Matiyu 23:34 - Nyaa Shɔɔ Ɓɔɔ Laa a Ɓɛɛ

³⁴ Ka ruu nɔngkɔ, n shong nɔɔ zang nyaa shonang Laa ditɔ, nɛɛ zang ɓɔɔ zũng katɔ nɛɛ zang ɓɔɔ tusu zang vuu ɓɛɛ. Nɔɔ naa nyɔkɔ ɓɔɔ ditɔ, nɔɔ ti ɓaarɛ ɓɔɔ naa ka laa. Nɔɔ ti naa nyɔkɔ ɓɔɔ nɛɛ gbãa ka gãa zɔɔ kpalɛnang manɛ. Nɔɔ ti naa hingki ɓɔɔ nɛɛ rɛɛ gari manɛ piti.

Matiyu 23:34 ပူးပေါင်းရင်းမြစ်များ

Matiyu 10:23

Zang nɛɛ dang nɔɔ jĩng kana ka gari gbete, nɔɔ yurɛ nɔ́ɔ daa ka gari ɓɔɔgn. N kɔɔ nɔɔ ruu ɓɔɔ niizang kɔ nwani Jaa Shɔnzang naa arɛ, bɛ̀ɛ́ nɔɔ hangsɛ nyaa shonang manɛ palɛnang gn gari zang Isirela nandon kpang.

Matiyu 13:52

Yeesɔ kɔɔ ri tɔɔ, “Ka ruu nɔngkɔ, zang piti ɓɔɔ zi labeenang Laa, a ti zi naa ɓɔɔ Laa naa roo kpanti, zang keɓe nwang naa zang gãa ɓɔɔ nwangsɛ vuu shɔɔ nɛɛ ɓɔɔ gbaala nɛɛ nɔng ɓɔɔ wu tɛ̃ɛ vuu ɓiɓɛ ɓɛɛ.”

Matiyu 23:31

Ka ruu nɔngkɔ, nɔɔ tusu zang nɛɛ nɔɔ zi tɔ, nɛɛ nɔkɔ wujɛ zɔ̃ng zang ɓɔɔ ri nyɔkɔ zang nyaa shonang Kpanti Laa ɓɛɛ.

Luka 24:47

Zang kɔɔ zang koo piti Ruu Laa, nɛɛ nung ɓiɓɛ kɔ, nɛɛ zang yaa vuu shi kpang, ri kɔ̃sɔ yeti ɓarɛ, tɔ̀ɔ, Laa wu yaa ri gbalang vuu shi kpang ɓarɛ. Zang naa gaayu nɛɛ Urushalima.

Yɔhana 16:2

Zang naa nwangsɛ nɔɔ ditɔ kaa gãa zɔɔ kpalɛnang. Diki a kana, ɓɔɔ zang ɓɔɔ nɛɛ nyɔ nɔɔ vɔrɔ, kɔ̀ɔ́ ɓi nɛɛ wu palɛ vuu ɓɔɔ Laa kasɛ ɓɛɛ.

Yɔhana 20:21

Yeesɔ kɔɔ ri tɔkn tɔɔ, “Yeti manɛ wu lasɛ kpang. Naa ɓɔɔ Daa shong m ka koo, n shong nɔɔ doo nɔngkɔ ka koo.”

Zang Shonang Yeesɔ 1:8

Diki ɓɔɔ Suru Laa a ka bii manɛ, nɔɔ nwáng zang ɓɔɔ ri kɔ̀ɔ́ ruu ka yuu mɛɛ ka gari Urushalima, nɛɛ tipi Yahudi nandon, nɛɛ tipi Samariya, nɔɔ daa nɛɛ mani ka nɔng ɓɔɔ koo waa nyaa ɓɛɛ”.

Zang Shonang Yeesɔ 11:27

Ka diki kaɓa, zang nyaa shonang Laa ɓɔɔ ri yupaa nɛɛ Urushalima, ri daa ka Antakiya.

Zang Shonang Yeesɔ 12:2

Shingnɛ zang dɔng yuu Yakub jaa nàá Yɔhana nɛɛ yere bang a Yakub vɔrɛ.

Zang Shonang Yeesɔ 13:1

Ka teteng zang ɓɔɔ ri dũng Laa ka Antakiya ɓɛɛ rɛɛ zang nyaa shonang Laa kagn nɛɛ rɛɛ maalang. Zang keɓe ɓi rɛɛ Baranaba, nɛɛ Simiyon ɓɔɔ zang ɓaa wu nɛɛ “Zang vĩiri” ɓɛɛ. Nɛɛ Lukiyu yɔɔ Kiranɛ, a ɓɔɔ Manaya ɓɔɔ báng ka yeti gãa gbete nɛɛ Hiridu ɓɛɛ, a ɓɔɔ Shaawulu.

Zang Shonang Yeesɔ 14:19

Zang Yahudi ɓɔɔ ri a nɛɛ Antakiya ɓɔɔ ka tipi Pisidiya ɓɛɛ, ɓɔɔ ri ti a nɛɛ Ikoniya. Ri dɔ̃lɔ zang ɓɔɔ ri kpalɛ ɓɛɛ nyaa, a zang ri ta nyaa ɓarɛ, a ri luku Bulu nɛɛ tari. Ri gɔ̃ wu ka tipi ri nwangsɛ wu nɛɛ yeti gari, ri tɔɔ naa vɔ ɓi tɔ.

Zang Shonang Yeesɔ 15:32

Yahuda nɛɛ Siila ɓɔɔ ri doo zang nyaa shonang Laa kɔɔ doori, ri rang zang yee sasak. Yee ɓarɛ mã zang danggn kati.

Zang Shonang Yeesɔ 5:40

Zang ɓɔɔ ri jɛ̃ɛ zang ruu, ri ɓaa shoo ka nyaa Gamaliyel. Ri ɓaa rɛɛ zang shonang Yeesɔ nyaa tɔkn ka yeti gãa. Ri kɔɔ zang nɛɛ zang nyɔ zang shonang Yeesɔ keɓe nɛɛ gbãa. A zang dang ri nyaa, nɛɛ ri rang zang yee tɔ̀ɔ́ nɛɛ nung Yeesɔ kpang. A zang yaa ri, ri daayi.

1 Koranti 2:6

Ruu zi tɔ nɔngkɔ, a ruu kɔɔrɔ zang ɓɔɔ ri zũng danggn tɔ, ruu zũnang Laa doo nɛɛ mani. A zɔ̃̌ng zũnang kaɓa ɓi kaa tɔ̀ɔ́ ɓɔɔ koo jaa knti keɓe kpang. À ɓi ti nɛɛ bìí zang ɓɔɔ ri roo kpanti ka koo keɓe, ɓɔɔ ri shàarɛ́ ɓarɛ katɔ ɓɛɛ kpang.

1 Koranti 3:10

Laa pàlɛ̀ m tɔ̃ɔ ka tĩng, yáa m nɛɛ nkɔ n gaayu shonang kaɓa. N loo doo gãa kaɓa waasɛ̃, naa zang ɓɔɔ zunung gãa mãanang katɔ ɓɛɛ. N loo doo gãa tɔ a zang ɓɔɔ mãa ɓi ka gãa. Zang ɓu wu palɛ waasɛ̃ naa ɓɔɔ wu mãa gãa bìí ɓɛɛ.

Kolosi 1:28

Ka ruu nɔngkɔ, ruu kɔɔ zang piti, ruu Yeesɔ Kirisi. Ruu shaarɛ zang piti nyaa, a ruu ti tusu ri nɛɛ zũnang ɓuru nandon, tɔ̀ɔ ruu atɛ zang ɓu ka tĩng Laa naa zang ɓɔɔ zũng danggn tɔ, ɓɔɔ ɓakɛ yuu tɔ nɛɛ Yeesɔ Kirisi ɓɛɛ.

1 Tesalonika 2:16

Ri ti kãa naa ɓɔɔ ri zãa ruu gbalang ɓɔɔ ruu kɔɔ zang ɓɔɔ ri zang Isirela kpang ruu, ɓɔɔ naa ta yuu ɓarɛ katɔ ɓɛɛ. Vuu kɔ̀ ri palɛ ɓee, kɔ shingnɛ vuu shi kpang ɓɔɔ ri palɛ diki diki ɓɛɛ, ɓèe nyaa kaa kiiri. A kãntang yeti Laa lasɛ tɔ nɛɛ ri, jɛ̃ɛ ri ruu kaa tɔ.

Yahudi 11:37

Zang luku rɛɛ zang ɓɔɔ nɛɛ tari, ri vɔlɔ, a zang ɓɔɔ zang basɛ ri doo paa ziti. Zang nyɔkɔ zang ɓɔɔ nɛɛ yere bang. Zang keɓe ri ɓarɛ zang ɓɔɔ vuu ka naa kpang, ri mã ɓarɛ koo jàa nɛɛ ɓɔɔ mɛ̀ɛrɛ́. Zang dang ri jĩng dɔɔli.

Vuu ɓɔɔ zang nwangsɛ Yɔhana 11:10

Zang koo keɓe ri naa gaarɛ zɔɔ, ri tãa tĩnang ka ruu vɔrɔ zang ziti keɓe. Ri alɛ zɔɔ vuu waati ka ruu ɓɔɔ zang nyaa shonang Laa kaɓa, ri kɔɔ Ruu Laa, ri dang zang ɓɔɔ ri nwalɛ ka koo jĩng dɔɔli ɓɛɛ.