Matiyu 5:46 - Nyaa Shɔɔ Ɓɔɔ Laa a Ɓɛɛ

⁴⁶ Naa nɔɔ kàsɛ́ ruu zang ɓɔɔ ri kasɛ ruu manɛ kɔ shɛ̃ɛning, nɔɔ naa walɛ ɓu vi ka bii Kpanti Laa viya? Zang ɓɔɔ ri ta saka tipi, ri palɛ wu nɔngkɔ doori kpang ya?

Matiyu 5:46 ပူးပေါင်းရင်းမြစ်များ

Matiyu 11:19

Jaa Shɔnzang àrɛ, shaa katɔ, ti ɓoo katɔ. Zang ti kɔɔyi tɔɔ, ‘Nɔɔ zi zang nyɔkɔ keɓe, zang ɓɔɔ ɓoo saa dɔɔli. Wusang zang saka tipi tanang nɛɛ zang ɓɔɔ ri dũng nyaa ɓɔɔ Laa dang kpang kɔ doori ɓɛɛ.’ Zũnang Laa tusu bii ka vuu tɔ̃ɔ ɓɔɔ shɔnzang palɛ ɓɛɛ.”

Matiyu 18:17

Nɛɛ ti tãa nyaa zang kaɓa kpang kɔ doori, tɔ̀ɔ mɔɔ daa kɔɔ zang Laa ɓɔɔ nimbang kati. Nɛɛ ɓaa shoo ka nyaa zang Laa ɓɔɔ nimbang kpang kɔ doori, tɔ̀ɔ mɔɔ yaa wu nɔngkɔ, naa ɓɔɔ mɔɔ yaa zang ɓɔɔ dũng Laa kpang ɓɛɛ, kɔ zang ɓɔɔ ta saka tipi ɓɛɛ.

Matiyu 5:47

Naa nɔɔ ti jee rɛɛ ɓaazung kɔ nyaa shɛ̃ɛning, nɔɔ ɓa rɛɛ zang ɓɔɔ ɓu kaa nɛɛ viya? Zang ɓɔɔ ri dũng Kpanti Laa kpang, ri palɛ ɓu doo nɔngkɔ kpang ya?

Matiyu 6:1

“Nɔɔ gãng jĩng ka naa ɓɔɔ nɔɔ palɛ vuu tɔ̃ɔ manɛ ning. Nɔ́ɔ pálɛ̀ ka ruu ɓɔɔ, tɔɔ zang ri zi nɔɔ ɓɛɛ kpang. Ka ruu ɓɔɔ, naa nɔɔ palɛ nɔngkɔ, Daa manɛ ɓɔɔ ka lapa naa a nɔɔ vuu ɓɔɔ wu kasɛ nɛɛ wu á nɔɔ ɓɛɛ takpang.

Maraku 2:15

Laa ɓa tɔ tɔkɔlɔng, Yeesɔ daa ka gãa Leevi, daa nwangnɛ shaa vuu shaanang kaa nɛɛ zang ɓɔɔ ri mantɛ vuu ka bii ɓiɓɛ nɛɛ zang dɔɔli ɓɔɔ ri ta saka tipi, nɛɛ zang ɓɔɔgn ɓɔɔ ri dũng nyaa ɓɔɔ Laa dangnɛ kpang ɓɛɛ. Ka ruu ɓɔɔ zɔ̃ng zang dɔɔli, ri dũng knti ɓiɓɛ ɓɛɛ.

Maraku 2:16

Ɓɔɔ zang Farisi ɓɔɔ ri tusu zang ɓarɛ labeenang, ri zi Yeesɔ shaa vuu nɛɛ zang ɓɔɔ ri dũ̀ng nyaa ɓɔɔ Laa dangnɛ kpang hn, ri hɛ̃ɛ zang ɓɔɔ ri mantɛ vuu ka bìí ɓiɓɛ nɛɛ, “Shaa vuu nɛɛ zang ɓɔɔ ri ta saka tipi, nɛɛ zang ɓɔɔgn ɓɔɔ ri dũ̀ng nyaa ɓɔɔ Laa dangnɛ kpang ka ruu viya?”

Luka 15:1

Diki ɓɔɔgn, zang ɓɔɔ ri ta saka tipi nɛɛ zang ɓɔɔ ri palɛ vuu shi kpang kɔ doori, ri kpalɛ zɔɔ ka bii Yeesɔ, nɛɛ ri tãa yee ɓɔɔ wu rang ɓɛɛ.

Luka 18:13

“A zang ɓɔɔ ta saka tipi shii ɓi nɛɛ nɔng beebang, kasɛ nɛɛ wu wisi jĩng paa kpang tingkiring. A nyɔ naa ka danggn, nwang kaa naa ɓɔɔ zi vuu shi kpang ɓɔɔ wu palɛ tɔ ɓɛɛ. A gàa Laa tɔɔ, ‘Gn mɛɛ wu kɔng mɔɔ jong Laa, n m zang ɓɔɔ palɛ vuu shi kpang ɓɛɛ.’

Luka 19:2

A yɔɔ zang bang zang saka tipi tanang ɓɔɔ ɓi zang ying, ɓɔɔ zang ɓaa wu nɛɛ Zaka kagn nɔngkɔ.

Luka 19:7

Zang ɓɔɔ ri zi vuu ɓɔɔ Yeesɔ palɛ, ri gaa tɔɔsung yee gɔ̃ɔrɔnang kaa nandon tɔɔ, “Yɔɔ keɓe daa roo lɛ̀ɛ́ ka gãa zang ɓɔɔ palɛ vuu shi kpang.”

Luka 3:12

Zang ɓɔɔ ri ta saka tipi ri ti arɛ nɛɛ Yɔhana wu palɛ ri batizima. Ri hɛ̃ɛ Yɔhana tɔɔ, “Maalang rúu palɛ ɓu kaa viya?”

Luka 5:29

Leevi daa palɛ vuu shaanang ka zɔ̃ng zɔ̃ng, ka gãa ɓiɓɛ, ka ruu Yeesɔ. Ka teteng zang kɔ shaa vuu shaanang ɓa, zang saka tipi tanang kagn nɔngkɔ gaagaa. Ri shaa vuu shaanang kana nɛɛ Yeesɔ.

Luka 5:30

Zang Farisi nɛɛ zang ɓɔɔ ri tusu zang vuu, ɓɔɔ ri doo zang Farisi kɔ, ri hɛ̃ɛlɛ zang ɓɔɔ ri mantɛ vuu ka bii Yeesɔ kana nɛɛ, “Ka ruu vi, nɔɔ shaa vuu shaanang nɔɔ ti ɓooro vuu nɛɛ zang saka tipi tanang nɛɛ zang ɓɔɔ ri dũng nyaa ɓɔɔ Laa dang ɓɛɛ kpang kɔ doori viya?”

Luka 7:29

Zang ɓɔɔ ri kpalɛ zɔɔ piti, nɛɛ ɓɔɔ ri ta saka tipi, ri tãa ruu keɓe. Ri dɔɔ Laa ka ruu ɓɔɔ Yɔhana palɛ ri batizima ɓɛɛ.

Luka 7:34

A Jaa Shɔnzang arɛ, shaa vuu shaanang katɔ, ti ɓoo katɔ. Nɔɔ ti kɔɔyi nɛɛ, ‘Nɔɔ zi zang nyɔkɔ keɓe, ɓi ti zang ɓɔɔ ɓoo saa dɔɔli ɓɛɛ. Yi wusang ɓi nɛɛ zang ɓɔɔ ri ta saka tipi nɛɛ zang ɓɔɔ ri doo zang ɓɔɔ ri palɛ vuu shi kpang kɔ ɓɛɛ.’