwangsɛ Yɔhana 8:12 ပူးပေါင်းရင်းမြစ်များ

Matiyu 24:29

“Jĩng dannang bang kaɓa nɛɛ waa nyaa tɔ hn, “ ‘laa kɔ ruu zi ka lapa ɓee, naa tɔ̀ɔ katɔ, shala ti naa yàkɛ̀ nɔng takpang sang ri ti naa shili nɛɛ lapa, vuu ɓɔɔ ka lapa piti naa rùutú katɔ.’

Matiyu 27:45

Nɔng tɔ̀ɔ ka tipi kaɓa nandon nɛɛ laagɛ̃ sasak, laa naa kpɛ̃ɛ nɛɛ mani.

Maraku 13:24

“Jĩng dannang kaɓa nɛɛ waa nyaa tɔ, laa kɔ ruu zi ka lapa ɓee, naa tɔ̀ɔ́ katɔ. Shala ti naa yakɛ nɔng takpang.

Maraku 15:33

Laa kaa dãngdãng yuu, a nɔng tɔɔ ka tipi kaɓa nandon, saka taati palɛ nɛɛ mani.

Luka 21:25

“Nɔɔ naa zi vuu ka làa, nɛɛ shala nɛɛ sàng ka zɔ̃ng zɔ̃ng. Zang koolaa ka bm bm ri naa kaa vɔrɔ, ka ruu ɓɔɔ, mii waapo kaarɛ nyaa a ti see varɛ dɔɔli ɓɛɛ.

Zang Shonang Yeesɔ 2:20

Zang risi làa, wu tɔ̀ɔ kaa tɔ, shala wu ti ráa ɓi kaa zĩi, tɔ̀ɔ, diki ɓɔɔ zang a Laa bannang kagn wu arɛ. Diki kaɓa wukɔ Diki ɓɔɔ bang ɓɛɛ.

2 Koranti 4:4

Ri shing danggn kpang ka ruu ɓɔɔ Sheetang ɓɔɔ wukɔ kpanti koo keɓe, zãa yeti ɓarɛ vuu zinang katɔ ɓɛɛ. Zãa ri zinang nɔng ɓɔɔ yakɛ ka bii ɓarɛ katɔ. Nɔng yakɛnang ɓɔɔ a nɛɛ Ruu Tɔ̃ɔ ɓɔɔ ka yuu bannang Yeesɔ Kirisi, ɓɔɔ wu doo Laa kɔ gbãng gbãng ɓɛɛ.

Vuu ɓɔɔ zang nwangsɛ Yɔhana 12:4

Naa zang basɛ sang kɔ ka lapa ɓee tĩng taati. Sɔkɔ keɓe, waarɛ ɓɔɔ tĩng gbete nɛɛ dãng ɓiɓɛ, vang ri ka tipi. A sɔkɔ bìí daa shii ka tĩng jaa soro ɓɔɔ nɛɛ wu yi kaa jaa ɓɛɛ, nɛɛ tɔɔ wu shaa jaa ɓɔɔ jaa soro yi ɓɛɛ kati.

Vuu ɓɔɔ zang nwangsɛ Yɔhana 16:10

A zang nyaa shonang Laa ɓɔɔ ka lapa ɓɛɛ, ɓɔɔ daa ka maani ɓɛɛ, arɛ naa ɓaa kɔnang ɓɔɔ ka waka ɓiɓɛ ka yuu laa nwannang kpanti, ɓɔɔ yɔpɔ jĩngti kaɓa nwang kagn ɓɛɛ. A nɔng tɔɔnang zuu zang ɓɔɔ wu roo kpanti ka yuu ɓarɛ ɓɛɛ. Zang ri shaa rĩiti ka ruu jĩng ɓɔɔ ri dang ɓɛɛ.

Vuu ɓɔɔ zang nwangsɛ Yɔhana 6:12

A ɓɔɔ Jaa Mɛɛrɛ tãa lang ɓɔɔ daa kaa mangbete, n zirɛ tipi ruutu gbãng gbãng, a làa risi kaa vĩiri kɔngkɔng naa fɔ̃ɔrɔ vĩiri ɓɔɔ zang palɛ nɛɛ suuyuu ɓɛɛ, a shala raa kaa nwɛ̃ɛri naa zĩi.

Vuu ɓɔɔ zang nwangsɛ Yɔhana 9:15

Rɛɛ zang nyaa shonang Laa dɛ̃ɛti kaɓa bɛ̀ɛ́ zang mã ri ka nɔng kaɓa nɛɛ ri gã làá keɓe, nɛɛ diki keɓe, nɛɛ shala keɓe, nɛɛ saa keɓe. Tɔ̀ɔ, zang yaa ri naa kati ri nyɔkɔ zang tìng gbete vɔrɔ, naa zang basɛ zang koo tìng taati ɓɛɛ.

Vuu ɓɔɔ zang nwangsɛ Yɔhana 9:18

Rɛɛ kɔnang taati kɔ nwangkɛ nɛɛ nyaa rɛɛ gbantang ɓee, waa nɛɛ zĩiri nɛɛ vuu ɓɔɔ ta bii naa mii rong ɓɛɛ, ri nyɔ̀kɔ̀ shɔnzang tìng gbete nɛɛ wukɔ, naa zang basɛ shɔnzang ɓɔɔ koo tĩng taati ɓɛɛ.