Matiyu 27:35 - Nyaa Shɔɔ Ɓɔɔ Laa a Ɓɛɛ

³⁵ Ri ɓaa Yeesɔ naa tɔ ka laa. A ri naa shaa laa, ri basɛ fɔ̃ɔrɔ ɓiɓɛ nɛɛ mani ka naa ɓarɛ.

Matiyu 27:35 ပူးပေါင်းရင်းမြစ်များ

Luka 23:34

A Yeesɔ kɔɔyi nɛɛ, “Daa mɛɛ, yaa ri gbalang vuu keɓe katɔ, ka ruu ɓɔɔ, ri zi vuu ɓɔɔ ri palɛ kpang ɓee.” Ri sháa laa ka naa ɓɔɔ ri basɛ rɛɛ fɔ̃ɔrɔ ɓiɓɛ ɓɛɛ.

Yɔhana 20:20

Kɔɔ vuu keɓe tɔ, a tusu ri naa ɓiɓɛ nɛɛ kagn. Ɓɔɔ zang ɓɔɔ ri mantɛ vuu ka bii ɓiɓɛ, ri zi Kpanti Yeesɔ naa weɓe, ri tãa tĩnang dɔɔli.

Yɔhana 20:25

A rɛɛ zang ɓɔɔ ri mantɛ vuu ka bii Yeesɔ nimbang, ri kɔɔ wu nɛɛ, “Ruu zi Kpanti Yeesɔ tɔ.” Kɔɔ ri ɓi nɛɛ, “Naa n zi too koosa ka naa ɓiɓɛ, a n hãa saa naa mɛɛ kagn, a n ti hãa naa mɛɛ ka kagn buru ɓiɓɛ kpang, n shing danggn m kpang.”

Yɔhana 20:27

A kɔɔ Tooma tɔɔ, “Hãa saa naa ɓaaɓɛ ka nihn, mɔɔ ti pɛ̃ɛrɛ naa mɛɛ. Mɔɔ dĩi naa ɓaaɓɛ, mɔɔ hãa ka kagn buru mɛɛ. Mɔ́ɔ nwàng wu zang ɓɔɔ yaa gn naa kpang, nwang ɓaa zang ɓɔɔ shing danggn ɓɛɛ.”

Zang Shonang Yeesɔ 2:23

Zang a nɔɔ yɔɔ keɓe, ka naa ɓɔɔ Laa shíng doo ka tĩng ɓɛɛ. Ti Laa kɔ kasɛ a nɔɔ ɓaa wu naa ka laa. Zang ɓɔɔ ri zi Laa kpang ri nyɔ wu vɔrɔ.

Zang Shonang Yeesɔ 4:10

n kaaɓi, n kɔɔ nɔɔ nɛɛ zang Isirela piti faarik, nɛɛ yɔɔ kɔ shii ka tĩng manɛ ɓee, zang masɛ wu nɛɛ nung Yeesɔ Kirisi, yɔɔ gari Nazara ɓɔɔ nɔɔ ɓaa wu naa ka laa, a Làa naa wisi wu paa ka sàa ɓɛɛ.