Matiyu 24:22 - Nyaa Shɔɔ Ɓɔɔ Laa a Ɓɛɛ

²² Kpanti Laa nɛ̀ɛ́ sɔ́ɔrɔ̀ diki keɓe ka knti tɔkɔlɔng kpang, zang ɓɔɔ nɛɛ wɔ kagn gbete gãagãa kpang. A Kpanti Laa naa sɔ́ɔrɔ̀ diki keɓe, ka ruu zang ɓiɓɛ ɓɔɔ wu shɛ̃ɛrɛ ɓɛɛ.

Matiyu 24:22 ပူးပေါင်းရင်းမြစ်များ

Matiyu 22:14

A Yeesɔ naa hangsɛ nyaa kati tɔɔ, “Zang ɓɔɔ zang gaarɛ, ri dɔɔli, a zang ɓɔɔ zang shɛ̃ɛrɛ, ri kaa tɔ̀ɔ́ dɔɔli kpang.”

Matiyu 24:24

Ka ruu ɓɔɔ, zang ɓɔɔ ri ɓaa yuu ɓarɛ nɛɛ Kirisi, nɛɛ zang ɓɔɔ ri suu sèé nɛɛ ri zang nyaa shonang Laa naa alɛ ditɔ, ri tusu vuu bang bang ɓɔɔ zang zirɛ, zang mã naa ka danggn, nɛɛ tɔɔ ri nwãarɛ zang kati. Naa ri zunung zang ɓɔɔ Laa shɛ̃ɛrɛ ri nwãarɛnang katɔ, ri nɛɛ nwáarɛ̀ ri katɔ.

Matiyu 24:31

N naa shong zang nyaa shonang mɛɛ ɓɔɔ lapa ditɔ nɛɛ vuukãng ɓɔɔ káa dɔɔli ɓɛɛ, tɔɔ ri kpalɛ m zang mɛɛ ɓɔɔ n shɛ̃ɛrɛ ka koo keɓe piti, nɛɛ paa ɓɔɔ laa nwang nɔng, a ɓɔɔ nɛɛ dii ɓɔɔ laa hãa nyaa kagn ɓɛɛ.

Maraku 13:20

Kpanti Laa nɛɛ sɔɔrɔ diki keɓe ka knti tɔkɔlɔng kpang, shɔnzang ɓɔɔ nɛɛ wɔ kagn gbete gãagãa kpang. Kpanti Laa naa sɔ́ɔrɔ̀ diki keɓe, ka ruu zang ɓiɓɛ ɓɔɔ wu shɛ̃ɛrɛ ɓɛɛ.

Luka 18:7

A Laa naa jɛ̃ɛ zang ɓiɓɛ ɓɔɔ wu shɛ̃ɛrɛ katɔ, ɓɔɔ ri shàlɛ́ nyaa ka bii ɓiɓɛ, nɛɛ laagɛ̃ nɛɛ zĩi, ruu ɓɔɔ niizang ɓi kpang ya? Yi ri naa ka bii tantɛnang kpang ya?

Rooma 9:11

Ka ɓɔɔ bɛ̀ɛ́ zang yi ri gn kpang, ri ti pálɛ́ vuu tɔ̃ɔ gn nɛɛ vuu shi kpang, kpang. Laa kasɛ nɛɛ zɔ̃nnang ɓɔɔ wu zɔ̃ng jaa gbete ka teteng ɓarɛ wu nwang vuu ɓɔɔ wu kasɛ ɓɛɛ. Laa kɔɔ nàá ɓarɛ tɔɔ, “Zang ɓɔɔ bang kɔ naa pàlɛ́ zang ɓɔɔ wujaa shonang.” Ka ruu nɔngkɔ, Laa zɔ̃ng zang ɓi ka ruu nyaa ɓɔɔ wu ɓaa zang ɓɛɛ, wu ka ruu, vuu ɓɔɔ zang palɛ ɓɛɛ kpang.

2 Timoti 2:10

Ka ruu nɔngkɔ, n mã danggn vuu piti ka ruu zang ɓɔɔ Laa shɛ̃ɛrɛ ri katɔ ɓɛɛ. Tɔ̀ɔ, Laa wu ta yuu ɓarɛ kaa jong. Yuu tanang ɓɔɔ a nɛɛ bii Yeesɔ Kirisi ɓɛɛ, ɓɔɔ ti atɛ suru bii ɓɔɔ waa nyaa kpang ɓɛɛ.

1 Bituru 1:1

Nkɔ Bituru zang nyaa shonang Yeesɔ Kirisi, n bèé nɔɔ labeenang keɓe, n jee nɔɔ nyaa, zang ɓɔɔ Laa shɛ̃ɛrɛ ri katɔ ɓɛɛ. Ɓɔɔ zang tantɛ nɔɔ nɛɛ nɔng piti piti ka rɛɛ tipi Pontu nɛɛ Galati nɛɛ Kapaadoosiya nɛɛ Asiya a ɓɔɔ tipi Bitiniya ɓɛɛ. Nɔɔ nwalɛ zanti ka nɔngkɔ ɓɛɛ.