Matiyu 24:5 - Nyaa Shɔɔ Ɓɔɔ Laa a Ɓɛɛ

⁵ Ka ruu ɓɔɔ, zang dɔɔli naa a nɛɛ nung mɛɛ, nɛɛ rikɔ Kirisi ɓɛɛ. Ri naa nwãarɛ zang dɔɔli.

Matiyu 24:5 ပူးပေါင်းရင်းမြစ်များ

Matiyu 24:11

Zang ɓɔɔ ri suu sèé nɛɛ ri zang nyaa shonang Laa, ri naa arɛ ri nwãarɛ zang dɔɔli.

Matiyu 24:24

Ka ruu ɓɔɔ, zang ɓɔɔ ri ɓaa yuu ɓarɛ nɛɛ Kirisi, nɛɛ zang ɓɔɔ ri suu sèé nɛɛ ri zang nyaa shonang Laa naa alɛ ditɔ, ri tusu vuu bang bang ɓɔɔ zang zirɛ, zang mã naa ka danggn, nɛɛ tɔɔ ri nwãarɛ zang kati. Naa ri zunung zang ɓɔɔ Laa shɛ̃ɛrɛ ri nwãarɛnang katɔ, ri nɛɛ nwáarɛ̀ ri katɔ.

Yɔhana 5:43

N a m nɛɛ nung Daa mɛɛ, a nɔɔ ta m kpang. Naa zang ɓɔɔ à anang yuu ɓiɓɛ nɔɔ ta wu katɔ.

Yɔhana 8:24

Ka ruu nɔngkɔ, n kɔ̀ɔ́ nɔɔ nɛɛ nɔɔ vɔ nɛɛ vuu shi kpang manɛ ning. Nɔɔ nɛɛ shing danggn nɛɛ nkɔ zang ɓɔɔ n tɔɔ, nkɔ wukɔ kpang, nɔɔ naa vɔ nɛɛ vuu shi kpang manɛ.”

Yɔhana 8:28

Ka ruu nɔngkɔ, kɔɔ ri nɛɛ, “Nɔɔ nɛɛ wisi m, ɓɔɔ n Jaa Shɔnzang tɔ ka yuu laa, nɔ́ɔ naa zi kati nɛɛ nkɔ wukɔ. Tɔ̀ɔ, nɔ́ɔ zi kati nɛɛ n palɛ vuu gbete nɛɛ kaka yuu mɛɛ kpang. N kɔɔ m vuu ɓɔɔ Daa kpɛ̃ɛrɛ m nɛɛ n kɔ̀ɔ ɓɛɛ.

1 Yɔhana 2:18

Wujɛ mɛɛ, diki ɓɔɔ koo keɓe waa nyaa a naabm tɔ. Nɔɔ tãayi nɛɛ, zang ɓɔɔ shing jĩng nɛɛ Yeesɔ kpang a ditɔ, kãntang keɓe, zang ɓɔɔ shing jĩng nɛɛ Yeesɔ kpang, ri nwangsɛ yuu tɔ dɔɔli. Ka ruu nɔngkɔ, ruu zi tɔ nɛɛ, diki ɓɔɔ koo keɓe waa nyaa gn keɓe kɔ.

1 Yɔhana 2:22

Ɓu wi, zang sèé wiya? Zang ɓɔɔ laa nyaa nɛɛ Yeesɔ kɔ Kirisi, zang ɓɔɔ naa a ɓɛɛ, kpang ɓɛɛ. Zang keɓe, wukɔ ti laa nyaa Jaa Laa, nɛɛ Daa ɓiɓɛ Laa nandon.

1 Yɔhana 4:3

Suru ɓɔɔ kɔɔyi nɛɛ Yeesɔ tuu bii shɔnzang kpang, ɓi Suru Laa kpang. Suru keɓe a ɓi nɛɛ bii zang ɓɔɔ shing jĩng nɛɛ Kirisi kpang, ɓɔɔ nɔɔ tãa nyaa nɛɛ a ditɔ ɓɛɛ. Zang kaɓa a tɔ ka koo kãntang keɓe.

Vuu ɓɔɔ zang nwangsɛ Yɔhana 13:8

Zang ɓɔɔ ri nwang ka koo nandon ri naa bang wu. Rɛɛ zang ɓɔɔ zang bee nung ɓarɛ doo tɛ̃ɛ tɛ̃ɛ kpang, ka yeti labeenang Jaa Mɛ̀ɛrɛ́ Laa, ɓɔɔ bɛ̀ɛ́ zang nyɔ wu vɔrɔ ɓɛɛ.