Vuu ɓɔɔ zang nwangsɛ Yɔhana 22:14 - Nyaa Shɔɔ Ɓɔɔ Laa a Ɓɛɛ

¹⁴ Tĩnang naa nwang ɓi ɓɔ̀ɔ́ zang kaɓa, ɓɔɔ ri sɔ̀ɔ́ fɔ̃ɔrɔ, tu kalang kalang ɓɛɛ. Zang naa yaa rikɔ, ri shɛ̃ɛ nɛɛ nyaa gãa gari kaɓa, ri daa yeti gari. Ri ti shaa jaa laa, ɓɔɔ a zang suru bii ɓɔɔ waa nyaa kpang ɓɛɛ.

Vuu ɓɔɔ zang nwangsɛ Yɔhana 22:14 ပူးပေါင်းရင်းမြစ်များ

Yɔhana 10:7

Ka ruu nɔngkɔ, Yeesɔ kɔɔ tɔkn nɛɛ, “N kɔɔ nɔɔ ruu ɓɔɔ niizang kɔ nwani, nkɔ nyaa vàa mɛ̀ɛrɛ́.

Yɔhana 10:9

Nkɔ nyaa vàa. Zang ɓɔɔ nɛɛ tù nɛɛ bii mɛɛ, zang ta yuu ɓiɓɛ katɔ. Ti hãa nyaa, wu nwangnɛ, wu ti walɛ nɔng shaanang ɓɔɔ tɔ̃ɔ ɓɛɛ.

Yɔhana 14:15

“Yeesɔ kɔɔyi tɔɔ, nɔɔ nɛɛ kasɛ ruu mɛɛ katɔ, nɔɔ dũng nyaa ɓɔɔ n dang ɓɛɛ katɔ.

Yɔhana 14:6

Yeesɔ kɔɔ wu tɔɔ, “Nkɔ gbalang, nkɔ niizang, nkɔ suru bii. Zang ɓɔɔ nɛɛ tɔɔ wu daa bii Daa, sɔɔ nɛɛ bii mɛɛ kɔ gbete.

Yɔhana 4:12

Toomii keɓe ɓi dabang ɓuru Yakubu a ruu. Ti ɓóo mii kagn, nɛɛ wujɛ ɓiɓɛ, nɛɛ vuu vaa ɓiɓɛ piti, a naa vɔrɛ. Mɔɔ ɓá dabang ɓuru Yakubu ɓaa ɓu kaa tɔ ya?”

1 Koranti 7:19

Naa zang yee shaa katɔ, naa zang yee shaa doo kpang, palɛ vuu ɓɔɔ kpang. Vuu ɓɔɔ ɓa weɓe nandon, zang ri dũng rɛɛ nyaa ɓɔɔ Laa dang ɓɛɛ.

1 Koranti 8:9

Nɔɔ zi manɛ tɔ nɛɛ, Laa yaa ruu gbalang tɔ, ruu shaa zɔ̃ng vuu shaanang ɓu nandon. Nɔɔ palɛ waasɛ̃ nɔɔ nɛ̀ɛ́ shing zang ɓɔɔ danggn shinnang ɓarɛ zũng gn kpang ri nɛɛ palɛ vuu shi kpang.

1 Koranti 9:5

Vuu ɓɔɔ zãyi naa ruu gee zang soro ɓɔɔ dũng Laa ɓɛɛ kagn ya? Jaa soro bìí wu ti daarɛ nɔng ɓɔɔ ruu daarɛ nɛɛ ruu, naa ɓɔɔ Bituru nɛɛ zang shonang Yeesɔ Kirisi ɓɔɔ nimbang nɛɛ rɛɛ jaa nàá Kpanti Yeesɔ Kirisi ri palɛ ɓɛɛ.

Galati 5:6

Ruu nɛɛ ɓakɛ yuu tɔ nɛɛ Yeesɔ Kirisi, naa ruu yee shaa katɔ, naa ruu yee doo kpang, palɛ vuu ɓɔɔ ɓi kpang tingkiring. Vuu ɓɔɔ zang kasɛ ɓi danggn shinnang ɓɔɔ shing mɔɔ, mɔɔ kasɛ zang ɓɛɛ.

1 Yɔhana 3:3

Zang ɓɔɔ shing gn nɛɛ wu naa nwang naa Kirisi, a ti shing gn nɛɛ vuu keɓe naa nwang ditɔ nɔngkɔ, wu nwang tɔ̃ɔ tɔ̃ɔ naa ɓɔɔ Yeesɔ nwàng ɓɛɛ.

1 Yɔhana 5:3

Zang ɓɔɔ kasɛ Ruu Laa katɔ niizang, dũng nyaa ɓɔɔ Laa dang ɓɛɛ katɔ. Nyaa ɓɔɔ Laa dangnɛ kpãa dũnnang ɓi kpang.

Vuu ɓɔɔ zang nwangsɛ Yɔhana 2:7

Zang ɓɔɔ shoo ɓiɓɛ nɛɛ kagn, wu ɓaayi wu tãa vuu kɔ Suru Laa kɔɔ rɛɛ zang ɓɔɔ ri dũng Laa ɓee. Zang ɓɔɔ nɛɛ mã danggn nɛɛ ɓa vuu gãsɛnang yuu, n naa yaa wukɔ, wu shaa jĩng laa ɓɔɔ ra ka laa ɓɔɔ a zang suru bii ɓɔɔ waa nyaa kpang, ɓɔɔ ta ka yeti jaa ɓɔɔ Laa shĩili ɓɛɛ.”

Vuu ɓɔɔ zang nwangsɛ Yɔhana 21:12

Zang mãa binting bang ka lapa kiiri wu nyaa ka teteng. Nyaa gãa ɓɔɔ zang daa yeti gari nɛɛ mani, kopi tu ziti. Zang nyaa shonang Laa ɓɔɔ ri ka lapa ɓɛɛ, kopi tu ziti, ri gã rɛɛ nyaa gãa bìí. Ka bii rɛɛ nyaa gãa bìí, zang beere nung rɛɛ zɔ̃ng zang Isirela kopi tu ziti kagn.

Vuu ɓɔɔ zang nwangsɛ Yɔhana 21:27

A vuu shi kpang ɓɔɔ daa ka yeti gari kaɓa kpang. Zang ɓɔɔ ri palɛ vuu baabii, nɛɛ zang ɓɔɔ ri suru sèé ri ti daa yeti gari kaɓa kpang jong. Zang ɓɔɔ ri daa yeti gari kaɓa, ɓi zang ɓɔɔ zang béeré nung ɓarɛ tɔ, ka yeti labeenang Jaa Mɛ̀ɛrɛ́, ɓɔɔ zang beere nung zang ɓɔɔ ri walɛ suru bii ɓɔɔ waa nyaa kpang tɔ kagn ɓɛɛ.

Vuu ɓɔɔ zang nwangsɛ Yɔhana 22:2

Zɛ̃ɛyi tɛɛ teteng gbabang ɓɔɔ ka yeti gari bìí ɓɛɛ. Láa ɓɔɔ a zang suru bii ɓɔɔ waa nyaa kpang ɓɛɛ, takɛ ka nyaa rang keɓe, ka zingzing. Ri ra jaa ka shala shala, ka saa gbete jaa ɓɔɔ ri ra ɓɛɛ ka zɔ̃ng zɔ̃ng kopi tu ziti. Gɔpɔ laa bìí ɓi gãnang, vàlɛ́ zang ɓɔɔ ri ka nɔng piti piti ka koo, kɔnang ɓarɛ katɔ.

Vuu ɓɔɔ zang nwangsɛ Yɔhana 22:7

Yeesɔ kɔ̀ɔyi nɛɛ “Nɔɔ zirɛ, diki bee kpang, n a kaa tɔ. Tĩnang naa nwang ɓɔ̀ɔ́ zang piti ɓɔɔ dũng ruu ɓɔɔ zang bee ka labeenang keɓe ɓɛɛ, ka ruu ɓɔɔ, a nɛɛ bii Laa ɓɛɛ.”

Vuu ɓɔɔ zang nwangsɛ Yɔhana 7:14

A n kasɛ wu nyaa nɛɛ, “Dabang, ɓi mɔkɔ zirɛ.” A kɔɔ m nɛɛ, “Wee ɓi rɛɛ zang ɓɔɔ ri wɔ nɛɛ jĩng dannang bang kaɓa ɓɛɛ, a ri sɔɔ fɔ̃ɔrɔ ɓarɛ kaa nɛɛ zĩi Jaa Mɛ̀ɛrɛ́, a tu kaa puru shãa shãa.”