Matiyu 26:69 - Nyaa Shɔɔ Ɓɔɔ Laa a Ɓɛɛ

⁶⁹ Ka laa kaɓa, Bituru nwang doo ka dàbang Kayifa. A jaa shonang zang soro tɔkɔlɔng naa arɛ kɔɔ Bituru tɔɔ, “Mɔɔ ɓáa doo zang ɓɔɔ dũng Yeesɔ yɔɔ Galili kɔ.”

Matiyu 26:69 ပူးပေါင်းရင်းမြစ်များ

Matiyu 21:11

A zang kɔɔ ri tɔɔ, “Wee ɓi Yeesɔ zang nyaa shonang Laa ɓɔɔ a nɛɛ Nazara, ɓɔɔ ka tipi Galili ɓɛɛ kɔ.”

Matiyu 26:3

Zang bang bang zang ɓɔɔ ri dɔɔ vuu ka Gãa Laa, nɛɛ zang bang bang zang Yahudi ri kpalɛ zɔɔ ka yeti gãa Kayifa, Kpanti zang ɓɔɔ ri dɔɔ vuu ka Gãa Laa.

Matiyu 26:58

Bituru dũuru wu ka knti katara sasak, daa nɛɛ wu ka dàbang Kayifa. A Bituru turɛ daa nwang nɛɛ zang ɓɔɔ ri gãng jĩng ka gãa, nɛɛ tɔɔ wu zi naa ɓɔɔ zang hangsɛ nyaa ruu keɓe kati.

Matiyu 26:70

A Bituru laa nyaa ruu keɓe ka tĩng ɓarɛ nandon tɔɔ, “N zi vuu kɔ mɔɔ rang yee ka yuu ɓiɓɛ m kpang.”

Matiyu 26:71

Bituru naa seepaa daa nwang kaa nyaa gãa naabm, a jaa shonang zang soro tɔkɔlɔng ɓɔɔgn ti naa zi wu. A kɔɔ zang ɓɔɔ ri shiiri ɓɛɛ tɔɔ, “Bɛ̀ɛ́ yɔɔ keɓe nwang ɓi doo nɛɛ Yeesɔ yɔɔ Nazara kɔ.”

Yɔhana 1:46

Natanalu hɛ̃ɛ wu nɛɛ, “vuu tɔ̃ɔ ɓɔɔ nwáng nyaa ka gari Nazara ɓu kagn ya?” Filibu kasɛ wu nyaa tɔɔ “Arɛ mɔɔ daa zirɛ.”

Yɔhana 7:41

Zang ɓɔɔ ri kɔɔyi nɛɛ, “Wukɔ Kirisi bìí.” A zang ɓɔɔ ri kɔɔ ɓarɛ nɛɛ, “Kirisi naa a nɛɛ Galili ya?

Yɔhana 7:52

Ri kasɛ wu nyaa nɛɛ, “Mɔɔ doo zang Galili kɔ waa? Kãa yeti Labeenang Laa karɛ, mɔɔ ĩi kagn zang kɔɔyi nɛɛ zang nyaa shonang Laa naa nwáng nyaa nɛɛ Galili kpang.”

Zang Shonang Yeesɔ 5:37

Ka knti ɓiɓɛ, Yahuda yɔɔ tipi Galili nwang nyaa ka diki ɓɔɔ bɛ̀ɛ́ zang gã zang ɓɛɛ, zang dɔɔli ri dũng wu, a ri haa nyaa. Zang ti nyɔ wu vɔrɔ, a zang ɓɔɔ ri dũng wu ri shaarɛ jong.