Matiyu 24:14 - Nyaa Shɔɔ Ɓɔɔ Laa a Ɓɛɛ

¹⁴ Zang naa rang zang koolaa keɓe Ruu Tɔ̃ɔ Kpanti Laa ditɔ nandon, tɔɔ zang ɓɔɔ ka rɛɛ tipi ɓɔɔ ka koo keɓe ri tãa ruu ɓɔɔ niizang kati. Tɔ̀ɔ, koo keɓe wu naa waa nyaa kati.”

Matiyu 24:14 ပူးပေါင်းရင်းမြစ်များ

Matiyu 10:7

Nɔɔ nɛɛ daa kana, nɔɔ kɔɔ zang Ruu Laa nɛɛ, ‘Kpanti roonang Laa a naabm tɔ.’

Matiyu 18:19

“Nɔɔ ɓaa shoo ta, nɔ́ɔ tãa tɔkn. Naa zang ziti ka teteng manɛ ri mã̀ zɔɔ naa ka yuu vuu piti ɓɔɔ ri gaayi, Daa mɛɛ ɓɔɔ ka lapa palɛ ri katɔ.

Matiyu 24:3

Yeesɔ daa nwang tɔ ka yuu Kɔpɔ Zeetung, a zang ɓɔɔ ri mantɛ vuu ka bii ɓiɓɛ, ri daa ka bii ɓiɓɛ ka naa ɓarɛ. A ri kɔɔ wu nɛɛ, “Kɔɔ ruu diki ɓɔɔ zang naa palɛ vuu keɓe ta. Mɔɔ ti kɔɔ ruu vuu ɓɔɔ ruu zi diki ɓɔɔ mɔɔ gbãayu kagn, nɛɛ diki ɓɔɔ koo keɓe naa waa nyaa ɓɛɛ.”

Matiyu 24:6

Nɔɔ ti naa tãlɛ nyaa sĩiri tanang ditɔ nɛɛ ruu sĩiri ɓɔɔ zang kɔɔrɔ ɓɛɛ. Nɔ́ɔ kaa vɔrɔ kpang, vuu keɓe a ɓi katɔ, a ɓi gn diki ɓɔɔ koo waa nyaa kagn ɓɛɛ kpang.

Matiyu 4:23

Yeesɔ ra ka tipi Galili nandon, tùsú zang vuu ka gãa zɔɔ kpalɛnang zang Yahudi. Ti rang zang yee ka yuu ruu ɓɔɔ, Laa tùsú zang nɛɛ wukɔ kpanti ɓɛɛ. A ti masɛ zang ɓɔɔ kɔnang yiki ri ka zɔ̃ng zɔ̃ng nandon.

Matiyu 9:35

A Yeesɔ daarɛ ka gari bang nɛɛ ɓɔɔ tɔkɔlɔng piti. Tusu zang vuu ka gãa zɔɔ kpalɛnang Yahudi, a ti rang zang ruu tɔ̃ɔ kpanti roonang Laa. A masɛ zɔ̃ng kɔnang ɓɔɔ yiki zang nɛɛ vuu ɓɔɔ palɛ ri nandon.

Maraku 13:10

Zang naa rǎng zang ɓɔɔ ka rɛɛ tipi ɓɔɔ ka koo keɓe Ruu Tɔ̃ɔ Laa ditɔ gbongkarɛ nandon, tɔ̀ɔ, koo wu naa waa nyaa kati.

Luka 2:1

Ka diki kaɓa Kayisa Agɔsitu kpanti zang tipi Rooma, shong nyaa nɛɛ zang gã zang ɓɔɔ ka tipi ɓiɓɛ nandon.

Luka 24:47

Zang kɔɔ zang koo piti Ruu Laa, nɛɛ nung ɓiɓɛ kɔ, nɛɛ zang yaa vuu shi kpang, ri kɔ̃sɔ yeti ɓarɛ, tɔ̀ɔ, Laa wu yaa ri gbalang vuu shi kpang ɓarɛ. Zang naa gaayu nɛɛ Urushalima.

Luka 4:5

A Sheetang tuu wu, vang nɛɛ wu ka nɔng ɓɔɔ bee ka lapa ɓɛɛ, a tusu wu koolaa ɓɔɔ ka bm bm ɓɛɛ shàlok nandon.

Zang Shonang Yeesɔ 1:2

à nɛɛ mani ka diki ɓɔɔ Laa tuu wu daa nɛɛ wu ka lapa ɓɛɛ. Ɓɔɔ bɛ̀ɛ́ daa lapa gn kpang, Suru Laa yi wu naa ka bii, a rang rɛɛ zang ɓɔɔ wu shɛ̃ɛrɛ ri nɛɛ ri nwang zang ɓɔɔ wu shong ri ɓɛɛ yee.

Zang Shonang Yeesɔ 11:28

Zang gbete ka teteng ɓarɛ, zang ɓaa wu nɛɛ Agabu, Laa a wu naa vuu palɛnang, a yupaa kɔɔyi tɔɔ, nyɔkɔ bang a kana ka koo nandon. (Nyɔkɔ keɓe náa á ka saa ɓɔɔ Kaladiyu nwang Kpanti ɓɛɛ).

Zang Shonang Yeesɔ 17:31

Ka ruu ɓɔɔ, Laa zɔ̃́ng diki tɔ gbete, ɓɔɔ wu naa jɛ̃ɛ zang koo ruu kagn ɓɛɛ. Naa jɛ̃̀ɛ zang ruu gn dang gbete kpang. Jɛ̃̀ɛ́ zang ruu nɛɛ bii zang ɓɔɔ wu zɔ̃ng ɓɛɛ. Vuu keɓe nwàng niizang ka ɓɔɔ wu wisi zang keɓe paa nɛɛ saa ɓɛɛ.”

Zang Shonang Yeesɔ 17:6

Ɓɔɔ ri ĩi Bulu nɛɛ Siila kpang, ri gɔ̃ yɔɔ ɓɔɔ zang ɓaa wu nɛɛ Jaasong nɛɛ rɛɛ zang ɓɔɔ ka teteng zang ɓɔɔ ri shing danggn tɔ ɓɛɛ, ri daa nɛɛ ri ka tĩng rɛɛ zang bang gari. Ri goo nyaa nɛɛ, “Zang keɓe ri kpãa zang tɔ nɛɛ nɔng piti piti. Wee ri a tɔ ka gari ɓuru ɓɛɛ,

Zang Shonang Yeesɔ 19:27

Naa ruu nɛɛ palɛ waasɛ̃ kpang zang ɓáa shonang ɓuru keɓe kaa nung shi kpang. Wu ti nɔngkɔ shɛ̃ɛning kpang, nàá jaa gãa ɓuru, Aritimi ɓɔɔ zang a wu bannang dɔɔli keɓe, gãa ɓiɓɛ zang risi ɓi tɔ naa vuu ɓɔɔ kpang. Zang ti làsɛ́ bannang ɓɔɔ zang a wu kaa tɔ. Vuu gãnti ɓɔɔ zang bang wu katɔ, ka tipi Asiya nɛɛ koo nandon ɓɛɛ.”

Zang Shonang Yeesɔ 20:25

“Nɔɔ zang ɓɔɔ n rakɛ ka teteng manɛ, n kɔɔrɔ nɔɔ Ruu Tɔ̃ɔ Kpanti roonang Laa ɓɛɛ, n zi tɔ, nɔɔ zi m takpang dòndòng.

Rooma 10:18

N hɛ̃ɛ katɔ ɓɛɛ, Ri tã̀a Ruu Tɔ̃ɔ Laa kpang niizang ya? Ri tã̀a katɔ. Labeenang Laa kɔɔyi tɔɔ, “Ri kɔɔ ruu keɓe ka dalɛ koo nandon. Ruu ɓarɛ daa ka dĩiri ɓɔɔ koo waa nyaa ɓɛɛ.”

Kolosi 1:23

Nɔɔ yi tĩng manɛ ka danggn ɓɔɔ nɔɔ shing ɓɛɛ. Vuu ɓɔɔ wu kɔsɔ nɔɔ ka vuu gn shinnang ɓɔɔ nɔɔ walɛ ka ɓɔɔ nɔɔ tãa Ruu Tɔ̃ɔ Laa ɓɛɛ kpang. Ka ruu Ruu Tɔ̃ɔ keɓe kɔ, n Bulu n raa zang shonang. Ruu Tɔ̃ɔ ɓɔɔ zang kɔɔ zang tɔ nandon ka koo ɓɛɛ.

Kolosi 1:6

Ruu Tɔ̃ɔ atɛ zang tĩnang tãanang kana, a tĩnang keɓe, bàa koo tɔ nandon. Naa ɓɔɔ bàa teteng manɛ doo nɛɛ diki ɓɔɔ nɔɔ gaayu tɔ̃ɔ ɓɔɔ Laa palɛ tãanang, a nɔɔ naa zi naa ɓɔɔ nwàng ɓɛɛ nɛɛ mani ɓɛɛ.

Yahudi 1:6

A kɔɔ tɔkn, ka ɓɔɔ Laa nwangsɛ jamari ɓiɓɛ ka koo, kɔɔyi tɔɔ, “Zang nyaa shonang Laa ɓɔɔ ri ka lapa nandon ri bang wu ta.”

Yahudi 2:5

Laa shing wu zang nyaa shonang ɓiɓɛ ɓɔɔ ri ka lapa, ri roo kpanti ka koo ɓɔɔ wu naa mãa ɓɛɛ kpang. Koo kɔ ruu rang yee ka yuu ɓiɓɛ ɓee.

Vuu ɓɔɔ zang nwangsɛ Yɔhana 14:6

A n zi zang nyaa shonang Laa ɓɔɔ ka lapa ɓɛɛ ɓɔɔgn, tãa ka lapa. Atɛ Ruu Tɔ̃ɔ Laa ɓɔɔ di nyaa kpang ɓɛɛ, ɓɔɔ wu naa daa kɔɔrɔ zang ɓɔɔ ri nwang ka koo ɓɛɛ, nɛɛ zɔ̃ng zang piti, nɛɛ nɔng piti ka koo, a ɓɔɔ zang ɓɔɔ ri rangkɛ nyaa ka bm bm ɓɛɛ.

Vuu ɓɔɔ zang nwangsɛ Yɔhana 16:14

Ri ɓarɛ, suru shi kpang ɓɔ̀ɔ́ Sheetang. Naa vuu palɛnang ɓarɛ kagn ɓɔɔ ri palɛ vuu ɓɔɔ zang zirɛ zang mã naa ka danggn ɓɛɛ. Ri daarɛ ka bii rɛɛ kpanti ɓɔɔ ka koo nandon, nɛɛ ri kpálɛ́ ri, ri ta sĩiri ka diki bang kaɓa, ɓɔɔ Laa ɓɔɔ ɓa zang piti katɔ, naa tusu zang yuu ɓiɓɛ kagn ɓɛɛ.

Vuu ɓɔɔ zang nwangsɛ Yɔhana 3:10

Nɔɔ dũng ruu mɛɛ ɓɔɔ n kɔ̀ɔ nɔɔ nɛɛ nɔɔ mã danggn ɓɛɛ tɔ, ka ruu nɔngkɔ, n naa shingnɛ, nɔ́ɔ wɔ ka jĩng dannang ɓɔɔ a kaa tɔ ka koo piti ɓɔɔ zang gãsɛ zang ɓɔɔ ri nwang ka koo nɛɛ mani ɓɛɛ.