Matiyu 25:37 - Nyaa Shɔɔ Ɓɔɔ Laa a Ɓɛɛ

³⁷ “A zang ɓiɓɛ kaɓa, naa kasɛ wu nyaa nɛɛ, ‘Kpanti, nyɔkɔ nyɔ mɔɔ gn vi, ruu zi mɔɔ, a ruu a mɔɔ vuu shaanang viya? Sutu ti mã mɔɔ nyaa gn vi, ruu a mɔɔ vuu ɓoonang viya?

Matiyu 25:37 ပူးပေါင်းရင်းမြစ်များ

Matiyu 25:36

N nwang bii waati, a nɔɔ hãa m fɔ̃ɔrɔ. Kɔnang yi m, nɔɔ gãng jĩng ka n. Zang mã m ka sãa, a nɔɔ lengke jĩng ka n ɓɛɛ.’

Matiyu 25:38

Mɔɔ ti á zanti gn vi, ruu zi mɔɔ, a ruu ta mɔɔ ka gãa ɓuru viya? Mɔɔ ti nwang bii waati gn vi, ruu ti hãa mɔɔ fɔ̃ɔrɔ viya?

Matiyu 5:6

Tĩnang Tãanang ɓi ɓɔɔ zang ɓɔɔ ri kasɛ katɔ gbãng gbãng nɛɛ ri palɛ vuu ɓɔɔ Kpanti Laa kasɛ nɛɛ yeti ɓarɛ gbete ɓɛɛ. Laa naa a ri gbalang ditɔ ri palɛ vuu keɓe.

Matiyu 6:3

A mɔɔ nɛɛ tɔɔ, mɔɔ a zang ɓɔɔ vuu ka naa kpang vuu, mɔɔ kàsɛ̀ zang ɓɔɔ kagn wu zi vuu ɓɔɔ mɔɔ palɛ ɓɛɛ kpang.

1 Koranti 15:10

A gn mɛɛ naa kɔng Laa. Ka ruu tɔ̃ɔ ɓɔɔ wu palɛ zang, palɛ m tɔ̃ɔ, a shing m n raa zang ɓɔɔ nɔɔ zi m kãntang keɓe. Tɔ̃ɔ ɓɔɔ wu palɛ m, wu waati kpang. Nwáng vuu tɔ̃ɔ tɔ, ka ruu ɓɔɔ, n palɛ shonang nɛɛ kaka mɛɛ, n ɓa zang shonang ɓɔɔ nimbang nandon ɓɛɛ. N palɛ vuu keɓe wu nɛɛ yuu mɛɛ kpang, ɓi tɔ̃ɔ ɓiɓɛ ɓɔɔ ka bii mɛɛ palɛ.