Matiyu 23:13 - Nyaa Shɔɔ Ɓɔɔ Laa a Ɓɛɛ

¹³ “Vuu gn kɔnang kagn yuu manɛ zang ɓɔɔ tusu zang vuu nɛɛ zang Farisi, nɔɔ ɓɔɔ nɔɔ nwãarɛ zang nɛɛ vuu palɛnang ɓɛɛ. Ka ruu ɓɔɔ nɔɔ nɔ̀ɔ́ zang gbalang ɓɔɔ zang zi kagn nɛɛ Laa wukɔ Kpanti ɓɛɛ. Nɔɔ ta wu kpang, a nɔɔ ti yàa zang ɓɔɔ ri kasɛ wu tanang katɔ gbalang kpang ɓɛɛ.

Matiyu 23:13 ပူးပေါင်းရင်းမြစ်များ

Matiyu 23:16

“Vuu gn kɔnang kagn yuu manɛ, zang jĩng ringtang ɓɔɔ tusu zang gbalang ɓɛɛ. Nɔɔ kɔɔyi tɔɔ, ‘Naa zang tũng Laa nɛɛ Gãa Laa, vuu ɓɔɔ ɓi kagn kpang. A naa shɔnzang tũng Laa nɛɛ zinariya ɓɔɔ ka yeti Gãa Laa, wu palɛ vuu ɓɔɔ wu tũng ɓɛɛ ta.’

Matiyu 23:23

“Vuu gn kɔnang kagn yuu manɛ zang ɓɔɔ tusu zang vuu nɛɛ zang Farisi, nɔɔ ɓɔɔ nɔɔ nwãarɛ zang nɛɛ vuu palɛnang ɓɛɛ. Nɔɔ a Kpanti Laa vuu gbete ka yeti kopi vuu ɓɔɔ nɔɔ langkɛ naa rɛɛ zitaa, nɛɛ seteng, a ɓɔɔ yaaji kɔ̃ɔlaa ɓɛɛ katɔ nandon. A nɔɔ dũng ruu bang ɓɔɔ ka yeti labeenang Kpanti Laa ɓɛɛ kpang. Kpanti Laa kasɛ nɛɛ nɔɔ jɛ̃ɛ zang ruu tɔ̃ɔ. Nɛɛ gn zang wu ti kɔng nɔɔ katɔ, nɛɛ nɔɔ ti kɔɔ ruu ɓɔɔ niizang ɓɛɛ. Nɔɔ palɛ vuu keɓe nɛɛ ɓɔɔ nimbang ning.

Matiyu 23:25

“Vuu gn kɔnang kagn yuu manɛ zang ɓɔɔ tusu zang vuu nɛɛ zang Farisi. Nɔɔ ɓɔɔ nɔɔ nwãarɛ zang nɛɛ vuu palɛnang ɓɛɛ. Nɔɔ nwang naa waka, nɛɛ gbanti ɓɔɔ zang sɔɔ dakn biling kɔ shɛ̃ɛning, a yeti ɓiɓɛ tɔ̀ɔ ɓi katɔ ɓɛɛ. Yeti manɛ nwang doo nɔngkɔ. Yeti manɛ ɓi ɓangge nɛɛ yuu kasɛnang kɔ shɛ̃ɛning.

Matiyu 23:27

“Vuu gn kɔnang kagn yuu manɛ zang ɓɔɔ tusu zang vuu, nɛɛ zang Farisi. Nɔɔ ɓɔɔ nɔɔ nwãarɛ zang nɛɛ vuu palɛnang ɓɛɛ. Ka ruu ɓɔɔ nɔɔ, nwang naa, yuu sàa ɓɔɔ zang mãarɛ, zang nwãa kponsi puru ka bii ɓarɛ, tɔ̀ɔ, ri shi kaa nɛɛ biling ɓɛɛ. A yeti ɓarɛ ɓi kaka shɔnzang ɓɔɔ ri vɔlɔ nɛɛ vuu ɓɔɔ pũlu katɔ kɔ shɛ̃ɛning.

Matiyu 23:29

“Vuu gn kɔnang kagn yuu manɛ zang ɓɔɔ tusu zang vuu, nɛɛ zang Farisi. Nɔɔ ɓɔɔ nɔɔ nwãarɛ zang nɛɛ vuu palɛnang ɓɛɛ, ka ruu ɓɔɔ nɔɔ gbarɛ mãanang yuu sàá zang nyaa shonang Kpanti Laa, nɛɛ ɓɔɔ zang ɓɔɔ ri palɛ vuu tɔ̃ɔ.

Matiyu 3:7

Ɓu doo ɓɔɔ Yɔhana zi zang Farisi nɛɛ zang Saduki, ɓɔɔ ri alɛ̀ gaagaa nɛɛ wu naa pàlɛ̀ ri batizima hn ɓɛɛ, hɛ̃ɛ ri nɛɛ, “Rɛɛ pudi keɓe, ɓu wi kɔɔ nɔɔ nɛɛ nɔ́ɔ yúu jĩng dannang ɓɔ̀ɔ́ Kpanti Laa ɓɔɔ a kana naabm wiya?

Luka 11:52

“Jĩng dannang kagn yuu manɛ, zang ɓɔɔ tusu zang labeenang Laa ɓɛɛ. Ka ruu ɓɔɔ, nɔɔ ta zang gbalang Ruu Laa zinang, a nɔɔ ti dũ̀ng gbalang kaɓa kpang ɓɛɛ. Nɔɔ yaa zang ɓɔɔ ri kasɛ daanang katɔ gbalang kpang.”

Yɔhana 9:22

Rɛɛ zang ɓɔɔ yi yɔɔ ri kasɛ nyaa nɔngkɔ, ka ruu ɓɔɔ, ri kaa vɔrɔ zang Yahudi bii katɔ ɓɛɛ. Rɛɛ zang Yahudi ri kɔɔ tɔ nɛɛ, zang ɓɔɔ nɛɛ kɔɔyi nɛɛ, wu kasɛ tɔ nɛɛ Yeesɔ kɔ Kirisi, ri zãa wu gãa zɔɔ kpalɛnang daanang katɔ.

Yɔhana 9:24

Ri ɓaa yɔɔ ɓɔɔ bɛ̀ɛ́ jĩng ringtang nyaa tɔkn, daa kaa doo ziti, a ri kɔɔ wu nɛɛ, “Kɔɔ ruu ɓɔɔ niizang ɓɛɛ, ruu zi ɓuru tɔ, yɔɔ kaɓa ɓi zang ɓɔɔ palɛ vuu shi kpang ɓɛɛ.”

Yɔhana 9:34

Ri kasɛ nyaa tɔɔ, “Ɓɔɔ zang yi mɔkɔ ka yeti vuu shi kpang kirik, mɔɔ nɛɛ mɔɔ tusu rukɔ vuu ya?” Ri hing wu ka biling.

Zang Shonang Yeesɔ 13:8

Yɔɔ ɓɔɔ hɛ̃ɛ paa keɓe zang ɓaa wu nɛɛ Elayima nɛɛ nyaa Heleni, kasɛ nɛɛ wu zãa ri Ruu Laa kɔɔnang katɔ. Kasɛ kpang nɛɛ gɔmna wu shing danggn ka bìí Laa kpang.

Zang Shonang Yeesɔ 5:28

“Ruu dàng nɔɔ nyaa gbãng gbãng nɛɛ nɔɔ tusu zang vuu tɔ̀ɔ́ nɛɛ nung yɔɔ keɓe kpang. Nɔɔ zi vuu ɓɔɔ nɔɔ palɛ ɓɛɛ ta, nɔɔ baa gari Urushalima tɔ nɛɛ vuu ɓɔɔ nɔɔ tusu ɓɛɛ. Nɔɔ kasɛ nɛɛ zang zirɛ nɛɛ rukɔ nyɔ wu vɔrɔ.”

Zang Shonang Yeesɔ 5:40

Zang ɓɔɔ ri jɛ̃ɛ zang ruu, ri ɓaa shoo ka nyaa Gamaliyel. Ri ɓaa rɛɛ zang shonang Yeesɔ nyaa tɔkn ka yeti gãa. Ri kɔɔ zang nɛɛ zang nyɔ zang shonang Yeesɔ keɓe nɛɛ gbãa. A zang dang ri nyaa, nɛɛ ri rang zang yee tɔ̀ɔ́ nɛɛ nung Yeesɔ kpang. A zang yaa ri, ri daayi.

Zang Shonang Yeesɔ 8:1

Shaawulu kasɛ nyaa kagn ka ɓɔɔ zang nyɔ Istifanu vɔrɔ ɓɛɛ. Ka diki kaɓa zang gaayu ɓɔɔ zang dang zang ɓɔɔ ri dũng Laa jĩng ka Urushalima. Zang ɓɔɔ ri shing danggn tɔ, zang tantɛ ri ka tipi Yahudi nɛɛ tipi Samariya nandon. Ɓi rɛɛ zang shonang Yeesɔ kɔ ri nwang ɓarɛ shɛ̃ɛning.

2 Timoti 3:8

Naa ɓɔɔ Jani ri nɛɛ Jambari ri bɛ̃ɛ nyaa Musa ɓɛɛ, zang keɓe ri bɛ̃ɛ ruu ɓɔɔ niizang doo nɔngkɔ. Zang keɓe, yeti ɓarɛ zunung rɛ̃rɛnang kpang. Danggn shinnang ɓarɛ ɓi ɓɔɔ niizang kpang.

2 Timoti 4:15

Gãng jĩng ka wu gbãng gbãng, ka ruu ɓɔɔ, kasɛ vuu ɓɔɔ ruu kɔɔrɔ zang kpang tingkiring ɓɛɛ.