Matiyu 24:30 - Nyaa Shɔɔ Ɓɔɔ Laa a Ɓɛɛ

³⁰ “Tɔ̀ɔ zang naa zi vuu ɓɔɔ zang zirɛ zang mã naa ka danggn ka lapa ɓɔɔ tusu zang nɛɛ n ɓɔɔ n Jaa Shɔnzang n a kana ɓɛɛ. Zɔ̃ng zang ɓɔɔ ka koo keɓe piti, ri naa kaa ditɔ. Ri ti naa zi m kati, ka ɓɔɔ n a ka yeti sãmbong nɛɛ naa vuu palɛnang mɛɛ, nɛɛ bannang mɛɛ ɓɛɛ.

Matiyu 24:30 ပူးပေါင်းရင်းမြစ်များ

Matiyu 24:3

Yeesɔ daa nwang tɔ ka yuu Kɔpɔ Zeetung, a zang ɓɔɔ ri mantɛ vuu ka bii ɓiɓɛ, ri daa ka bii ɓiɓɛ ka naa ɓarɛ. A ri kɔɔ wu nɛɛ, “Kɔɔ ruu diki ɓɔɔ zang naa palɛ vuu keɓe ta. Mɔɔ ti kɔɔ ruu vuu ɓɔɔ ruu zi diki ɓɔɔ mɔɔ gbãayu kagn, nɛɛ diki ɓɔɔ koo keɓe naa waa nyaa ɓɛɛ.”

Matiyu 24:37

Diki ɓɔɔ Jaa Shɔnzang naa a kagn, nwang naa diki ɓɔɔ Nuhu nwang kagn ɓɛɛ.

Matiyu 24:39

Ri zi vuu ɓɔɔ a nɛɛ knti kpang. A mii lapa bang naa arɛ, see ri nandon. Diki ɓɔɔ Jaa Shɔnzang naa arɛ nwang doo nɔngkɔ.

Matiyu 26:64

A Yeesɔ kasɛ wu nyaa kati tɔɔ, “Nn nkɔ. N kɔɔ nɔɔ, nɔɔ naa zi m ɓɔɔ n Jaa Shɔnzang ditɔ ka naa nakn Kpanti Laa ɓɔɔ palɛ vuu piti ɓɛɛ. Nɔɔ ti naa zi naa ɓɔɔ n a ka yeti sãmbong ditɔ.”

Maraku 13:26

Tɔ̀ɔ, zang naa zi Jaa Shɔnzang kati ka ɓɔɔ wu a ka yeti sãmbong, nɛɛ naa vuu palɛnang ɓiɓɛ, nɛɛ bannang ɓiɓɛ ɓɛɛ.

Maraku 13:4

Ri tɔɔ, “Kɔɔ ruu diki ɓɔɔ vuu keɓe naa palɛ ɓɛɛ jong. Ɓu vi naa tùsú ruu nɛɛ diki ɓɔɔ vuu keɓe palɛ kagn a tɔ viya?”

Luka 21:27

Tɔ̀ɔ, zang zi Jaa Shɔnzang kati, ka ɓɔɔ wu a nɛɛ lapa ka yeti sãmbong ɓɛɛ nɛɛ naa vuu palɛnang, a ɓɔɔ bannang ɓiɓɛ ɓɛɛ.

Luka 22:69

Vuu ɓɔɔ yi nɛɛ lɛɛkɔ keɓe, Jaa Shɔnzang nwang ɓi kaa nakn Laa ɓɔɔ wukɔ palɛ vuu piti ɓɛɛ.”

Zang Shonang Yeesɔ 1:11

Zang varɛ ziti keɓe kɔɔ ri tɔɔ, “Zang tipi Galili, nɔɔ shiiri ka ruu vi nɔɔ pɛ̃ɛrɛ lapa viya? Yeesɔ kɔ zang tuu wu, zang daa nɛɛ wu ka lapa ɓee, naa gbãayu doo naa ɓɔɔ nɔɔ zi wu daa ɓɛɛ kɔ.”

2 Tesalonika 1:7

Naa shing nɔɔ ɓɔɔ nɔɔ dang jĩng kãntang, nɔɔ ɔ̃sɔ, a ruu ti ɔ̃sɔ jong. Naa palɛ vuu keɓe ka diki ɓɔɔ Kpanti Yeesɔ naa nwang nyaa nɛɛ lapa nɛɛ rɛɛ zang nyaa shonang ɓiɓɛ ɓɔɔ ka lapa, ɓɔɔ naa vuu palɛnang ɓarɛ bang dɔɔli ɓɛɛ.

Vuu ɓɔɔ zang nwangsɛ Yɔhana 1:7

Nɔɔ zirɛ, náa a ka yeti sãmbong, zang piti ri naa zi wu jĩng ka bii. Zang ɓɔɔ ri shu wu nɛɛ shalang, ri ti naa zi wu jong. Zang tipi koolaa keɓe nandon, ri naa káa ka ruu ɓiɓɛ. Vuu keɓe naa nwáng ditɔ nɔngkɔ niizang. Nɔngkɔ.

Vuu ɓɔɔ zang nwangsɛ Yɔhana 12:1

A vuu bang ɓɔɔ zang zirɛ zang mã naa ka danggn ɓɛɛ, nwangsɛ bii ka lapa. Vuu keɓe ɓi Jaa soro zuu bii nɛɛ làa, a naa doo ɓiɓɛ ka yuu shala. A kãng lapoo yuu kpanti ɓɔɔ, zang palɛ nɛɛ sàng kopi tu ziti ka yuu ɓiɓɛ.