Matiyu 25:29 - Nyaa Shɔɔ Ɓɔɔ Laa a Ɓɛɛ

²⁹ ka ruu ɓɔɔ, zang piti ɓɔɔ vuu ɓiɓɛ kagn zang naa gisi wu ɓɔɔgn ditɔ tɔkn, tɔ̀ɔ ɓɔɔ ɓiɓɛ wu shang kati. A zang piti ɓɔɔ vuu ɓiɓɛ kagn dɔɔli kpang, vuu ɓɔɔ ka naa ɓiɓɛ tɔkɔlɔng, zang naa ta ditɔ.’

Matiyu 25:29 ပူးပေါင်းရင်းမြစ်များ

Matiyu 13:12

Zang ɓɔɔ vuu ɓiɓɛ kagn, zang naa gisi wukɔ vuu ɓɔɔgn ka yuu ɓiɓɛ tɔkn. Tɔɔ, vuu ɓiɓɛ wu shang kaa gaagaa. Zang ɓɔɔ vuu ɓiɓɛ kagn kpang, naa doo ɓɔɔ wu yiti ka naa tɔkɔlɔng, zang ti tarɛ, zang yaa wu naa waati.

Matiyu 21:41

Ri kasɛ Yeesɔ nyaa tɔɔ, “Yɔɔ jaa kaɓa, naa nyɔkɔ zang yeti shi kpang kaɓa vɔrɔ katɔ nandon, tɔ̀ɔ wu a zang ɓɔɔgn, ɓɔɔ naa alɛ wu jĩng laa ka diki ɓɔɔ zang hã jĩng laa inabi kagn ɓɛɛ.”

Matiyu 25:28

“A raa jĩng kɔɔ zang ɓɔɔ ri shiiri ɓɛɛ tɔɔ, ‘Nɔɔ ta saka ɓɔɔ ka naa ɓiɓɛ ta, nɔ́ɔ a zang shonang ɓɔɔ, ɓɔɔ ɓiɓɛ kopi ɓɛɛ,

Maraku 4:25

Zang ɓɔɔ vuu ɓiɓɛ kagn, zang gisi wu ɓɔɔgn tɔkn. Zang ɓɔɔ vuu ɓiɓɛ kagn kpang, zang naa ta ɓɔɔ ka naa ɓiɓɛ tɔkɔlɔng ditɔ.”

Luka 10:42

Vuu ɓɔɔ zang kasɛ ɓi gbete kɔ nwani. Marayamu ya ɓɔɔ tɔ̃ɔ ɓi tɔ. Zang ɓɔɔ ta kagn nɛɛ naa ɓiɓɛ tɔkn kpang.”

Luka 8:18

“Ka ruu nɔngkɔ, nɔɔ gãng jĩng ka naa ɓɔɔ nɔɔ tãa yee Laa ɓɛɛ ning. Nɔɔ gãng jĩng kagn, ka ruu ɓɔɔ zang ɓɔɔ vuu ɓiɓɛ kagn, zang naa gisi wu ɓɔɔgn ditɔ. A zang ɓɔɔ vuu ɓiɓɛ tɔkɔlɔng, zang naa ta ɓɔɔ tɔkɔlɔng ɓɔɔ wu shing danggn kagn, ka naa ɓiɓɛ ditɔ.”

Yɔhana 11:48

Naa ruu yaa yɔɔ keɓe, zang ri shing danggn katɔ bii ɓiɓɛ nandon. Zang tipi Rooma ri a katɔ ri jili Gãa Laa ɓuru, ri ti see zang tipi ɓuru nandon.”

Yɔhana 15:2

Nasãng mɛɛ ɓɔɔ nɛɛ ra jaa kpang, Daa mɛɛ dɔng katɔ. Nasãng ɓɔɔ nɛɛ ra jaa katɔ, kpɛ̃lɛ bii ɓiɓɛ katɔ, tɔ̀ɔ, wu gisi jaa ránang kaa dɔɔli.

Vuu ɓɔɔ zang nwangsɛ Yɔhana 2:5

Ka ruu nɔngkɔ, nɔɔ kpaa danggn zɔ̃ng nwannang ɓɔɔ nɔɔ nwang ka tĩng ɓɛɛ ta, nɔɔ kɔ̃sɔ yeti, nɔɔ gaayu vuu ɓɔɔ nɔɔ pálɛ́ ka tĩng ɓɛɛ palɛnang tɔkn. Naa nɔɔ kɔ̃sɔ yeti nɔɔ yaa vuu shi kpang ɓɔɔ nɔɔ palɛ keɓe kpang, n a ditɔ ka bii manɛ. N naa tuu vuu ɓɔɔ nɔɔ shĩili waa zàáng sɔɔ manɛ kagn ɓɛɛ, n daa nɛɛ mani.