Matiyu 25:30 - Nyaa Shɔɔ Ɓɔɔ Laa a Ɓɛɛ

³⁰ A yɔɔ kpanti kɔɔ zang tɔkn nɛɛ ‘Nɔɔ tasɛ zang shonang shi kpang keɓe ta ka biling, ka nɔng ɓɔɔ tɔ̀ɔ katɔ ɓɛɛ. Ka nɔng ɓɔɔ zang naa kaayi, zang shaa nyaa kagn kpaaka kpaaka ɓɛɛ.’ ”

Matiyu 25:30 ပူးပေါင်းရင်းမြစ်များ

Matiyu 13:42

Ri vǎng ri ka yeti waa bang. Ka nɔng ɓɔɔ ri naa kaayi, ri shaa nyaa kagn kpaaka, kpaaka ɓɛɛ.

Matiyu 13:50

ri vang ri ka yeti waa bang, ka nɔng ɓɔɔ zang naa kaayi, zang shaa nyaa kagn kpaaka, kpaaka ɓɛɛ.”

Matiyu 22:13

“A yɔɔ kpanti kɔɔ zang shonang ɓiɓɛ tɔɔ, ‘Nɔɔ yi wu ta, nɔ́ɔ ta naa nɛɛ doo. Nɔ́ɔ daa tasɛ ka biling, ka nɔng ɓɔɔ tɔ̀ɔ katɔ kɔngkɔng ɓɛɛ. Nɔng ɓɔɔ zang kaayi, zang shaa nyaa kagn kpaaka kpaaka ɓɛɛ.’ ”

Matiyu 24:51

Dabang ɓiɓɛ naa dang wu jĩng ditɔ, wu ti shing wu nɛɛ zang ɓɔɔ ri nwãarɛ zang nɛɛ vuu palɛnang ka nɔng ɓɔɔ zang kaayi, zang shaa nyaa kagn kpaaka kpaaka ɓɛɛ.

Matiyu 3:10

Kãntang keɓe, zang ɓáa nyaa kãasãng tɔ ka dimbang laa, laa piti ɓɔɔ ra jaa tɔ̃ɔ kpang, zang dɔngnɛ zang tasɛ ka yeti waa.

Matiyu 5:13

“Nɔkɔ tãa ka koo keɓe. Naa lanang tãa nɛɛ takpang, zang pálɛ̀ bɛ̀ɛ́ wu ri tãa tɔkn viya? Zang pálɛ̀ vuu ɓi tɔ̀ɔ́ nɔng kpang. Zang vang ɓi kaa tɔ, zang naalɛ nɛɛ doo.

Matiyu 8:12

A zang naa nwangsɛ kaa zang ɓɔɔ ri shing danggn nɛɛ rikɔ naa daa ka nɔng ɓɔɔ Laa roo Kpanti ɓɛɛ jong, zang tasɛ ri ka nɔng ɓɔɔ tɔ̀ɔ katɔ ɓɛɛ. Ka nɔng ɓɔɔ ri naa kaayi ri ti shaa nyaa kagn kpaaka, kpaaka ɓɛɛ.”

Luka 13:28

Nɔɔ naa kaa ditɔ, ka nɔng kaɓa, nɔɔ shaa tãri kpaaka kpaaka. Nɔɔ naa zi rɛɛ Ibirayi ditɔ ka nɔng ɓɔɔ Laa roo kpanti nɛɛ Ishaaku nɛɛ Yakubu nɛɛ rɛɛ zang nyaa shonang Laa, a zang nwangsɛ nɔɔ manɛ ka biling ɓɛɛ.

Yɔhana 15:6

Zang ɓɔɔ nɛɛ nwang nɛɛ n kpang, zang kaɓa nwang naa nasãng ɓɔɔ zang tásɛ̀, wu tɔɔrɔ ɓɛɛ. Zang kpalɛ nasãng ɓɔɔ naa weɓe zang vang ka waa, waa wu shaa ri.

Titu 3:14

Zang ɓuru ɓɔɔ ri dũng Laa, ri kpɛ̃ɛrɛ shonang ɓɔɔ tɔ̃ɔ palɛnang, tɔ̀ɔ, ri yi zang ɓɔɔ vuu ka naa ɓarɛ kpang naa jong ka bii. Ri nwàng nwannang waati kpang.

2 Bituru 2:17

Maalang ɓɔɔ ri tusu zang vuu sèé keɓe, ri nwang ɓarɛ naa too mii ɓɔɔ ɔ̃ɔ tɔ ɓɛɛ. Ri nwang naa sãmbong mii ɓɔɔ jasung tantɛ, atɛ mii kpang ɓɛɛ. Laa yaa ri nɔng ɓarɛ kagn ka nɔng ɓɔɔ tɔ̀ɔ katɔ kɔngkɔng ɓɛɛ.

Yahuza 1:13

Ri nwàng ɓarɛ naa mii waapo ɓɔɔ rãa dɔɔli, a vuu shi kpang ɓɔɔ ri palɛ tusu bii ɓi kaa naa puru ɓɔɔ pu ka yuu mii waapo ɓɛɛ. Ri nwàng ɓarɛ naa sang ɓɔɔ jĩli ka lapa ɓɛɛ. Laa shìng ri nɔng tɔ dòndòng, ka nɔng ɓɔɔ tɔ̀ɔ katɔ kɔngkɔng ɓɛɛ.

Vuu ɓɔɔ zang nwangsɛ Yɔhana 21:8

A ɓɔɔ zang ɓɔɔ ri kaa vɔrɔ, nɛɛ zang ɓɔɔ ri shing danggn ka bii Laa kpang ɓɛɛ, nɛɛ zang ɓɔɔ shi kpang kagn bii ɓarɛ ɓɛɛ, nɛɛ zang ɓɔɔ ri nyɔ zang vɔrɔ ɓɛɛ, nɛɛ zang ɓɔɔ ri palɛ dũndũng, nɛɛ zang ɓɔɔ ri shaa nvaa, nɛɛ zang ɓɔɔ ri bang vaka, nɛɛ zang sèé nandon, zang naa tasɛ ri ɓarɛ ka too waa, ɓɔɔ tari ɓɔɔ ri shaa waa katɔ kagn ɓɛɛ. Wee kɔ vɔrɔ ɓɔɔ zang vɔrɛ daa kaa doo ziti ɓɛɛ kɔ.”