Matiyu 23:26 - Nyaa Shɔɔ Ɓɔɔ Laa a Ɓɛɛ

²⁶ Yɔɔ Farisi kɔ jĩng ringtang ɓi, gaayu nɛɛ yeti juwa, nɛɛ gbanti kɔ sɔɔnang shɔɔnang, tɔɔ dakn ɓarɛ wu pu kaa jong.

Matiyu 23:26 ပူးပေါင်းရင်းမြစ်များ

Matiyu 12:33

“Láa nɛɛ tɔ̃ɔ, ti naa ra jaa ɓi doo tɔ̃ɔ kɔ. Laa nɛɛ shi kpang, ti naa ra jaa ɓi doo shi kpang kɔ. Ka ruu ɓɔɔ, zang zi laa nung ɓi ka jaa ɓɔɔ wu ra ɓɛɛ.

Matiyu 14:8

A nàá jaa dɔ̃lɔ jaa nyaa tɔɔ, jaa wu gàa yuu kporontong Yɔhana ɓɔɔ palɛ zang batizima ɓɛɛ. A jaa naa kɔɔ kpanti Hiridu tɔɔ, “A m yuu kporontong Yɔhana ɓɔɔ palɛ zang batizima, ka yeti pɛntɛng kãntang keɓe.”

Maraku 7:4

Ri nɛɛ gbãayu tɔ nɛɛ lumang, ri shaa vuu shaanang kpang, ri wili bii ɓarɛ ka gbongkarɛ naa ɓɔɔ daa ɓarɛ tùsù ri ɓɛɛ. Ri ti palɛ vuu ɓɔɔgn ɓɔɔ daa ɓarɛ tusu ri dɔɔli. Vuu ɓɔɔ naa rɛɛ waka nɛɛ ɓari nɛɛ gbanti sɔɔnang ɓɛɛ.)

Luka 11:39

A Kpanti Yeesɔ kɔɔ wu tɔɔ, “Ɓɔɔ nɔɔ Farisi, nɔɔ sɔ̀ɔ́ dakn waka nɛɛ dakn gbanti kɔ shɛ̃ɛning, a yeti manɛ ɓi zang mulunang kɔ nɛɛ yeti lanang shɛ̃ɛning.

Luka 6:45

Shɔnzang ɓi doo nɔngkɔ. Zang tɔ̃ɔ nwangsɛ ɓi doo vuu tɔ̃ɔ ɓɔɔ ka yeti ɓiɓɛ kɔ. A zang shi kpang ti nwangsɛ ɓi doo vuu shi kpang ɓɔɔ ka yeti ɓiɓɛ kɔ. Ka ruu ɓɔɔ, vuu ɓɔɔ nwang nɛɛ nyaa shɔnzang piti, a ɓi nɛɛ yeti ɓiɓɛ ɓɛɛ.

2 Koranti 7:1

Rɛɛ masang ɓɔɔ n kasɛ nɔɔ dɔɔli ɓɛɛ, Laa a nyaa keɓe nandon ka ruu ɓuru kɔ. Ka ruu nɔngkɔ, ruu yiti yuu ɓuru tɔ̃ɔ. Ruu yaa vuu piti ɓɔɔ shingnɛ, bii nɛɛ yeti ɓuru nwang shi kpang ka tĩng Laa ɓɛɛ. Ruu a Laa bannang, ruu a wu yuu ɓuru, ruu nwáng kaa zang ɓiɓɛ dɔ̃ɔ gbete.

Yahudi 10:22

Rúu a nɔɔ ta, ka bii Laa nɛɛ yeti tɔ̃ɔ. Ruu yaa gn naa kpang, ka ruu ɓɔɔ, Kirisi sɔɔ yeti ɓuru tɔ kalang kalang, rɛ̃rɛnang shi kpang kagn kpang. A zang ti sɔɔ ruu bii katɔ nɛɛ mii ɓɔɔ kalang kalang ɓɛɛ.

Yakubu 4:8

A ka bii Laa naabm, tɔɔ wu ti a jong ka bii ɓaaɓɛ naabm. Ɓɔɔ nɔɔ zang ɓɔɔ nɔɔ pálɛ̀ vuu shi kpang, nɔɔ yaa vuu shi kpang palɛnang ta. Nɔɔ ti kɔ̃sɔ yeti manɛ nɔɔ zang ɓɔɔ nɔɔ ta yeti ziti ɓɛɛ.