Matiyu 6:27 - Nyaa Shɔɔ Ɓɔɔ Laa a Ɓɛɛ

²⁷ Zang gbete ɓu wi ka teteng manɛ, zunung diki gbete gisinang katɔ ka yuu diki nwannang ɓiɓɛ, nɛɛ rɛ̃rɛnang ɓiɓɛ wiya?

Matiyu 6:27 ပူးပေါင်းရင်းမြစ်များ

Matiyu 5:36

Nɔ́ɔ ti tũng vuu nɛɛ yuu manɛ kpang, ka ruu ɓɔɔ, nɔɔ zunung naa ɓɔɔ nɔɔ risi suuyuu manɛ gbete wu rì puru kɔ vĩiri kpang ɓɛɛ.

Matiyu 6:25

“Ka ruu nɔngkɔ, n kɔ̀ɔ́ nɔɔ, nɔɔ rɛ̃rɛ ka ruu nwannang manɛ dɔɔli kpang nɛɛ nɔ́ɔ walɛ vuu shaanang, nɛɛ mii ɓoonang, a ɓɔɔ vuu ɓɔɔ nɔɔ hãa ka bii manɛ ka niya kpang. Suru bii ɓa vuu shaanang kpang ya? Bii shɔnzang ti ɓa fɔ̃ɔrɔ kpang ya?

Matiyu 6:28

“A nɔɔ rɛ̃rɛ ka ruu fɔ̃ɔrɔ ka ruu viya? Nɔɔ pɛ̃ɛrɛ naa ɓɔɔ mangwaa vuu ri bangkɛ ka waala ɓɛɛ. Ri palɛ shonang kpang, ri ti sée yuu ɓarɛ fɔ̃ɔrɔ bii kpang.

Matiyu 6:31

“Nɔ́ɔ rɛ̃rɛ nɛɛ, nɔɔ walɛ vuu shaanang ka niya, nɛɛ vuu ɓɔɔ nɔɔ ɓooyi, a ɓɔɔ vuu ɓɔɔ nɔɔ hãlɛ ɓɛɛ kpang.

Matiyu 6:34

Ka ruu nɔngkɔ, nɔ́ɔ rɛ̃rɛ ka ruu diki ɓɔɔgn kpang. Vuu ɓi ka naa Laa kɔ gbete. Nɔɔ shing jĩng ka vuu ɓɔɔ lɛɛkɔ kɔ shɛ̃ɛning, vuu lɛɛkɔ ɓɔɔ kpãa nɔɔ, daa ɓɔɔ nɔɔ shing jĩng ka rikɔ shɛ̃ɛning ɓɛ̀ɛ́ tɔ.

Luka 10:41

A Yeesɔ kasɛ wu nyaa tɔɔ, “Mata, mɔɔ rɛ̃rɛ, a bii ti nwãa mɔɔ ka ruu vuu dɔɔli.

Luka 12:11

“Zang nɛɛ atɛ nɔɔ tɔ, nɛɛ zang jɛ̃ɛ nɔɔ ruu ka gãa zɔɔ kpalɛnang zang Yahudi, kɔ ka bii gɔmna, kɔ bii zang bang bang ɓɔɔ ri yiti tipi ɓɛɛ, nɔɔ rɛ̃rɛ ka ruu naa ɓɔɔ, nɔɔ daa kasɛ zang nyaa, nɛɛ naa vuu ɓɔɔ nɔɔ daa kɔɔ ɓɛɛ kpang.

Luka 12:22

A Yeesɔ kɔɔ zang ɓɔɔ ri mantɛ vuu ka bii ɓiɓɛ tɔɔ, “Ka ruu nɔngkɔ, n kɔɔ nɔɔ, nɔ́ɔ nyɔ yuu manɛ nɛɛ rɛ̃rɛnang, ka ruu vuu ɓɔɔ nɔɔ naa shaayi, nɛɛ ruu fɔ̃ɔrɔ ɓɔɔ nɔɔ hãa ka bii ɓɛɛ kpang.

1 Koranti 12:18

A Laa mã̀a bii ɓuru kaa tɔ̀ɔ́ nɔngkɔ kpang, Laa mã̀a bii shɔnzang nɛɛ vuu ka zɔ̃ng zɔ̃ng, naa ɓɔɔ wu kasɛ ɓɛɛ.

Filipi 4:6

Nɔɔ kpãa yuu manɛ ka ruu vuu ɓɔɔ kpang, nɔɔ kɔ̀ɔrɔ̀ Laa vuu ɓɔɔ nɔɔ kasɛ ɓɛɛ kɔ jong. Nɔ́ɔ gàa Laa ka ɓɔɔ nɔɔ rang yee nɛɛ wu, nɔɔ ti zãa wu.

1 Bituru 5:7

Nɔɔ yaa vuu ɓɔɔ kpãa nɔɔ piti ka naa ɓiɓɛ, ka ruu ɓɔɔ, wukɔ gãng jĩng ka nɔɔ ɓɛɛ.