Matiyu 25:6 - Nyaa Shɔɔ Ɓɔɔ Laa a Ɓɛɛ

⁶ Kaa nɛɛ teteng gãmbang, zang sãa nyaa ka lapa, nɛɛ, ‘Sinyɛ ɓeevɛ a kana, nɔɔ nwang ta, nɔɔ kpisi wu yuu.’

Matiyu 25:6 ပူးပေါင်းရင်းမြစ်များ

Matiyu 24:31

N naa shong zang nyaa shonang mɛɛ ɓɔɔ lapa ditɔ nɛɛ vuukãng ɓɔɔ káa dɔɔli ɓɛɛ, tɔɔ ri kpalɛ m zang mɛɛ ɓɔɔ n shɛ̃ɛrɛ ka koo keɓe piti, nɛɛ paa ɓɔɔ laa nwang nɔng, a ɓɔɔ nɛɛ dii ɓɔɔ laa hãa nyaa kagn ɓɛɛ.

Matiyu 24:44

Ka ruu nɔngkɔ, nɔɔ gãng jĩng kagn, ka ruu ɓɔɔ, Jaa Shɔnzang a ka làa ɓɔɔ nɔɔ shing danggn manɛ kpang ɓɛɛ.

Matiyu 25:1

“Ka diki kaɓa kpanti roonang Laa naa nwang naa ruu rɛɛ ja soo kopi ɓɔɔ ri daa kn sinyɛ shaanang ɓɛɛ. Ri yaka waa zàáng sɔɔ nɛɛ ri daa ɓee sinyɛ ɓeevɛ yuu.

Matiyu 25:31

“Ka diki ɓɔɔ Jaa Shɔnzang naa a ka naa bannang ɓiɓɛ, nɛɛ zang nyaa shonang Laa ɓɔɔ ri ka lapa piti, naa nwang ka yuu laa nwannang Kpanti ɓiɓɛ.

Matiyu 25:5

“Ri daa nwang tɔ, a sinyɛ ɓeevɛ a pati kpang, a hingro naa yiki ri.

Matiyu 25:7

“A rɛɛ ja soo kopi kaɓa ri seepaa, ri gisi waa ɓɔɔ ka zàáng sɔɔ ɓarɛ.

Luka 12:20

A Laa naa kɔɔ yɔɔ tɔɔ, ‘Shoko kiɓi, lɛ̀ɛ́kɔ nɛɛ zĩi keɓe, mɔɔ vɔ kaa tɔ. Vuu kɔ mɔɔ shĩ̀lí ɓɛɛ, naa raa ɓu kaa ɓɔɔ wiya?’ ”

Luka 12:46

Dabang gãa zang shonang kaɓa, naa a ka diki ɓɔɔ zang shonang kaɓa shing gn anang ɓiɓɛ kpang ɓɛɛ. Dabang gãa ɓiɓɛ naa dang wu jĩng gbãng gbãng, wu daa shing wu nɛɛ zang ɓɔɔ ri shing danggn ka bii Laa kpang ɓɛɛ.

1 Tesalonika 4:16

Laa naa mɛɛ nyaa nabm, a zang bang rɛɛ zang nyaa shonang Laa ɓɔɔ ri ka lapa ɓɛɛ, naa rang yee, a zang ri tãa yee vuukãng ɓɔɔ Laa jee ɓɛɛ. Tɔ̀ɔ, Kpanti Yeesɔ nɛɛ yuu ɓiɓɛ wu naa shooro kaa nɛɛ lapa zang ɓɔɔ ri shing danggn tɔ ka bii Yeesɔ a ri vɔlɔ ɓɛɛ, rikɔ yupaa ningkãari shɔɔnang.

2 Bituru 3:10

Naa dòo nɔngkɔ piti, diki nɛɛ a tɔ, Kpanti Yeesɔ Kirisi naa gbãayu naa shɔngɓɔ ka diki kaɓa, zang ri naa tãa nyaa ɓɔɔ zang mɛɛ ɓɛɛ, a lapa wu ning kati. Waa wu shaa vuu ɓɔɔ ka lapa nɛɛ koo kati nandon. Tipi nɛɛ vuu ɓɔɔ ka yuu ɓiɓɛ piti naa ning katɔ nandon.

Vuu ɓɔɔ zang nwangsɛ Yɔhana 16:15

A Yeesɔ kɔɔyi tɔɔ, “N naa a naa shɔngɓɔ. Tĩnang tãanang ɓi zang ɓɔɔ nwang doo paa, gãng jĩng, hãa fɔ̃ɔrɔ ɓiɓɛ ka bii ɓɛɛ. Ka ruu ɓɔɔ nɛɛ yaa bii bɔ̃bɔ̃rɔ, yusɛ̃ɛ nɛɛ tuu wu ɓɛɛ.”