Matiyu 24:42 - Nyaa Shɔɔ Ɓɔɔ Laa a Ɓɛɛ

⁴² “Ka ruu nɔngkɔ, nɔɔ gãng jĩng kagn, ka ruu ɓɔɔ, nɔɔ zi diki ɓɔɔ Kpanti manɛ a kagn kpang ɓɛɛ.

Matiyu 24:42 ပူးပေါင်းရင်းမြစ်များ

Matiyu 24:36

“Zang gbete ɓɔɔ zi diki, nɛɛ laa ɓɔɔ n gbãayu kagn kpang. Zang nyaa shonang Kpanti Laa ɓɔɔ ka lapa, nɛɛ n ɓɔɔ n Jaa Laa piti, ruu zi kpang, ɓi Kpanti Laa kɔ zi gbete.

Matiyu 24:43

Nɔɔ zi tɔ nɛɛ, naa zang gãa nɛ̀ɛ́ tãa nyaa diki ɓɔɔ shɔngɓɔ a vuu ɓɔɔnang kagn tɔ, nɛ̀ɛ́ gãng jĩng ka gãa ɓiɓɛ tɔ̃ɔ tɔ̃ɔ, ka ruu ɓɔɔ Shɔngɓɔ nɛ̀ɛ́ naa shɛ̃ɛ ka gãa ɓiɓɛ see wu vuu ɓɛɛ.

Matiyu 24:44

Ka ruu nɔngkɔ, nɔɔ gãng jĩng kagn, ka ruu ɓɔɔ, Jaa Shɔnzang a ka làa ɓɔɔ nɔɔ shing danggn manɛ kpang ɓɛɛ.

Matiyu 25:10

“Ja soo maani ɓɔɔ zũng kpang kaɓa, ri daa tɔ nɔng nung hoonang, a sinyɛ ɓeevɛ naa a ka knti ɓarɛ. Ja soo maani ɓɔɔ ri kpalɛ bii tɔ kaɓa, ri daa ɓarɛ kaa nɛɛ wu, ka nɔng ɓɔɔ zang shaa kn sinyɛ ɓɛɛ. A zang ku nyaa gãa kati.

Matiyu 25:13

A Yeesɔ hangsɛ nyaa tɔɔ, “Nɔɔ shing danggn kagn, ka ruu ɓɔɔ nɔɔ zi diki nɛɛ laa ɓɔɔ n gbãayu kpang ɓɛɛ.”

Luka 21:34

“Nɔɔ gãng jĩng kagn, rɛ̃rɛnang manɛ nɛɛ kpiti nɛɛ vuu shaanang nɛɛ vuu ɓoonang. Rɛ̃rɛnang ɓɔɔ nɔɔ rɛ̃rɛ ka yuu vuu ɓɔɔ nɔɔ kasɛ ka koo keɓe ɓɛɛ. Ka ruu ɓɔɔ, diki kaɓa nɛɛ arɛ, bɛ̀ɛ́ nɔɔ shing danggn kpang, naa ɓɔɔ saka ta yɔpɔ ɓɛɛ.

Luka 21:36

Nɔɔ gãng jĩng kagn, nɔɔ gaa Laa diki diki, tɔ̀ɔ, nɔɔ walɛ kaka ɓɔɔ nɔɔ mã danggn jĩng dannang ɓɔɔ a ɓɛɛ. Tɔ̀ɔ, nɔɔ naa shii ka tĩng mɛɛ, ɓɔɔ n Jaa Shɔnzang ɓɛɛ.”

Rooma 13:11

Nɔɔ palɛ vuu keɓe, ka ruu ɓɔɔ nɔɔ zi diki keɓe tɔ ɓɛɛ. Laa ɓɔɔ nɔɔ hìngsí jĩng nɛɛ hingro a tɔ. Ka ruu ɓɔɔ, diki ɓɔɔ zang ta yuu ɓuru kagn, a naabm tɔ, ɓa ɓɔ̀ɔ́ diki ɓɔɔ ruu gaayu danggn shinnang ka bii Yeesɔ Kirisi kagn tɔ.

1 Koranti 16:13

Nɔɔ gãng jĩng waasɛ̃. Nɔɔ shii nɛɛ kaka ka danggn ɓɔɔ nɔɔ shing ɓɛɛ. Nɔ́ɔ yaa gn naa kpang, nɔɔ lakɛ yuu kagn.

1 Tesalonika 5:6

Ka ruu nɔngkɔ, ruu gãng nɔɔ jĩng, rúu nwàng naa zang ɓɔɔ kpang. Ruu nwang nɔɔ ningkãari, ruu yiti yuu ɓuru waasɛ̃.

1 Bituru 4:7

Diki ɓɔɔ koo keɓe waa nyaa kagn, a naabm tɔ, ka ruu nɔngkɔ, nɔɔ yiti yuu manɛ waasɛ̃, nɔ́ɔ shii tɔ̃ɔ, tɔ̀ɔ, nɔ́ɔ gaa Laa kati.

1 Bituru 5:8

Nɔɔ yiti yuu manɛ waasɛ̃ nɔɔ ti gãng jĩng waasɛ̃, sheetang zang ɓɔɔ shing jĩng nɛɛ nɔɔ kpang kaɓa rakɛ nɛɛ nɔng piti piti. Nwang ɓi zing ɓɔɔ shaa varɛ ɓɛɛ, kãa vuu ɓɔɔ wu shaa ɓɛɛ.

Vuu ɓɔɔ zang nwangsɛ Yɔhana 16:15

A Yeesɔ kɔɔyi tɔɔ, “N naa a naa shɔngɓɔ. Tĩnang tãanang ɓi zang ɓɔɔ nwang doo paa, gãng jĩng, hãa fɔ̃ɔrɔ ɓiɓɛ ka bii ɓɛɛ. Ka ruu ɓɔɔ nɛɛ yaa bii bɔ̃bɔ̃rɔ, yusɛ̃ɛ nɛɛ tuu wu ɓɛɛ.”