Matiyu 6:16 - Nyaa Shɔɔ Ɓɔɔ Laa a Ɓɛɛ

¹⁶ “Nɔɔ nɛɛ seng nyaalaa nɔ́ɔ kãngtɛ nyaa tĩng naa zang ɓɔɔ ri nwãarɛ zang nɛɛ vuu palɛnang ɓɛɛ kpang. Ri risi nyaa tĩng ɓarɛ naa ɓɔɔgn nɛɛ tɔɔ zang zi kati nɛɛ ri seng nyaalaa. N kɔɔ nɔɔ ruu ɓɔɔ niizang kɔ nwani, zang keɓe ri ta vuu ɓɔɔ ri kasɛ nɛɛ bii zang ɓi tɔ nandon.

Matiyu 6:16 ပူးပေါင်းရင်းမြစ်များ

Matiyu 6:1

“Nɔɔ gãng jĩng ka naa ɓɔɔ nɔɔ palɛ vuu tɔ̃ɔ manɛ ning. Nɔ́ɔ pálɛ̀ ka ruu ɓɔɔ, tɔɔ zang ri zi nɔɔ ɓɛɛ kpang. Ka ruu ɓɔɔ, naa nɔɔ palɛ nɔngkɔ, Daa manɛ ɓɔɔ ka lapa naa a nɔɔ vuu ɓɔɔ wu kasɛ nɛɛ wu á nɔɔ ɓɛɛ takpang.

Matiyu 6:2

“Mɔɔ nɛɛ tɔɔ mɔɔ a zang ɓɔɔ vuu ka naa kpang vuu, mɔɔ jèe vuukãng ka gbongkarɛ naa ɓɔɔ zang ɓɔɔ ri nwãarɛ zang nɛɛ vuu palɛnang, ri palɛ ka gãa zɔɔ kpalɛnang zang Yahudi nɛɛ nyaa gbabang ɓɛɛ kpang. Ka ruu ɓɔɔ, ri kasɛ nɛɛ zang dɔɔ ri kati ɓɛɛ. N kɔɔ nɔɔ ruu ɓɔɔ niizang kɔ nwani, zang keɓe, ri ta vuu ɓɔɔ Laa nɛ̀ɛ́ a ri ɓɛɛ tɔ nandon.

Matiyu 6:5

“Nɔɔ nɛɛ tɔɔ nɔɔ gaa Laa, nɔ́ɔ palɛ naa zang ɓɔɔ ri nwãarɛ zang nɛɛ vuu palɛnang ɓɔɔ ri palɛ ɓɛɛ kpang. Ri kasɛ Laa gaanang doo paa ka gãa zɔɔ kpalɛnang zang Yahudi, nɛɛ nɔng ɓɔɔ gbabang ɓee zɔɔ, nɛɛ tɔɔ zang zi ri kati. N kɔɔ nɔɔ ruu ɓɔɔ niizang kɔ nwani, zang keɓe ri ta vuu ɓɔɔ Laa nɛɛ a ri tɔ nandon.

Maraku 2:18

Ka diki kaɓa zang ɓɔɔ ri mantɛ vuu ka bii Yɔhana, nɛɛ ɓɔɔ ri mantɛ vuu ka bii Farisi, ri seng nyaalaa. A zang ɓɔɔgn ri arɛ, ri naa hɛ̃ɛ Yeesɔ tɔɔ “Ka ruu vi zang ɓɔɔ ri mantɛ vuu ka bii Yɔhana, nɛɛ Farisi ri seng nyaalaa, ɓɔɔ ɓaaɓɛ ri sèng ɓarɛ kpang viya?”

Luka 18:12

N seng nyaalaa diki ziti ka teteng diki manziti. Ka yeti vuu ɓɔɔ n walɛ nandon diki diki, n basɛ tìng kopi, ń a mɔɔ tìng gbete.’

Zang Shonang Yeesɔ 10:30

Koneliyu kasɛ wu nyaa tɔɔ, “Diki daa lɛɛkɔ dɛ̃ɛti bɛ̀ɛ́ n ka yeti gãa mɛɛ, n gàá Laa bɛ̀ɛ́ laa naa weɓe kɔ saka taati. A zang ɓɔɔ hãa fɔ̃ɔrɔ kɔlɔ katɔ nwang nyaa a shii ka tĩng mɛɛ,

Zang Shonang Yeesɔ 14:23

Ri nɛɛ shɛ̃ɛrɛ zang ɓɔɔ ri sɔ̀ɔ́ zang ɓɔɔ ri dũng Laa tĩng tɔ, ri seng nyaalaa, ri ti gaa ri Laa. Ri ti gaa Laa ɓɔɔ ri shing danggn ka bii ɓiɓɛ nɛɛ wu yiti rɛɛ zang ɓɔɔ ri dũng wu keɓe waasɛ̃.

1 Koranti 7:5

Ka ruu nɔngkɔ, nɔ́ɔ zãa zɔɔ bii manɛ kpang. Naa nɔɔ kasɛ katɔ, nɔɔ kà zɔɔ diki nɛɛ nɔɔ gaa Laa, tɔ̀ɔ nɔɔ zãa zɔɔ bii. Diki ɓɔɔ nɔɔ ka zɔɔ nɛɛ waa nyaa tɔ, nɔɔ ɓang bii nɛɛ zɔɔ. Ka ruu ɓɔɔ, Sheetang nɛɛ walɛ gbalang wu gãsɛ nɔɔ, wu shing nɔɔ, nɔɔ palɛ vuu shi kpang ɓɛɛ. Ka ruu ɓɔɔ, nɔɔ zunung ɓɔɔ nɔɔ yiti yuu manɛ kpang ɓɛɛ.

2 Koranti 11:27

N lee tɔ, ka nɔng ɓɔɔ n palɛ shonang gbãng gbãng ɓɛɛ. Diki mɛɛ dɔɔli n roo hingro kpang. Lee ɓɔɔ n shaa vuu kpang, n ti ɓoo mii kpang. Diki mɛɛ dɔɔli vuu shaanang daa nyaa mɛɛ kpang. Sɔ̀ɔrɔ́ ti si m, a fɔ̃ɔrɔ ɓɔɔ n hãa ka bii kpang.

2 Koranti 6:5

Zang nyɔ ruu tɔ nɛɛ gbãa, zang mã ruu ka sãa, a zang ti kãarɛ ruu. Zang mã ruu nyaa ka shonang sasak, ruu ti roo hingro ka jĩng kpang, a nyɔkɔ ti nyɔ ruu.