Matiyu 25:41 - Nyaa Shɔɔ Ɓɔɔ Laa a Ɓɛɛ

⁴¹ “A naa kɔ̀ɔ́ zang ɓɔɔ ka naa nagang ɓiɓɛ nɛɛ, ‘Zang ɓɔɔ Kpanti Laa ku nɔɔ nyaa tɔ ka bii, ka ruu vuu shi kpang manɛ ɓɛɛ, nɔɔ dita yeti waa ɓɔɔ Laa palɛ ka ruu Kpanti suru shi kpang nɛɛ zang nyaa shonang ɓiɓɛ ɓɛɛ.

Matiyu 25:41 ပူးပေါင်းရင်းမြစ်များ

Matiyu 13:40

“Naa ɓɔɔ zang kpalɛ zee lɔɔwɔ, zang dɔ́ɔ ka waa, zang naa palɛ zang ɓɔɔ ri dũng Laa kpang doo nɔngkɔ, ka diki ɓɔɔ koolaa keɓe naa waa nyaa ɓɛɛ.

Matiyu 13:42

Ri vǎng ri ka yeti waa bang. Ka nɔng ɓɔɔ ri naa kaayi, ri shaa nyaa kagn kpaaka, kpaaka ɓɛɛ.

Matiyu 13:50

ri vang ri ka yeti waa bang, ka nɔng ɓɔɔ zang naa kaayi, zang shaa nyaa kagn kpaaka, kpaaka ɓɛɛ.”

Matiyu 18:8

“Náa ɓaaɓɛ kɔ nɛɛ dɔ̃ mɔɔ, mɔɔ palɛ vuu shi kpang, dɔng katɔ mɔɔ tasɛ. Nɛɛ ti doo ɓaaɓɛ kɔ nɛɛ dɔ̃ mɔɔ jong, mɔɔ ti dɔngnɛ mɔɔ tasɛ. Daa nɔng suru bii ɓɔɔ waa nyaa kpang nɛɛ naa dang gbete, nɛɛ doo dang gbete gbã̀ágbãa, ka nung ɓɔɔ zang nɛɛ daa tasɛ mɔɔ nɛɛ naa ziti ɓaaɓɛ, nɛɛ doo ziti ɓaaɓɛ nandon, ka waa ɓɔɔ wàa nyaa kpang ɓɛɛ.

Matiyu 25:42

Ka ruu ɓɔɔ, nyɔkɔ nyɔ m, nɔɔ a m vuu shaanang kpang ɓɛɛ. Sutu ti mã m nyaa, nɔɔ ti a m vuu ɓoonang kpang.

Matiyu 25:46

“Ri naa daa ɓarɛ ka nɔng jĩng dannang ɓɔɔ waa nyaa kpang ɓɛɛ. A zang ɓiɓɛ kaɓa, ri naa wàlɛ́ ɓarɛ kaa suru bii ɓɔɔ waa nyaa kpang ɓɛɛ.”

Matiyu 3:12

Vuu ɓɔɔ wu hã́lɛ̀ vuu nɔng, kagn naa ɓiɓɛ, naa kòoró dadong ɓiɓɛ ditɔ, tɔ̀ɔ, wu kpalɛ jĩng vuu ɓiɓɛ ka bɔ̃nɔ, wu yaa gãrɛ ɓiɓɛ, wu dɔɔ nɛɛ waa ɓɔɔ ning ɓi kpang ɓɛɛ.”

Matiyu 4:10

A Yeesɔ kasɛ wu nyaa tɔɔ, “Daa nɛɛ kaaɓa, mɔ́ɔ yàa m bii Sheetang. Ruu Kpanti Laa kɔɔyi tɔɔ, ‘Shɔnzang wu dɔɔ Kpanti Laa ɓiɓɛ kɔ shɛ̃ɛning, nɛɛ wu ti bang wukɔ gbete.’ ”

Matiyu 5:22

A kãntang keɓe, n kɔɔ nɔɔ, naa shɔnzang ɓɔɔ tuu gnvɔ nɛɛ ɓeezung, zang naa jɛ̃ɛ wu ruu katɔ. Naa shɔnzang ɓɔɔ ti kɔɔ ɓeezung nɛɛ ‘Rang waati keɓe.’ Zang daa nɛɛ wu ka dabang kpanti. Naa zang ɓɔɔ ti ɓaa ɓeezung nɛɛ ‘Shoko.’ Zang tasɛ wu ka waa.

Matiyu 7:23

A n naa kɔɔ ri m dɔ̃ɔ gbete nɛɛ, ‘N zi nɔɔ m gn, gn kpang. Nɔɔ dita kaaɓa, zang shi kpang kiɓi.’

Luka 13:27

Naa kasɛ nyaa ɓi kaa nɛɛ, ‘N kɔɔ nɔɔ, n zi nɔɔ nung m kpang. Nɔɔ dita kaaɓa nɔɔ yaa m bii, nɔɔ zang vuu shi kpang palɛnang kiɓi.’

Luka 16:24

A ɓaa nyaa tɔɔ, ‘Dada Ibirayi, gn mɛɛ wu kɔng mɔɔ jong. Shong Liyazaru wu hãa yuu paa saa naa ka mii wu sɔ̃sɔ m ka nyaa, ka ruu ɓɔɔ, waa tɔ̃̀ɔrɔ m shoo kana ɓɛɛ.’

Yɔhana 8:44

Nɔɔ manɛ wujɛ daa manɛ sheetang, a nɔɔ ti kasɛ manɛ nɛɛ nɔ́ɔ palɛ vuu ɓɔɔ daa manɛ kasɛ ɓɛɛ. Daa manɛ nyɔ̀kɔ̀ zang vɔrɔ ɓi doo ka tĩng. Ruu ɓiɓɛ hãa ɓi kagn nɛɛ ruu ɓɔɔ niizang kpang. Ka ruu ɓɔɔ, niizang ɓi kagn yeti ɓiɓɛ kpang ɓɛɛ. Náa suu sèé, palɛ ɓi vuu ɓɔɔ ka yeti ɓiɓɛ kɔ nwani, ka ruu ɓɔɔ ɓi zang sèé, a sèé ti nwàng ɓi nɛɛ bìí ɓiɓɛ kɔ nwani ɓɛɛ.

2 Tesalonika 1:7

Naa shing nɔɔ ɓɔɔ nɔɔ dang jĩng kãntang, nɔɔ ɔ̃sɔ, a ruu ti ɔ̃sɔ jong. Naa palɛ vuu keɓe ka diki ɓɔɔ Kpanti Yeesɔ naa nwang nyaa nɛɛ lapa nɛɛ rɛɛ zang nyaa shonang ɓiɓɛ ɓɔɔ ka lapa, ɓɔɔ naa vuu palɛnang ɓarɛ bang dɔɔli ɓɛɛ.

2 Tesalonika 1:9

Ri naa dang jĩng ɓɔɔ waa nyaa kpang, ɓɔɔ zang ningsi ri dòndòng ɓɛɛ. Laa naa ku ri ka biling, ri daa nɔng ɓɔɔ Kpanti ɓuru kagn kpang. Ri zi bannang ɓiɓɛ kpang dòndòng.

Yahudi 6:8

A tipi keɓe naa ɓi kɔkɔ nɛɛ wisi kɔ takɛ kagn shɛ̃ɛning, vuu ɓɔɔ zang palɛ nɛɛ mani kpang. Zang ku tipi keɓe nyaa katɔ, a zang naa dɔɔ katɔ nɛɛ waa. Laa palɛ doo nɔngkɔ nɛɛ zang ɓɔɔ wu alɛ ri rɛɛ vuu keɓe, ri nɛɛ bɛ̃ɛ tɔ̃ɔ palɛnang ɓiɓɛ katɔ.

2 Bituru 2:4

Ka tĩng tɛ̃ɛ tɛ̃ɛ, rɛɛ zang nyaa shonang Laa ɓɔɔ ri ka lapa ɓɛɛ, ri palɛ vuu shi kpang, gn ɓarɛ kɔng Laa kpang. Laa yiki ri, vang ri ka nɔng waa. Zang mã̀lɛ̀ ri doo nɛɛ soo saka, ka nɔng waa kaɓa ɓɔɔ tɔ̀ɔ kɔngkɔng ɓɛɛ, tɔ̀ɔ, diki ɓɔɔ zang naa jɛ̃ɛ ri ruu wu a nɛɛ mani.

1 Yɔhana 3:10

Zang ɓɔɔ pálɛ̀ vuu tɔ̃ɔ kpang, ɓi zang Laa kpang. Zang ɓɔɔ ti kasɛ ruu ɓeezung kpang, ɓi doo zang Laa kpang kɔ. Wee naa ɓɔɔ ruu zi zang ɓɔɔ ri wujɛ Laa nɛɛ zang ɓɔɔ ri wujɛ sheetang kagn kɔ.