Matiyu 6:25 - Nyaa Shɔɔ Ɓɔɔ Laa a Ɓɛɛ

²⁵ “Ka ruu nɔngkɔ, n kɔ̀ɔ́ nɔɔ, nɔɔ rɛ̃rɛ ka ruu nwannang manɛ dɔɔli kpang nɛɛ nɔ́ɔ walɛ vuu shaanang, nɛɛ mii ɓoonang, a ɓɔɔ vuu ɓɔɔ nɔɔ hãa ka bii manɛ ka niya kpang. Suru bii ɓa vuu shaanang kpang ya? Bii shɔnzang ti ɓa fɔ̃ɔrɔ kpang ya?

Matiyu 6:25 ပူးပေါင်းရင်းမြစ်များ

Matiyu 10:19

Zang nɛɛ daa tɔ nɛɛ nɔɔ, nɔ́ɔ rɛ̃rɛ naa ɓɔɔ nɔɔ daa kasɛ zang nyaa, nɛɛ vuu ɓɔɔ nɔɔ daa kɔɔ ɓɛɛ kpang. Ka ruu ɓɔɔ, Kpanti Laa naa a nɔɔ ruu ɓɔɔ nɔɔ kɔɔ ditɔ ka laa kaɓa ɓɛɛ.

Matiyu 13:22

Jĩng vuu ɓɔɔ shili ka teteng kɔkɔ, ɓi kaa zang ɓɔɔ ri tãa Ruu Laa, a rɛ̃rɛnang ka yuu vuu ɓɔɔ ka koo keɓe nɛɛ vuu naa kasɛnang, naa mulu Ruu Laa ɓɔɔ ka yeti ɓarɛ kati, a ruu bìí naa nwàng ri vuu kaa takpang.

Matiyu 6:31

“Nɔ́ɔ rɛ̃rɛ nɛɛ, nɔɔ walɛ vuu shaanang ka niya, nɛɛ vuu ɓɔɔ nɔɔ ɓooyi, a ɓɔɔ vuu ɓɔɔ nɔɔ hãlɛ ɓɛɛ kpang.

Matiyu 6:34

Ka ruu nɔngkɔ, nɔ́ɔ rɛ̃rɛ ka ruu diki ɓɔɔgn kpang. Vuu ɓi ka naa Laa kɔ gbete. Nɔɔ shing jĩng ka vuu ɓɔɔ lɛɛkɔ kɔ shɛ̃ɛning, vuu lɛɛkɔ ɓɔɔ kpãa nɔɔ, daa ɓɔɔ nɔɔ shing jĩng ka rikɔ shɛ̃ɛning ɓɛ̀ɛ́ tɔ.

Maraku 13:11

Zang nɛɛ atɛ nɔɔ tɔ ka nɔng ɓɔɔ zang jɛ̃ɛ zang ruu, nɔɔ rɛ̃rɛ vuu ɓɔɔ nɔɔ naa kɔɔ zang ɓɛɛ kpang. Zang nɛɛ hɛ̃ɛ nɔɔ tɔ, nɔɔ kɔɔ zang vuu ɓɔɔ Laa a nɔɔ ɓɛɛ, ka ruu ɓɔɔ, ɓi nɔkɔ rang yee kpang, ɓi Suru Laa rang nɛɛ nyaa manɛ ɓɛɛ.

Maraku 4:19

a rɛ̃rɛnang ka yuu vuu ɓɔɔ ka koo keɓe nɛɛ vuu naa kasɛnang, nɛɛ vuu piti ɓɔɔ yeti zang kasɛ, naa mulu Ruu Laa ɓɔɔ ka yeti ɓarɛ kati, a ruu bii naa nwàng ri vuu kaa takpang.

Luka 12:11

“Zang nɛɛ atɛ nɔɔ tɔ, nɛɛ zang jɛ̃ɛ nɔɔ ruu ka gãa zɔɔ kpalɛnang zang Yahudi, kɔ ka bii gɔmna, kɔ bii zang bang bang ɓɔɔ ri yiti tipi ɓɛɛ, nɔɔ rɛ̃rɛ ka ruu naa ɓɔɔ, nɔɔ daa kasɛ zang nyaa, nɛɛ naa vuu ɓɔɔ nɔɔ daa kɔɔ ɓɛɛ kpang.

Luka 8:14

Jĩng vuu ɓɔɔ ri shili ka teteng kɔkɔ, ri nwang naa zang ɓɔɔ ri tãa Ruu Laa ɓɛɛ. Ri dũng kana, a rɛ̃rɛnang ka yuu vuu ɓɔɔ ka koo keɓe, nɛɛ vuu naa kasɛnang naa mulu Ruu Laa ɓɔɔ ri tãayi. A Ruu Laa ɓɔɔ ri tãayi nwang ri vuu ɓɔɔ kaa takpang.

Rooma 8:32

Laa zãa Jaa ɓiɓɛ jĩng dannang kpang, a zang wu, nɛɛ zang nyɔ wu vɔrɔ ka ruu ɓuru nandon. Naa a ruu vuu piti ɓi kaa tɔ̀ɔ́ waati nɛɛ wu ning kpang ya?

1 Koranti 7:32

N kasɛ kpang, vuu keɓe ri kpãa nɔɔ kpang. Zang ɓɔɔ gee soro gn kpang, rɛ̃rɛ ɓi ka ruu vuu Kpanti Yeesɔ Kirisi kɔ gbete. Kasɛ nɛɛ Kpanti Yeesɔ wu tãa tĩnang ɓiɓɛ.

Filipi 4:6

Nɔɔ kpãa yuu manɛ ka ruu vuu ɓɔɔ kpang, nɔɔ kɔ̀ɔrɔ̀ Laa vuu ɓɔɔ nɔɔ kasɛ ɓɛɛ kɔ jong. Nɔ́ɔ gàa Laa ka ɓɔɔ nɔɔ rang yee nɛɛ wu, nɔɔ ti zãa wu.

2 Timoti 2:4

Zang sɔɔja ɓɔɔ ka nyaa sĩiri, ta sĩiri tɔ̃ɔ, tɔ̀ɔ, zang bang ɓiɓɛ wu tãa tĩnang ɓiɓɛ kati. Ka ruu nɔngkɔ, mɔɔ pálɛ̀ vuu ɓɔɔ zang ɓɔɔ ri sɔɔja kpang ri pálɛ́ ɓɛɛ kpang.

1 Bituru 5:7

Nɔɔ yaa vuu ɓɔɔ kpãa nɔɔ piti ka naa ɓiɓɛ, ka ruu ɓɔɔ, wukɔ gãng jĩng ka nɔɔ ɓɛɛ.