Matiyu 24:45 - Nyaa Shɔɔ Ɓɔɔ Laa a Ɓɛɛ

⁴⁵ “A ɓu wi zang shonang tɔ̃ɔ ɓɔɔ zũng katɔ, ɓɔɔ dabang gãa ɓiɓɛ yaa wu zang ɓɔɔ ka gãa ɓiɓɛ nɛɛ wu alɛ ri vuu shaanang ka laa ɓɔɔ ri shaa vuu kagn wiya?

Matiyu 24:45 ပူးပေါင်းရင်းမြစ်များ

Matiyu 10:16

“Kãntang keɓe, n shong nɔɔ naa mɛ̀ɛrɛ́ ka teteng zaa wisi. Ka ruu nɔngkɔ, nɔɔ zũng katɔ naa sɔkɔ, nɔɔ ti nwang zang tɔ̃ɔ naa koro ɓɔɔ palɛ zang vuu ɓi kpang ɓɛɛ.

Matiyu 13:52

Yeesɔ kɔɔ ri tɔɔ, “Ka ruu nɔngkɔ, zang piti ɓɔɔ zi labeenang Laa, a ti zi naa ɓɔɔ Laa naa roo kpanti, zang keɓe nwang naa zang gãa ɓɔɔ nwangsɛ vuu shɔɔ nɛɛ ɓɔɔ gbaala nɛɛ nɔng ɓɔɔ wu tɛ̃ɛ vuu ɓiɓɛ ɓɛɛ.”

Matiyu 24:46

Tĩnang tãanang ɓi ɓɔɔ, zang shonang kaɓa kɔ, dabang gãa ɓiɓɛ nɛɛ naa ĩi wu palɛ doo shonang ɓɔɔ wu yaa wu ɓɛɛ.

Matiyu 25:2

Ka teteng ja soo kopi kaɓa, ɓɔɔ maani zũng kpang, a ɓɔɔ maani zũng ɓarɛ katɔ.

Matiyu 25:21

“Yɔɔ gãa ɓiɓɛ tɔɔ, ‘Nn hn, mɔɔ zang shonang tɔ̃ɔ ɓɔɔ ɓaa shoo ka nyaa zang, ti palɛ vuu tɔ̃ɔ ɓɛɛ. Mɔɔ palɛ vuu tɔ̃ɔ, ka vuu ɓɔɔ tɔkɔlɔng, n shing mɔɔ ka yuu vuu ɓɔɔ dɔɔli ɓɛɛ. A ta, mɔɔ tãa tĩnang nɛɛ n.’

Matiyu 25:23

“Yɔɔ gãa ɓiɓɛ tɔɔ, ‘Nn hn zang shonang tɔ̃ɔ ɓɔɔ ɓaa shoo ka nyaa zang, ti palɛ vuu tɔ̃ɔ ɓɛɛ. Mɔɔ palɛ vuu tɔ̃ɔ ka vuu ɓɔɔ tɔkɔlɔng, n shing mɔɔ ka yuu ɓɔɔ dɔɔli ɓɛɛ. A ta, mɔɔ tãa tĩnang nɛɛ n.’

Matiyu 7:24

“Zang piti ɓɔɔ tãa ruu mɛɛ keɓe, a ti palɛ vuu ɓɔɔ wu tãayi, nwang naa zang zũnang ɓɔɔ mãa gãa ɓiɓɛ ka yuu pɛngkɛ ɓɛɛ.

Luka 19:17

Dabang gãa ɓarɛ kɔɔ wu tɔɔ, ‘Mɔɔ palɛ vuu tɔ̃ɔ tɔ, mɔɔ zang shonang tɔ̃ɔ. Mɔɔ shing jĩng ka vuu tɔkɔlɔng tɔ̃ɔ tɔ̃ɔ. Ka ruu nɔngkɔ, n a mɔɔ gari bang bang kopi mɔɔ yiti.’

Zang Shonang Yeesɔ 20:28

Nɔɔ gãng jĩng ka yuu manɛ nɛɛ zang ɓɔɔ Suru Laa, a ri nɔɔ ka naa ɓɛɛ waasɛ̃. Nɔɔ nwang jagãng zang ɓɔɔ ri dũng Laa, ɓɔɔ ri nwàng ka ruu ɓɔɔ, wu hoo ri nɛɛ zĩi Jaa ɓiɓɛ ɓɛɛ.

1 Timoti 1:12

N zãa Kpanti Yeesɔ Kirisi ɓɔɔ a m kaka, n palɛ shonang mɛɛ nɛɛ mani tɔ. N ti zãa wu tɔ ka ɓɔɔ zirɛ n daa naa tɔ, zɔ̃ng m nɛɛ n shòng wu ɓɛɛ.

2 Timoti 2:2

Túsú vuu ɓɔɔ mɔɔ tãayi, n túsú ka jĩng zang dɔɔli ɓɛɛ, mɔɔ tusu zang ɓɔɔ mɔɔ shing ri gn katɔ ka bii ɓɛɛ. Zang ɓɔɔ ri zunung ɓɔɔ ri tusu zang ɓɔɔ kaa jong ɓɛɛ.

Yahudi 3:5

Musa nwáng zang ɓɔɔ zang shing gn katɔ ka bii ɓiɓɛ ɓɛɛ, ka gãa Laa nandon ka shonang ɓɔɔ wu palɛ ɓɛɛ, tɔ̀ɔ, wu kɔɔ ruu kaa yuu vuu ɓɔɔ Laa naa kɔɔ ka tĩng ɓɛɛ. A wu ɓi kaa zang ɓɔɔ palɛ shonang waati.

Vuu ɓɔɔ zang nwangsɛ Yɔhana 2:13

N zi nɔng ɓɔɔ nɔɔ nwàng gn ɓɛ̀ɛ́ tɔ, ka nɔng ɓɔɔ Sheetang roo kpanti kagn ɓɛɛ. Nɔɔ yaa kɔɔnang kpang nɛɛ nkɔ kpanti manɛ kpang. Nɔɔ yaa danggn ɓɔɔ nɔɔ shing ka bii mɛɛ kpang doo nɛɛ mani, ka laa ɓɔɔ zang nyɔ Antiba, yɔɔ ɓɔɔ dũng m nɛɛ yeti gbete vɔrɔ ɓɛɛ. Zang nyɔ wu vɔrɔ ka teteng manɛ, ka nɔng ɓɔɔ Sheetang nwang ɓɛɛ, ka ruu ɓɔɔ, kɔɔ ka shoo zang piti nɛɛ wu dũng ɓi nkɔ ɓɛɛ.