Matiyu 9:13 - Nyaa Shɔɔ Ɓɔɔ Laa a Ɓɛɛ

¹³ Nɔɔ kãa dĩiri yèé Laa ɓɔɔ kɔɔyi tɔɔ, ‘N kasɛ m ruu vuu vaa ɓɔɔ zang dɔɔ m kpang, n kasɛ nɛɛ gn zɔɔ wu kɔng nɔɔ katɔ kɔ jong.’ N arɛ, nɛɛ n naa ɓaa nyaa ka zang tɔ̃ɔ nɛɛ ri kɔ̃sɔ yeti ɓarɛ kpang. N arɛ nɛɛ n naa ɓaa nyaa m ka zang ɓɔɔ ri palɛ vuu shi kpang ɓɛɛ.”

Matiyu 9:13 ပူးပေါင်းရင်းမြစ်များ

Matiyu 12:3

A kasɛ ri nyaa tɔɔ, “Nɔɔ gã̀ vuu ɓɔɔ Dawuda palɛ ka diki ɓɔɔ nyɔkɔ nyɔ wu nɛɛ zang ɓɔɔ ri dũng wu gngn kpang ya?

Matiyu 12:5

A Yeesɔ ti hɛ̃ɛ ri tɔkn tɔɔ, “Nɔɔ gã̀ gngn ka yeti labeenang Laa ɓɔɔ Musa bee ɓɛɛ kpang ya? Naa ɓɔɔ zang ɓɔɔ ri dɔ̀ɔ́ Laa vuu ri palɛ shonang ka yeti Gãa Laa, ka Diki Ɔ̃sɔnang zang Yahudi kpang ya? A Kpanti Laa ti kɔɔ kpang nɛɛ ri palɛ vuu ɓɔɔ shi kpang, kpang.

Matiyu 12:7

Naa nɔɔ nɛɛ zi Ruu Laa ɓɔɔ kɔɔyi tɔɔ, ‘N kasɛ m ruu gn shɔnzang kɔnang, wu ruu vuu ɓɔɔ zang dɔɔ m kpang.’ Nɔɔ nɛɛ dɔng zang tɔ̃ɔ keɓe ruu kpang.

Matiyu 19:4

Yeesɔ kasɛ ri nyaa tɔɔ, “Nɔɔ gã gngn nɛɛ Laa ɓɔɔ mã́a zang ka tĩng tɛ̃ɛ tɛ̃ɛ, mã́a ri, zang varɛ nɛɛ zang soro kpang ya?”

Matiyu 21:42

A Yeesɔ hɛ̃ɛ ri tɔɔ, “Nɔɔ gã̀ gngn ka yeti labeenang Kpanti Laa kpang ya? Laa kɔɔyi tɔɔ: “ ‘Tari ɓɔɔ zang gãa mãanang ri bɛ̃ɛyi, wukɔ ràa tari ɓɔɔ yiti gãa kati. Kpanti Laa kɔ palɛ veɓe. Ɓɔɔ ka jĩng ɓuru, ɓi kaa vuu ɓɔɔ ruu mã naa ka danggn ɓɛɛ.’

Matiyu 3:2

Kɔɔ zang tɔɔ, “Nɔɔ yaa vuu shi kpang manɛ ta, nɔ́ɔ kɔ̃sɔ yeti manɛ, ka ruu ɓɔɔ, kpanti roonang Laa a naabm tɔ ɓɛɛ.”

Matiyu 3:8

Nɔɔ palɛ vuu ɓɔɔ tusu zang nɛɛ nɔɔ kɔ̃sɔ yeti manɛ tɔ, nɔɔ yaa vuu shi kpang tɔ ɓɛɛ.

Matiyu 4:17

A Yeesɔ gaa tɔɔsung yee Laa rannang ka diki kaɓa kɔ. Kɔɔyi tɔɔ, “Nɔɔ yaa vuu shi kpang manɛ ta, nɔ́ɔ kɔ̃sɔ yeti manɛ, ka ruu ɓɔɔ, diki ɓɔɔ Laa roo kpanti kagn a naabm tɔ ɓɛɛ.”

Maraku 12:26

“Ka ruu zang paa wisinang nɛɛ saa, nɔɔ gã gngn ka yeti labeenang Musa kpang ya? Ka nɔng ɓɔɔ zang bèe ruu waa ɓɔɔ shaa jaa laa ɓɛɛ. Zang bee ka nɔngkɔ nɛɛ, Laa kɔɔ Musa tɔɔ, wukɔ Laa Ibirayi, nɛɛ ɓɔɔ Ishaaku, nɛɛ ɓɔɔ Yakubu.

Maraku 12:33

Laa kasɛ, nɛɛ zang wu kasɛ ruu ɓiɓɛ nɛɛ yeti gbete, nɛɛ rɛ̃rɛnang ɓiɓɛ nandon, nɛɛ kaka ɓiɓɛ nandon, zang wu ti kasɛ shɔnzang doo naa ɓɔɔ zang kasɛ yuu zang kɔ. Nyaa dannang keɓe dũnnang, ɓa ɓɔɔ zang dɔɔrɔ Laa vuu katɔ.”

Maraku 2:17

Ɓɔɔ Yeesɔ tãa naa weɓe, a kɔɔ ri tɔɔ “Zang ɓɔɔ bii kɔ̀ng ri kpang, ri daa bii zang ɓɔɔ, palɛ zang kɔnang ɓi kpang. Ɓi zang ɓɔɔ bii kɔng ri katɔ kɔ, ri daa shɛ̃ɛning. N arɛ nɛɛ, n naa ɓaa nyaa ka zang ɓɔɔ tɔ̃ɔ nɛɛ ri kɔ̃sɔ yeti kpang. N arɛ nɛɛ n naa ɓaa nyaa m ka zang ɓɔɔ ri dũ̀ng nyaa ɓɔɔ Laa dangnɛ kpang ɓɛɛ.”

Luka 10:26

A Yeesɔ kasɛ wu nyaa tɔɔ, “Labeenang Laa ɓɔɔ Musa beeyi, kɔɔ nɛɛ viya? Ɓɔɔ mɔɔ gãrɛ kɔɔ nɛɛ viya?”

Luka 19:10

Ka ruu ɓɔɔ, n Jaa Shɔnzang n arɛ nɛɛ n naa kãa zang ɓɔɔ ri ning gbalang katɔ, tɔ̀ɔ, n ta yuu ɓarɛ kati ɓɛɛ.”

Luka 24:47

Zang kɔɔ zang koo piti Ruu Laa, nɛɛ nung ɓiɓɛ kɔ, nɛɛ zang yaa vuu shi kpang, ri kɔ̃sɔ yeti ɓarɛ, tɔ̀ɔ, Laa wu yaa ri gbalang vuu shi kpang ɓarɛ. Zang naa gaayu nɛɛ Urushalima.

Luka 5:31

A Yeesɔ kasɛ ri nyaa tɔɔ, “Zang ɓɔɔ bii kɔ̀ng ri kpang, ri daa bii zang ɓɔɔ pàlɛ́ zang kɔnang ɓi kpang. Ɓi zang ɓɔɔ bii kɔng ri katɔ kɔ ri daa shɛ̃ɛning.

Luka 5:32

N arɛ nɛɛ n naa ɓaa nyaa ka zang tɔ̃ɔ nɛɛ ri kɔ̃sɔ yeti ɓarɛ kpang. N arɛ nɛɛ n naa ɓaa nyaa m ka zang ɓɔɔ ri dũng nyaa ɓɔɔ Laa dang kpang ɓɛɛ, tɔ̀ɔ, ri yaa vuu shi kpang, ri kɔ̃sɔ yeti kati.”

Yɔhana 10:34

Yeesɔ kɔɔ ri tɔɔ, “Zang bee ka yeti labeenang nyaa dannang manɛ nɛɛ Laa tɔɔ, ‘Nɔɔ nwang manɛ naa Laa.’

Zang Shonang Yeesɔ 11:18

Ka ɓɔɔ ri tãa vuu keɓe, ri rangkɛ rɛɛ Bituru takpang, ri dɔɔ kaa Laa, ri kɔɔyi nɛɛ, “Nɛɛ nɔngkɔ, Laa a rɛɛ zang ɓɔɔ ri zang Isirela kpang gbalang tɔ jong nɛɛ ri kɔ̃sɔ yeti ɓarɛ, tɔ̀ɔ, ri vɔ kaa takpang.”

Zang Shonang Yeesɔ 2:38

Bituru kɔɔ ri tɔɔ, “Zang ɓu wu yaa vuu shi kpang ɓɔɔ wu palɛ ɓɛɛ ta, zang palɛ nɔɔ batizima nɛɛ nung Yeesɔ Kirisi, tɔ̀ɔ, Laa wu yaa nɔɔ gbalang vuu shi kpang manɛ ɓɔɔ dɔɔli ɓɛɛ kati. Tɔ̀ɔ, Laa wu a nɔɔ Suru ɓiɓɛ kati.

Zang Shonang Yeesɔ 20:21

N shaarɛ rɛɛ zang Yahudi nɛɛ zang ɓɔɔ ri zang Isirela kpang nyaa nandon, n tɔɔ ri yaa vuu shi kpang ɓɔɔ ri palɛ ɓɛɛ. Ri kɔ̃sɔ yeti ɓarɛ, ri a ka bii Laa. Ri shing danggn kaa bii Kpanti ɓuru Yeesɔ.

Zang Shonang Yeesɔ 3:19

Ka ruu nɔngkɔ, nɔɔ kɔ̃sɔ yeti manɛ ta, nɔɔ gbãayu kaa bii Laa, tɔ̀ɔ, wu yaa nɔɔ gbalang vuu shi kpang manɛ kati.

Zang Shonang Yeesɔ 5:31

Laa a wu bannang, a shing wu ka nakn ɓiɓɛ, nɛɛ wu nwang zang bang, á wu ti nwáng zang ɓɔɔ ta yuu zang ɓɛɛ. Tɔ̀ɔ, Isirela ri walɛ gbalang ɓɔɔ ri kɔ̃sɔ yeti ɓarɛ, zang wu yaa ri gbalang vuu shi kpang ɓarɛ kati.

2 Bituru 3:9

Zang ɓɔɔ ri kɔɔyi nɛɛ Laa sùu zang kãng dɔɔli, pálɛ̀ vuu ɓɔɔ wu kɔɔyi nɛɛ wu palɛ ɓɛɛ kpang. Ɓi nɔngkɔ kpang, Laa mã ɓi danggn kɔ jong nɛɛ nɔɔ. Laa yaa zang ɓi gbalang nɛɛ, wu yaa vuu shi kpang ɓɔɔ wu palɛ ɓɛɛ. Kasɛ kpang nɛɛ zang ɓɔɔ wu shaarɛ kpang, kasɛ nɛɛ zang piti ri kɔ̃sɔ yeti, ri yaa vuu shi kpang ɓɔɔ ri palɛ ɓɛɛ.