Matiyu 25:44 - Nyaa Shɔɔ Ɓɔɔ Laa a Ɓɛɛ

⁴⁴ “A ri naa kasɛ wu nyaa doo nɔngkɔ nɛɛ, ‘Kpanti Laa, ruu zi mɔɔ gn vi nyɔkɔ nyɔ mɔɔ katɔ, sutu mãa mɔɔ, bii ɓaaɓɛ ti waati, a ruu yi mɔɔ naa ka bii kpang viya? Mɔɔ ti a zanti gn vi, a ruu ta mɔɔ ka gãa ɓuru kpang viya? Kɔnang ti palɛ mɔɔ gn vi, ruu ti zi mɔɔ gn vi ka sãa a ruu lengke jĩng ka mɔɔ kpang viya?’

Matiyu 25:44 ပူးပေါင်းရင်းမြစ်များ

Matiyu 10:41

Zang ɓɔɔ nɛɛ ta zang nyaa shonang Làa, ka ruu ɓɔɔ, wu ɓi zang nyaa shonang Laa, ti naa ta ɓi doo vuu ɓɔɔ Laa shing zang nyaa shonang ɓiɓɛ kɔ. Zang ɓɔɔ nɛɛ ta zang tɔ̃ɔ ka ruu ɓɔɔ, wu ɓi zang tɔ̃ɔ, ti naa ta ɓi doo vuu ɓɔɔ Laa shing zang tɔ̃ɔ kɔ.

Matiyu 25:43

N a zanti, nɔɔ ti ta m ka gãa manɛ kpang. N nwang bii waati, nɔɔ hãa m fɔ̃ɔrɔ kpang. Kɔnang yi m, a zang ti mã m ka sãa nɔɔ lengke jĩng ka n kpang.’

Matiyu 25:45

“A Kpanti naa kasɛ ri nyaa nɛɛ, ‘N kɔɔ nɔɔ ruu ɓɔɔ niizang kɔ nwani, vuu piti ɓɔɔ nɔɔ palɛ zang ɓɔɔ wukɔ tɔkɔlɔng ka teteng rɛɛ manzung keɓe kpang, nɔɔ palɛ nkɔ kpang.’

Matiyu 5:6

Tĩnang Tãanang ɓi ɓɔɔ zang ɓɔɔ ri kasɛ katɔ gbãng gbãng nɛɛ ri palɛ vuu ɓɔɔ Kpanti Laa kasɛ nɛɛ yeti ɓarɛ gbete ɓɛɛ. Laa naa a ri gbalang ditɔ ri palɛ vuu keɓe.

Matiyu 7:22

Zang dɔɔli ri naa kɔɔ m ka diki ɓɔɔ, Laa naa jɛ̃ɛ zang ruu nɛɛ, ‘Kpanti, rùu kɔɔ zang Ruu Laa wu nɛɛ nung ɓaaɓɛ kɔ kpang ya? Ruu ti nwangsɛ suru shi kpang nɛɛ bii zang, a ɓɔɔ shonang bang ɓɔɔ ruu palɛ, zang mã naa ka danggn nɛɛ nung ɓaaɓɛ kɔ kpang ya?’

Luka 10:29

A yɔɔ kasɛ nɛɛ tɔɔ zang kɔɔ nɛɛ wu zang tɔ̃ɔ, a hɛ̃ɛ tɔɔ, “Ɓu wi manzung wiya?”