Matiyu 26:58 - Nyaa Shɔɔ Ɓɔɔ Laa a Ɓɛɛ

⁵⁸ Bituru dũuru wu ka knti katara sasak, daa nɛɛ wu ka dàbang Kayifa. A Bituru turɛ daa nwang nɛɛ zang ɓɔɔ ri gãng jĩng ka gãa, nɛɛ tɔɔ wu zi naa ɓɔɔ zang hangsɛ nyaa ruu keɓe kati.

Matiyu 26:58 ပူးပေါင်းရင်းမြစ်များ

Matiyu 26:3

Zang bang bang zang ɓɔɔ ri dɔɔ vuu ka Gãa Laa, nɛɛ zang bang bang zang Yahudi ri kpalɛ zɔɔ ka yeti gãa Kayifa, Kpanti zang ɓɔɔ ri dɔɔ vuu ka Gãa Laa.

Matiyu 5:25

“Nɔɔ nɛɛ daa nɔng ruu jɛ̃ɛnang, nɔɔ mã zɔɔ naa nɛɛ zang ɓɔɔ ɓàa mɔɔ nyaavaa pati ka gbalang. Ka ruu ɓɔɔ, zang ɓɔɔ ɓaa mɔɔ nyaavaa nɛɛ daa tuu mɔɔ wu a zang ruu jɛ̃ɛnang, zang ruu jɛ̃ɛnang tuu mɔɔ a jaa doo kpanti ri loo mɔɔ ka sãa ɓɛɛ.

Luka 22:54

Zang yi wu, zang daa nɛɛ wu, zang atɛ wu ka gãa kpanti rɛɛ zang ɓɔɔ dɔɔ vuu ka Gãa Laa ɓɛɛ. Bituru dũng ri ka knti katara.

Yɔhana 18:25

Bituru shii dòo ka nɔng ɓaasi nɛɛ waa wu nwãa wu bii. A zang ɓɔɔ ri shiiri nɛɛ wu, ri hɛ̃ɛ wu nɛɛ, “Mɔɔ dòo zang ɓɔɔ ri mantɛ vuu ka bii yɔɔ kaɓa kɔ kpang ya?” Bituru laa nyaa kɔɔyi tɔɔ, “Kpang, n m zang ɓiɓɛ kpang.”

Yɔhana 19:6

Ɓɔɔ rɛɛ zang bang bang zang ɓɔɔ ri dɔɔ vuu ka Gãa Laa nɛɛ rɛɛ zang ɓɔɔ ri gã Gãa Laa ri zi wu hn, ri mɛɛ nyaa ka lapa nɛɛ, “Nɔɔ ɓaa wu naa ta laa, Nɔɔ ɓaa wu naa ta laa.” Bilatu kɔɔ ri tɔɔ, “Nɔɔ yi wu ta nɔɔ daa ɓaa wu naa ka laa. N ĩi wu nɛɛ vuu shi kpang ɓɔɔ n dɔng wu ruu kagn, tɔɔ zang nyɔ wu vɔrɔ ɓɛɛ kpang.”

Yɔhana 7:32

Zang Farisi ri tãa naa ɓɔɔ zang ri rangkɛ yee keɓe nɛɛ nwĩiri ka yuu Yeesɔ ɓɛɛ. A ri nɛɛ rɛɛ zang bang zang ɓɔɔ ri dɔɔ vuu ka Gãa Laa ɓɛɛ, ri shong zang ɓɔɔ ka teteng zang ɓɔɔ ri gã Gãa Laa nɛɛ ri daa yi wu.

Yɔhana 7:45

Ka ɓɔɔ zang ɓɔɔ ri gã Gãa Laa ri gbãayu, rɛɛ zang bang zang ɓɔɔ ri dɔɔ vuu ka Gãa Laa, nɛɛ rɛɛ Farisi ri hɛ̃ɛ ri nɛɛ, “Nɔɔ átɛ̀ wu kpang ka ruu viya?”

Zang Shonang Yeesɔ 5:22

Rɛɛ zang ɓɔɔ ri gã Gãa Laa, ri daa ka sãa, ri daa ĩi rɛɛ zang shonang Yeesɔ tɔ̀ɔ́ ka sãa kpang. Ri gbãayu ri daa kɔɔ rɛɛ zang ɓɔɔ jɛ̃ɛ zang ruu ɓɛɛ.

Zang Shonang Yeesɔ 5:26

A rɛɛ kpanti zang ɓɔɔ ri gã Gãa Laa nɛɛ zang ɓiɓɛ, ri daayi nɛɛ ri daa atɛ ri. Ri atɛ ri wu nɛɛ bàng kpang, ka ruu ɓɔɔ, ri kaa vɔrɔ, zang nɛɛ luku ri nɛɛ tari ɓɛɛ.