Matiyu 21:31 - Nyaa Shɔɔ Ɓɔɔ Laa a Ɓɛɛ

³¹ A Yeesɔ hɛ̃ɛ ri tɔɔ, “Ka teteng wujɛ ziti kaɓa, zang gbete ɓɔɔ palɛ vuu ɓɔɔ daa ɓarɛ kasɛ, ɓu wiya?” A ri kasɛ wu nyaa tɔɔ, “Jaa ɓiɓɛ ɓɔɔ bang ɓɛɛ.” A Yeesɔ naa risi nyaa kɔɔ ri tɔɔ, “N kɔɔ nɔɔ ruu ɓɔɔ niizang kɔ nwani, zang ɓɔɔ ri ta saka tipi, nɛɛ zang soro ɓɔɔ shing jĩng ka varɛ kãanang, ri yee nɔɔ yuu daanang nɔng ɓɔɔ Laa roo kpanti kana.

Matiyu 21:31 ပူးပေါင်းရင်းမြစ်များ

Matiyu 12:50

Zang piti ɓɔɔ nɛɛ palɛ vuu ɓɔɔ Daa mɛɛ ɓɔɔ ka lapa kasɛ nɛɛ wu palɛ, wukɔ jaa nàá mɛɛ, nɛɛ nàá mɛɛ.”

Matiyu 18:3

A kɔɔ ri tɔɔ, “N kɔɔ nɔɔ ruu ɓɔɔ niizang kɔ nwani, naa nɔɔ risi yuu manɛ, nɔɔ nwang naa wujɛ seseere kpang, nɔɔ naa daa nɔng ɓɔɔ Laa roo kpanti kagn kpang.

Matiyu 20:16

A Yeesɔ naa hangsɛ nyaa kati tɔɔ, “Ka ruu nɔngkɔ, zang doo knti kɔ naa raa zang tĩng. Zang tĩng ri ti raa zang knti.”

Matiyu 21:30

A yɔɔ ti daa kɔɔ jaa ɓiɓɛ ɓɔɔ gbete doo nɔngkɔ, nɛɛ wu daa palɛ shonang ka jaa laa inabi. A jaa kaɓa, kasɛ wu nyaa tɔɔ, ‘N daa ditɔ dada.’ A naa daa kpang.”

Matiyu 5:18

N kɔ̀ɔ́ nɔɔ ruu ɓɔɔ niizang kɔ nwani, lapa nɛɛ tipi ri nɛɛ doogn, vuu gbete ka teteng rɛɛ vuu ɓɔɔ Musa beeyi naa shaarɛ kpang. Ri naa ɓee nyaa ditɔ nandon.

Matiyu 5:46

Naa nɔɔ kàsɛ́ ruu zang ɓɔɔ ri kasɛ ruu manɛ kɔ shɛ̃ɛning, nɔɔ naa walɛ ɓu vi ka bii Kpanti Laa viya? Zang ɓɔɔ ri ta saka tipi, ri palɛ wu nɔngkɔ doori kpang ya?

Matiyu 6:5

“Nɔɔ nɛɛ tɔɔ nɔɔ gaa Laa, nɔ́ɔ palɛ naa zang ɓɔɔ ri nwãarɛ zang nɛɛ vuu palɛnang ɓɔɔ ri palɛ ɓɛɛ kpang. Ri kasɛ Laa gaanang doo paa ka gãa zɔɔ kpalɛnang zang Yahudi, nɛɛ nɔng ɓɔɔ gbabang ɓee zɔɔ, nɛɛ tɔɔ zang zi ri kati. N kɔɔ nɔɔ ruu ɓɔɔ niizang kɔ nwani, zang keɓe ri ta vuu ɓɔɔ Laa nɛɛ a ri tɔ nandon.

Matiyu 7:21

“Wu zang piti ɓɔɔ ri ɓaarɛ m nɛɛ, ‘Kpanti, Kpanti’ kɔ naa daa nɔng ɓɔɔ Laa roo kpanti kpang. Ɓi zang ɓɔɔ ri palɛ vuu ɓɔɔ Daa mɛɛ ɓɔɔ ka lapa kasɛ ɓɛɛ kɔ, ri daayi.

Matiyu 9:9

Yeesɔ seepaa tɔ, daa kana gbalang, a zi yɔɔ ɓɔɔ zang ɓaa nɛɛ Matiyu nwang tɔ ki yeti jaka saka tipi tanang. A Yeesɔ ɓaa wu nyaa, kɔɔ wu tɔɔ, “Dũng m ta.” A Matiyu seepaa dũng Yeesɔ Kati.

Luka 15:10

A Yeesɔ naa hangsɛ nyaa kaa tɔɔ, ‘Zang nyaa shonang Laa ɓɔɔ ri ka lapa, ri tãa tĩnang doo nɔngkɔ, ka ruu zang gbete ɓɔɔ palɛ vuu shi kpang, ɓɔɔ yaa vuu shi kpang ɓiɓɛ a kɔ̃sɔ yeti ɓiɓɛ ɓɛɛ.’ ”

Luka 19:22

“A dabang gãa ɓarɛ kasɛ wu nyaa tɔɔ, ‘Mɔɔ zang shonang ɓɔɔ shi kpang ɓɛɛ, n dɔng mɔɔ ruu doo nɛɛ yee ɓɔɔ nyaa ɓaaɓɛ kɔɔ ɓɛɛ kɔ. Mɔɔ zi tɔ nɛɛ n kpãa nyaa katɔ, n tuu vuu ɓɔɔ wu ɓɔɔ mɛɛ kpang, n ti yee vuu m ka nɔng ɓɔɔ nkɔ ɓaayi kpang ɓɛɛ.

Luka 7:29

Zang ɓɔɔ ri kpalɛ zɔɔ piti, nɛɛ ɓɔɔ ri ta saka tipi, ri tãa ruu keɓe. Ri dɔɔ Laa ka ruu ɓɔɔ Yɔhana palɛ ri batizima ɓɛɛ.

Yɔhana 3:3

Yeesɔ kasɛ wu nyaa tɔɔ, “N kɔ̀ɔ́ mɔɔ ruu ɓɔɔ niizang kɔ nwani, naa zang yi mɔɔ tɔkn kpang, mɔɔ daa nɔng ɓɔɔ Laa naa roo kpanti kpang.”

Yɔhana 3:5

Yeesɔ kɔɔ wu tɔɔ, “N kɔ̀ɔ́ mɔɔ ruu ɓɔɔ niizang kɔ nwani, naa zang yi zang nɛɛ mii, a ɓɔɔ nɛɛ bii Suru Laa kpang, zang keɓe daa nɔng ɓɔɔ Laa naa roo kpanti ɓi kpang.

Zang Shonang Yeesɔ 17:30

Rɛɛ sáa ɓɔɔ bɛ̀ɛ́ nɔɔ zi vuu ɓɔɔ kagn kpang, Laa gã̀ ɓi takpang. Ɓɔɔ kãntang keɓe, Laa dang zang nyaa ka niya nandon, nɛɛ ri kɔ̃sɔ yeti ɓarɛ.

Rooma 3:19

Ruu zi ɓuru tɔ nɛɛ, vuu ɓɔɔ zang bèe ka yeti nyaa ɓɔɔ Laa dangnɛ, ɓi ɓɔ̀ɔ́ zang ɓɔɔ ri dũng ɓarɛ nyaa dannang keɓe ɓɛɛ. Tɔ̀ɔ, wu zãa shɔnzang nandon nyaa jãanang kati. Tɔ̀ɔ, wu shingnɛ Laa wu naa jɛ̃ɛ zang koo nandon ruu kati.

Rooma 5:20

Laa átɛ̀ nyaa dannang ɓiɓɛ nɛɛ tɔɔ, vuu shi kpang palɛnang wu shangnɛ. A ka nɔng ɓɔɔ vuu shi kpang shang dɔɔli, Laa palɛ tɔ̃ɔ ka nɔngkɔ gbãng gbãng.

2 Bituru 3:9

Zang ɓɔɔ ri kɔɔyi nɛɛ Laa sùu zang kãng dɔɔli, pálɛ̀ vuu ɓɔɔ wu kɔɔyi nɛɛ wu palɛ ɓɛɛ kpang. Ɓi nɔngkɔ kpang, Laa mã ɓi danggn kɔ jong nɛɛ nɔɔ. Laa yaa zang ɓi gbalang nɛɛ, wu yaa vuu shi kpang ɓɔɔ wu palɛ ɓɛɛ. Kasɛ kpang nɛɛ zang ɓɔɔ wu shaarɛ kpang, kasɛ nɛɛ zang piti ri kɔ̃sɔ yeti, ri yaa vuu shi kpang ɓɔɔ ri palɛ ɓɛɛ.