Matiyu 24:24 - Nyaa Shɔɔ Ɓɔɔ Laa a Ɓɛɛ

²⁴ Ka ruu ɓɔɔ, zang ɓɔɔ ri ɓaa yuu ɓarɛ nɛɛ Kirisi, nɛɛ zang ɓɔɔ ri suu sèé nɛɛ ri zang nyaa shonang Laa naa alɛ ditɔ, ri tusu vuu bang bang ɓɔɔ zang zirɛ, zang mã naa ka danggn, nɛɛ tɔɔ ri nwãarɛ zang kati. Naa ri zunung zang ɓɔɔ Laa shɛ̃ɛrɛ ri nwãarɛnang katɔ, ri nɛɛ nwáarɛ̀ ri katɔ.

Matiyu 24:24 ပူးပေါင်းရင်းမြစ်များ

Matiyu 22:14

A Yeesɔ naa hangsɛ nyaa kati tɔɔ, “Zang ɓɔɔ zang gaarɛ, ri dɔɔli, a zang ɓɔɔ zang shɛ̃ɛrɛ, ri kaa tɔ̀ɔ́ dɔɔli kpang.”

Matiyu 24:11

Zang ɓɔɔ ri suu sèé nɛɛ ri zang nyaa shonang Laa, ri naa arɛ ri nwãarɛ zang dɔɔli.

Matiyu 24:22

Kpanti Laa nɛ̀ɛ́ sɔ́ɔrɔ̀ diki keɓe ka knti tɔkɔlɔng kpang, zang ɓɔɔ nɛɛ wɔ kagn gbete gãagãa kpang. A Kpanti Laa naa sɔ́ɔrɔ̀ diki keɓe, ka ruu zang ɓiɓɛ ɓɔɔ wu shɛ̃ɛrɛ ɓɛɛ.

Matiyu 24:25

Nɔɔ shing danggn kagn, ka ruu ɓɔɔ, n kɔɔ nɔɔ tɔ ɓɛɛ.

Matiyu 24:31

N naa shong zang nyaa shonang mɛɛ ɓɔɔ lapa ditɔ nɛɛ vuukãng ɓɔɔ káa dɔɔli ɓɛɛ, tɔɔ ri kpalɛ m zang mɛɛ ɓɔɔ n shɛ̃ɛrɛ ka koo keɓe piti, nɛɛ paa ɓɔɔ laa nwang nɔng, a ɓɔɔ nɛɛ dii ɓɔɔ laa hãa nyaa kagn ɓɛɛ.

Matiyu 24:5

Ka ruu ɓɔɔ, zang dɔɔli naa a nɛɛ nung mɛɛ, nɛɛ rikɔ Kirisi ɓɛɛ. Ri naa nwãarɛ zang dɔɔli.

Matiyu 7:15

“Nɔɔ gãng jĩng ka zang sèé ɓɔɔ ri tɔɔ, ri zang nyaa shonang Laa ɓɛɛ. Ri a ka bii manɛ náa mɛ̀ɛrɛ́ ɓɔɔ pálɛ̀ zang vuu kpang ɓɛɛ, a yeti ɓarɛ nwang naa zaa wisi ɓɔɔ jĩng raa ri katɔ ɓɛɛ.

Maraku 13:22

Ka ruu ɓɔɔ, zang ɓɔɔ ri naa ɓaa yuu ɓarɛ nɛɛ Kirisi, nɛɛ zang ɓɔɔ ri naa suu sèé nɛɛ ri zang nyaa shonang Laa, naa alɛ ditɔ. Ri naa tusu vuu bang bang, ɓɔɔ zang zirɛ zang mã naa ka danggn, nɛɛ tɔ̀ɔ ri nwãarɛ zang kati. Naa ri nɛɛ zunung zang ɓɔɔ Laa shɛ̃ɛrɛ ri nwãarɛnang katɔ, ri nɛ̀ɛ́ nwãarɛ ri katɔ.

Luka 18:7

A Laa naa jɛ̃ɛ zang ɓiɓɛ ɓɔɔ wu shɛ̃ɛrɛ katɔ, ɓɔɔ ri shàlɛ́ nyaa ka bii ɓiɓɛ, nɛɛ laagɛ̃ nɛɛ zĩi, ruu ɓɔɔ niizang ɓi kpang ya? Yi ri naa ka bii tantɛnang kpang ya?

Yɔhana 4:48

Yeesɔ kɔɔ wu tɔɔ, “Nɔɔ nɛɛ zi vuu ɓɔɔ zang zirɛ zang mã naa ka danggn, zang ti ãa nyaa ka nɔng ɓɔɔ zang zi ɓɛɛ gn kpang, nɔɔ shing danggn kpang.”

Yɔhana 6:37

Zang ɓɔɔ Laa a m, a kaa bii mɛɛ nandon. Zang ɓɔɔ nɛɛ a ka bii mɛɛ, n hing wu kpang.

Yɔhana 6:39

Zang ɓɔɔ shong m, kasɛ nɛɛ n ning zang gbete ka teteng zang kɔ wu a m ri ɓɛɛ kpang. Nɛɛ n naa wisi ri paa katɔ kɔ jong, ka diki ɓɔɔ koo waa nyaa ɓɛɛ.

Zang Shonang Yeesɔ 20:16

Bulu kɔɔ ɓi ka yeti ɓiɓɛ nɛɛ wu tɛɛ ɓi nɛɛ laana wu daa ka Afisa, ka ruu ɓɔɔ, wu kasɛ wu suukãng ka Asiya kpang ɓɛɛ. Làábii nɛɛ wu kasɛ wu shɛ̃ɛ Urushalima ka diki nyaalaa Pentiku.

Rooma 12:18

Palɛ vuu piti ɓɔɔ mɔɔ zunung katɔ ɓɛɛ, mɔɔ nwang ka nyaa zɔɔ nɛɛ zang piti.

Galati 4:15

Kãntang keɓe, ɓu vi palɛ tĩnang ɓɔɔ nɔɔ tãa gbãng gbãng kaa viya? N nɛɛ yuu mɛɛ n kɔɔ ruu keɓe katɔ nɛɛ, naa nɔɔ nɛɛ zunung katɔ, nɔɔ nɛɛ zɔ̃ngkɔ jĩng manɛ katɔ nɔɔ nɛɛ a m.

2 Timoti 2:19

A doo gãa ɓɔɔ Laa loo ɓɛɛ, shii ɓi katɔ katakata, zang zĩiti kpang. Zang bee vuu keɓe ka bii ɓiɓɛ nɛɛ, “Laa zi rɛɛ zang ɓɔɔ ri ɓarɛ ɓɔɔ ɓiɓɛ tɔ”. A “Zang ɓɔɔ nɛɛ kɔɔyi nɛɛ, wu ɓɔɔ Kpanti Laa, wu yaa gbalang vuu shi kpang ɓɔɔ wu palɛ katɔ.”

1 Bituru 1:5

Laa ti gã nɔɔ nɛɛ naa vuu palɛnang ɓiɓɛ, nɔɔ ɓɔɔ nɔɔ shing danggn ka bii ɓiɓɛ ɓɛɛ. Tɔ̀ɔ, zang piti ri zi kati nɛɛ jĩng ɓarɛ, nɛɛ Laa ta yuu manɛ ditɔ ka diki ɓɔɔ koo waa nyaa kagn ɓɛɛ.

2 Bituru 3:17

Masang ɓɔɔ n kasɛ ruu manɛ dɔɔli ɓɛɛ, ɓɔɔ manɛ nɔɔ zi vuu keɓe manɛ tɔ, ka ruu nɔngkɔ, n kɔɔ nɔɔ, nɔɔ gãng jĩng waasɛ̃. Zang ɓɔɔ ri dũng nyaa Laa kpang, ri nɛ̀ɛ́ shing nɔɔ, nɔ́ɔ palɛ vuu shi kpang ɓɔɔ ri palɛ ɓee. Rí nɛɛ ti wàlɛ́ gbalang ri shing nɔɔ, nɔ́ɔ yaa nɔng tɔ̃ɔ kɔ nɔɔ shii kagn ɓɛɛ.

1 Yɔhana 2:18

Wujɛ mɛɛ, diki ɓɔɔ koo keɓe waa nyaa a naabm tɔ. Nɔɔ tãayi nɛɛ, zang ɓɔɔ shing jĩng nɛɛ Yeesɔ kpang a ditɔ, kãntang keɓe, zang ɓɔɔ shing jĩng nɛɛ Yeesɔ kpang, ri nwangsɛ yuu tɔ dɔɔli. Ka ruu nɔngkɔ, ruu zi tɔ nɛɛ, diki ɓɔɔ koo keɓe waa nyaa gn keɓe kɔ.

1 Yɔhana 2:22

Ɓu wi, zang sèé wiya? Zang ɓɔɔ laa nyaa nɛɛ Yeesɔ kɔ Kirisi, zang ɓɔɔ naa a ɓɛɛ, kpang ɓɛɛ. Zang keɓe, wukɔ ti laa nyaa Jaa Laa, nɛɛ Daa ɓiɓɛ Laa nandon.

1 Yɔhana 5:18

Ruu zì tɔ nɛɛ, zang ɓɔɔ Laa yirɛ, huu shoo ɓi nɛɛ vuu shi kpang palɛnang kpang. Ka ruu ɓɔɔ, Jaa Laa yiti wu katɔ ɓɛɛ. Sheetang pálɛ̀ wu vuu ɓɔɔ ɓi kpang.

Vuu ɓɔɔ zang nwangsɛ Yɔhana 19:20

A zang yi yɔpɔ jĩngti kaɓa ka nyaa sĩiri, nɛɛ yɔɔ ɓɔɔ suu sèé nɛɛ wu kɔ̀ɔ́ zang Ruu Laa ɓɛɛ. Ɓɔɔ palɛ vuu ɓɔɔ zang zirɛ zang mã naa ka danggn ka tĩng yɔpɔ jĩngti bìí ɓɛɛ. (Nɔɔ nwãarɛ zang nɛɛ mani, a zang ɓang zang vuu yɔpɔ jĩngti ka nyaating. A zang ɓɔɔ ri bang vuu ɓɔɔ zang palɛ nwang wu ɓɛɛ). Zang ziti keɓe zang tasɛ ri ningkãari ka too waa kaɓa ɓɔɔ shaayi, tari ɓɔɔ shaa waa katɔ ti kagn ɓɛɛ.