Matiyu 25:21 - Nyaa Shɔɔ Ɓɔɔ Laa a Ɓɛɛ

²¹ “Yɔɔ gãa ɓiɓɛ tɔɔ, ‘Nn hn, mɔɔ zang shonang tɔ̃ɔ ɓɔɔ ɓaa shoo ka nyaa zang, ti palɛ vuu tɔ̃ɔ ɓɛɛ. Mɔɔ palɛ vuu tɔ̃ɔ, ka vuu ɓɔɔ tɔkɔlɔng, n shing mɔɔ ka yuu vuu ɓɔɔ dɔɔli ɓɛɛ. A ta, mɔɔ tãa tĩnang nɛɛ n.’

Matiyu 25:21 ပူးပေါင်းရင်းမြစ်များ

Matiyu 24:45

“A ɓu wi zang shonang tɔ̃ɔ ɓɔɔ zũng katɔ, ɓɔɔ dabang gãa ɓiɓɛ yaa wu zang ɓɔɔ ka gãa ɓiɓɛ nɛɛ wu alɛ ri vuu shaanang ka laa ɓɔɔ ri shaa vuu kagn wiya?

Matiyu 24:47

N kɔɔ nɔɔ ruu ɓɔɔ niizang kɔ nwani, dabang ɓiɓɛ naa shing wu ka yuu vuu naa ɓiɓɛ nandon.

Matiyu 25:23

“Yɔɔ gãa ɓiɓɛ tɔɔ, ‘Nn hn zang shonang tɔ̃ɔ ɓɔɔ ɓaa shoo ka nyaa zang, ti palɛ vuu tɔ̃ɔ ɓɛɛ. Mɔɔ palɛ vuu tɔ̃ɔ ka vuu ɓɔɔ tɔkɔlɔng, n shing mɔɔ ka yuu ɓɔɔ dɔɔli ɓɛɛ. A ta, mɔɔ tãa tĩnang nɛɛ n.’

Matiyu 25:46

“Ri naa daa ɓarɛ ka nɔng jĩng dannang ɓɔɔ waa nyaa kpang ɓɛɛ. A zang ɓiɓɛ kaɓa, ri naa wàlɛ́ ɓarɛ kaa suru bii ɓɔɔ waa nyaa kpang ɓɛɛ.”

Luka 12:44

N kɔ̀ɔ́ nɔɔ, ruu ɓɔɔ niizang kɔ nwani, zang gãa ɓiɓɛ naa yàá wu vuu naa ɓiɓɛ nandon, wu gãng jĩng kagn.

Luka 16:10

Zang ɓɔɔ shing jĩng ka vuu ɓɔɔ tɔkɔlɔng tɔ̃ɔ tɔ̃ɔ, shíng jĩng ɓi doo nɔngkɔ ka ɓɔɔ gaagaa ɓɛɛ. Zang ɓɔɔ palɛ shi kpang nɛɛ vuu ɓɔɔ tɔkɔlɔng, ti palɛ doo nɔngkɔ nɛɛ ɓɔɔ gaagaa ɓɛɛ.

Yɔhana 12:26

Zang ɓɔɔ nɛɛ shòng m shonang, wu dũng, m ka knti. Nɔng ɓɔɔ n kagn zang shonang mɛɛ nwáng doo ka nɔngkɔ. Daa mɛɛ ti naa a zang ɓɔɔ palɛ m shonang bannang katɔ.”

Yɔhana 14:3

N nɛɛ daa tɔ, n nɛɛ daa shĩili nɔng tɔ, n gbãayu kati. Ń naa see nɔɔ, nɔ́ɔ daa nwáng nɛɛ n, ka nɔng ɓɔɔ n kagn ɓɛɛ.

Yɔhana 17:24

“Daa mɛɛ, n kasɛ nɛɛ zang kɔ mɔɔ a m ri ɓee, ri nwang nɛɛ n ka nɔng ɓɔɔ n naa nwáng ɓɛɛ. Tɔ̀ɔ, ri zi bannang ɓɔɔ mɔɔ a m doo tɛ̃ɛ tɛ̃ɛ bɛ̀ɛ́ zang mãa koo gn kpang ɓɛɛ. Mɔɔ a m bannang keɓe, ka ruu ɓɔɔ, mɔɔ kasɛ m katɔ ɓɛɛ.

Rooma 2:29

Zang Yahudi ɓɔɔ niizang ɓi, zang Yahudi ɓɔɔ yeti ɓiɓɛ tɔ̃ɔ ɓɛɛ, ɓɔɔ Suru Laa kɔ̃sɔ wu ɓoro tɔ, naa ɓɔɔ zang yée shaa ɓɛɛ. Wu nyaa ɓɔɔ Musa dangnɛ kɔ̃sɔ wu kpang. Zang keɓe ɓi Laa dɔɔ wu, wu shɔnzang ri dɔɔ wu kpang.

1 Koranti 4:5

Ka ruu nɔngkɔ, daa naa ɓɔɔ nɔɔ dɔng zang ruu ɓɛɛ kpang. Nɔɔ yaa gbongkarɛ diki ɓiɓɛ wu arɛ. Diki ɓɔɔ Kpanti Yeesɔ gbãayu kagn ɓɛɛ. Naa nwangsɛ dĩiri vuu ɓɔɔ zang waasɛ̃ katɔ kãntang keɓe ditɔ. Ti naa nwangsɛ rɛ̃rɛnang ɓɔɔ zang ɓu rɛ̃rɛ ka yeti ɓiɓɛ ditɔ. Ka diki kaɓa kɔ, Laa naa dɔ̀ɔ zang ɓu nɛɛ dɔɔnang ɓɔɔ daa teetee nɛɛ zang ɓu ɓɛɛ.

2 Koranti 10:18

Ka ruu ɓɔɔ, Laa ta ɓi zang ɓɔɔ dɔ̀ɔ́ yuu ɓiɓɛ ɓɛɛ kpang. Zang ɓɔɔ Kpanti dɔ̀ɔ́ wu, Laa ta ɓi wukɔ.

2 Koranti 5:9

Ruu kasɛ, naa ruu doo ka bii keɓe, naa ruu doo ka lapa, ruu palɛ vuu ɓɔɔ shing wu, wu tãa tĩnang ɓɛɛ.

Filipi 1:23

N shii kaa teteng vuu ziti keɓe. N kasɛ gbãng gbãng, n yaa koo keɓe, n daa nwang kaa nɛɛ Yeesɔ Kirisi. Ka ruu ɓɔɔ, wukɔ tɔ̃ɔ, ɓa nwannang ningkãari ka koo keɓe katɔ ɓɛɛ.

1 Timoti 3:13

Zang ɓɔɔ ri yi zang naa ka shonang ka Gãa Laa, ɓɔɔ ri palɛ shonang ɓarɛ waasɛ̃, zang a ri bannang katɔ. Ri zunung ɓɔɔ ri rang ruu ka yuu danggn ɓɔɔ ri shing ka bii Yeesɔ Kirisi katɔ, nyaa zàa ri kpang.

2 Timoti 2:12

Ruu nɛɛ mã danggn sasak, ruu naa roo kpanti nɛɛ wu. Naa ruu bɛ̃ɛ wu, ti naa bɛ̃ɛ ruu jong.

Yahudi 12:2

Ruu shing nɔɔ jĩng ka bii Yeesɔ ɓɔɔ wukɔ tusu ruu naa ɓɔɔ ruu shing danggn, ti shingnɛ danggn shinnang ɓuru wu nwang nyaa kiiri ɓɛɛ. Zang ɓɔɔ, ka ruu tĩnang ɓɔɔ Laa naa a wu ka tĩng, mã danggn ka ɓɔɔ zang ɓaa wu naa ka laa ɓɛɛ. Yee laa ka yusɛ̃ɛ náa ɓɔɔ zang ɓaa wu ɓɛɛ kpang, a daa nwàng ka nakn laa nwannang Kpanti Laa.

Vuu ɓɔɔ zang nwangsɛ Yɔhana 2:10

Nɔ́ɔ kaa vɔrɔ jĩng dannang ɓɔɔ yaa kaa tɔkɔlɔng nɔɔ dǎng kaa tɔ kaɓa kpang. Nɔɔ ɓaa shoo, Sheetang naa gãsɛ nɔɔ ditɔ, naa shingnɛ zang wu mã zang ɓɔɔ ka teteng manɛ ka sãa. Zang naa dang nɔɔ jĩng diki kopi kɔ nwani. Nɔ́ɔ yaa danggn ɓɔɔ nɔɔ shing ka bii mɛɛ kpang, naa zang nyɔ nɔɔ doo vɔrɔ ɓɛɛ. Tɔ̀ɔ, n a nɔɔ suru bii ɓɔɔ waa nyaa kpang, nɔ́ɔ walɛ bannang kati.

Vuu ɓɔɔ zang nwangsɛ Yɔhana 21:7

Zang ɓɔɔ nɛɛ ɓa vuu gãsɛnang yuu, zang naa alɛ wu vuu keɓe nandon. N ti naa nwang Laa ɓiɓɛ, wu nwang ɓi kaa jaa mɛɛ.

Vuu ɓɔɔ zang nwangsɛ Yɔhana 3:21

Zang ɓɔɔ nɛɛ shii gbãng gbãng, nɛɛ ɓa yuu vuu gãsɛnang, n kasɛ tɔ, wu naa nwang nɛɛ n, ka laa kpanti roonang mɛɛ. Naa ɓɔɔ n ɓa yuu vuu gãsɛnang ka tĩng, n naa nwàng nɛɛ Daa mɛɛ ka laa kpanti roonang ɓiɓɛ ɓɛɛ.

Vuu ɓɔɔ zang nwangsɛ Yɔhana 7:17

Ka ruu ɓɔɔ, Jaa Mɛ̀ɛrɛ́ ɓɔɔ ka nɔng laa nwannang kpanti gãng jĩng katɔ ka ri ɓɛɛ. Sɔ̀ɔ ri tĩng, atɛ ri ka rang mii ɓɔɔ a zang suru bii ɓɔɔ waa nyaa kpang ɓɛɛ. Laa ti naa àlɛ́ ri miiri nandon ka jĩng ɓarɛ.”