Matiyu 24:31 - Nyaa Shɔɔ Ɓɔɔ Laa a Ɓɛɛ

³¹ N naa shong zang nyaa shonang mɛɛ ɓɔɔ lapa ditɔ nɛɛ vuukãng ɓɔɔ káa dɔɔli ɓɛɛ, tɔɔ ri kpalɛ m zang mɛɛ ɓɔɔ n shɛ̃ɛrɛ ka koo keɓe piti, nɛɛ paa ɓɔɔ laa nwang nɔng, a ɓɔɔ nɛɛ dii ɓɔɔ laa hãa nyaa kagn ɓɛɛ.

Matiyu 24:31 ပူးပေါင်းရင်းမြစ်များ

Matiyu 13:41

Jaa Shɔnzang naa shong zang nyaa shonang ɓiɓɛ ɓɔɔ ri ka lapa ditɔ, nɛɛ ri kpalɛ vuu piti ɓɔɔ shing zang vuu shi kpang palɛnang ka nɔng ɓɔɔ wu roo kpanti ɓɛɛ, nɛɛ zang ɓɔɔ ri palɛ vuu shi kpang nandon.

Matiyu 24:22

Kpanti Laa nɛ̀ɛ́ sɔ́ɔrɔ̀ diki keɓe ka knti tɔkɔlɔng kpang, zang ɓɔɔ nɛɛ wɔ kagn gbete gãagãa kpang. A Kpanti Laa naa sɔ́ɔrɔ̀ diki keɓe, ka ruu zang ɓiɓɛ ɓɔɔ wu shɛ̃ɛrɛ ɓɛɛ.

Matiyu 24:24

Ka ruu ɓɔɔ, zang ɓɔɔ ri ɓaa yuu ɓarɛ nɛɛ Kirisi, nɛɛ zang ɓɔɔ ri suu sèé nɛɛ ri zang nyaa shonang Laa naa alɛ ditɔ, ri tusu vuu bang bang ɓɔɔ zang zirɛ, zang mã naa ka danggn, nɛɛ tɔɔ ri nwãarɛ zang kati. Naa ri zunung zang ɓɔɔ Laa shɛ̃ɛrɛ ri nwãarɛnang katɔ, ri nɛɛ nwáarɛ̀ ri katɔ.

Matiyu 24:32

“Nɔɔ mantɛ vuu ta, ka bii laa sĩiri. “Nasãng laa sĩiri nɛɛ lɔ̀ɔ gɔpɔ tɔ, ɓɔɔ shɔɔ nɛɛ lusu tɔ, nɔɔ zi tɔ nɛɛ nɔng guusi a naabm tɔ.

Matiyu 25:31

“Ka diki ɓɔɔ Jaa Shɔnzang naa a ka naa bannang ɓiɓɛ, nɛɛ zang nyaa shonang Laa ɓɔɔ ri ka lapa piti, naa nwang ka yuu laa nwannang Kpanti ɓiɓɛ.

Matiyu 28:18

A Yeesɔ arɛ naa kɔɔ ri tɔɔ, “Laa a m naa tɔ ka yuu vuu ɓɔɔ ka lapa, nɛɛ ɓɔɔ ka tipi nandon.

Maraku 13:27

Wu naa shong zang nyaa shonang Laa ɓɔɔ ka lapa kati, ri kpàlɛ̀ wu zang ɓɔɔ Laa shɛ̃ɛrɛ katɔ ka dĩiri koo piti.

Luka 24:47

Zang kɔɔ zang koo piti Ruu Laa, nɛɛ nung ɓiɓɛ kɔ, nɛɛ zang yaa vuu shi kpang, ri kɔ̃sɔ yeti ɓarɛ, tɔ̀ɔ, Laa wu yaa ri gbalang vuu shi kpang ɓarɛ. Zang naa gaayu nɛɛ Urushalima.

Yɔhana 11:52

Wu ti ka ruu ɓarɛ kɔ shɛ̃ɛning kpang. Vɔrɛ nɛɛ tɔɔ wu kpalɛ zang Laa ɓɔɔ zang tantɛ ri ka koolaa kaa jong nɔng gbete.

Rooma 10:18

N hɛ̃ɛ katɔ ɓɛɛ, Ri tã̀a Ruu Tɔ̃ɔ Laa kpang niizang ya? Ri tã̀a katɔ. Labeenang Laa kɔɔyi tɔɔ, “Ri kɔɔ ruu keɓe ka dalɛ koo nandon. Ruu ɓarɛ daa ka dĩiri ɓɔɔ koo waa nyaa ɓɛɛ.”

1 Koranti 15:52

naa ɓɔɔ zang ka jĩng ɓɛɛ. Ka ɓɔɔ zang naa jee vuukãng ɓɔɔ zang di nyaa vuu piti kagn ɓɛɛ. Zang nɛɛ jee tɔ, zang piti ɓɔɔ ri vɔlɔ tɔ, ri yuku paa tɔkn. Laa a ri kaa bii ɓɔɔ naa pũng takpang ɓɛɛ. Ka làá kaɓa, Laa naa kɔ̃sɔ ruu bii katɔ nandon.

Afisa 1:10

Diki nɛɛ a tɔ, Laa naa palɛ vuu ɓɔɔ wu mang ka yeti ɓiɓɛ ditɔ. Nɛɛ kpalɛ vuu ɓɔɔ wu mãarɛ ɓɛɛ nandon, vuu ɓɔɔ ka lapa nɛɛ tipi nandon, tɔɔ Kirisi wu nwang zang bang ɓarɛ kati.

1 Tesalonika 4:16

Laa naa mɛɛ nyaa nabm, a zang bang rɛɛ zang nyaa shonang Laa ɓɔɔ ri ka lapa ɓɛɛ, naa rang yee, a zang ri tãa yee vuukãng ɓɔɔ Laa jee ɓɛɛ. Tɔ̀ɔ, Kpanti Yeesɔ nɛɛ yuu ɓiɓɛ wu naa shooro kaa nɛɛ lapa zang ɓɔɔ ri shing danggn tɔ ka bii Yeesɔ a ri vɔlɔ ɓɛɛ, rikɔ yupaa ningkãari shɔɔnang.

2 Tesalonika 2:1

Rɛɛ manzung, ka ruu yuu gbãanang Kpanti ɓuru Yeesɔ Kirisi nɛɛ naa ɓɔɔ zang naa kpalɛ ruu, ruu ĩi wu ɓɛɛ. Ruu gaa nɔɔ,

Yahudi 12:19

Nɔ̀ɔ à, wu ti ka nɔng gboo ɓɔɔ kaa nyaa ɓɛɛ kpang, wu ka nɔng yee ɓɔɔ zang ɓɔɔ ri tãa vuu ɓɔɔ kɔɔyi, ri gaayi nɛɛ ri kasɛ ri pàasɛ̀ tãanang takpang ɓɛɛ kpang.

Vuu ɓɔɔ zang nwangsɛ Yɔhana 1:20

Zirɛ, rɛɛ sang manziti kɔ n yiti ka naa ɓee, nɛɛ rɛɛ vuu manziti ɓɔɔ zang shĩili waa zàáng sɔɔ kagn, ɓɔɔ zang palɛ ri nɛɛ zinariya ɓɛɛ. N kaaɓi n nwangsɛ mɔɔ dĩiri rɛɛ vuu keɓe. Rɛɛ sang manziti keɓe, ɓi rɛɛ zang nyaa shonang Laa, ɓɔɔ ri ka lapa, ɓɔɔ ri gãng jĩng, ka rɛɛ Gãa Laa manziti kaɓa ɓɛɛ. Vuu manziti ɓɔɔ zang shĩili waa zàáng sɔɔ kagn kaɓa, ɓi kaa rɛɛ Gãa Laa bìí, nɛɛ yuu ɓarɛ.”

Vuu ɓɔɔ zang nwangsɛ Yɔhana 11:15

A zang nyaa shonang Laa ɓɔɔ wukɔ wàa rɛɛ zang nyaa shonang Laa ɓɔɔ ri manziti nyaa knti ɓɛɛ, jee gboo ɓiɓɛ. A n tãlɛ yee nwangnɛ lapa, ri rang yee nabm nɛɛ, “Kpanti roonang koo keɓe, raa ɓɔɔ kpanti ɓuru tɔ, nɛɛ ɓɔɔ Kirisi ɓiɓɛ. Laa kɔ naa roo kpanti gbinggbing.”

Vuu ɓɔɔ zang nwangsɛ Yɔhana 7:1

A knti weɓe, n zi rɛɛ zang nyaa shonang Laa ɓɔɔ ri kaa lapa ɓɛɛ dɛ̃ɛti, ri shiiri ka nyaa kãngkãng koo. Ri nɔɔ jasung ɓɔɔ nɛɛ wu ra nɛɛ nɔng kaɓa ɓɛɛ, nɛɛ tɔ̀ɔ, ri rà kaa takpang ka tipi, nɛɛ yuu rɛɛ waapo, a ɓɔɔ ka yuu laa ɓɔɔ ka koo ɓɛɛ.

Vuu ɓɔɔ zang nwangsɛ Yɔhana 8:2

A n zi rɛɛ zang nyaa shonang Laa ɓɔɔ ri ka lapa ɓɛɛ ɓɔɔ manziti kaɓa, ɓɔɔ ri shiiri ka tĩng Laa ɓɛɛ, a zang, a zang ɓu gboo ka naa.