Matiyu 5:45 - Nyaa Shɔɔ Ɓɔɔ Laa a Ɓɛɛ

⁴⁵ tɔ̀ɔ nɔɔ nwang wujɛ Daa manɛ ɓɔɔ ka lapa kati. Ka ruu ɓɔɔ Kpanti Laa shingnɛ laa ɓiɓɛ wu nwang ka yuu zang shi kpang nɛɛ zang tɔ̃ɔ piti ɓɛɛ. Ti a zang ɓɔɔ tɔ̃ɔ nɛɛ zang shi kpang mii lapa katɔ ɓɛɛ.

Matiyu 5:45 ပူးပေါင်းရင်းမြစ်များ

Matiyu 5:9

Tĩnang Tãanang ɓi ɓɔɔ zang ɓɔɔ ri kasɛ nɛɛ zang nwang ka nyaa zɔɔ ɓɛɛ. Zang naa ɓaa rikɔ nɛɛ wujɛ Laa.

Luka 6:35

Nɔɔ kasɛ ruu zang ɓɔɔ ri shing jĩng nɛɛ nɔɔ kpang katɔ. Nɔɔ palɛ ri tɔ̃ɔ. Nɔ́ɔ ti a zang vuu nyaa kɔ́pɔ́ nɛɛ zang wu naa sɔɔrɔ nɔɔ tɔkn kpang. Tɔ̀ɔ, nɔ́ɔ naa walɛ vuu ɓɔɔ Laa shing nɔɔ ɓɛɛ kati. Nɔ́ɔ ti naa nwáng wujɛ Kpanti Laa kati. Ka ruu ɓɔɔ, gn zang ɓɔɔ zãa wu kpang, nɛɛ zang ɓɔɔ yeti ɓarɛ shi kpang kɔng wu katɔ ɓɛɛ.

Yɔhana 13:35

Naa nɔɔ kàsɛ́ ruu zɔɔ, zang zi ka wukɔ nɛɛ nɔɔ manɛ zang ɓɔɔ ri mantɛ vuu ka bìí mɛɛ ɓɛɛ.”

Zang Shonang Yeesɔ 14:17

Laa bìí, ti tusu doo nɛɛ mani diki diki, nɛɛ wu kagn ka vuu tɔ̃ɔ ɓɔɔ wu palɛ ɓɛɛ. Á nɔɔ mii lapa, tɔ̀ɔ, vuu ɓɔɔ nɔɔ ɓàarɛ́ wu ra jaa kaa làá ɓarɛ. Á nɔɔ vuu shaanang, wu ti shingnɛ nɔɔ tãa tĩnang.”

Afisa 5:1

Wee nɔɔ kaa wujɛ Laa, ɓɔɔ Laa kasɛ nɔɔ dɔɔli ɓee, nɔɔ nwáng nwannang naa ɓɔɔ Laa nwàng ɓɛɛ.

Filipi 2:15

Tɔ̀ɔ, nɔ́ɔ nwang kaa zang ɓɔɔ zang tɔɔ kpang, nɛɛ ri palɛ vuu shi kpang tɔ kpang, a ri ti tɔ̃ɔ dɔ̃ɔ gbete ɓɛɛ. Tɔ̀ɔ, nɔ́ɔ nwang kaa wujɛ Laa, ɓɔɔ shi kpang ka bii ɓarɛ kpang ɓɛɛ. Ka wee nɔɔ nwang ka teteng zang koo keɓe, ɓɔɔ ri sɔɔ gbalang gbete jong kaara kpang, ri ti palɛ vuu shi kpang ɓee. Nɔ́ɔ nwang kaa teteng ɓarɛ ka koo keɓe naa sang ɓɔɔ yakɛ nɔng ɓɛɛ.

1 Yɔhana 3:9

Zang ɓɔɔ nɛɛ jaa Laa piti, palɛ vuu shi kpang ɓi sasak kpang, ka ruu ɓɔɔ, yeti ɓɔɔ Laa tarɛ kagn yeti ɓiɓɛ ɓɛɛ. Pálɛ̀ vuu shi kpang ɓi jong kpang, ka ruu ɓɔɔ, wu ɓi kaa jaa Laa ɓɛɛ.