Matiyu 21:21 - Nyaa Shɔɔ Ɓɔɔ Laa a Ɓɛɛ

²¹ A Yeesɔ kasɛ ri nyaa tɔɔ, “N kɔ̀ɔ́ nɔɔ ruu ɓɔɔ niizang kɔ nwani, naa nɔɔ shing danggn ka bii mɛɛ, nɔɔ yaa danggn naa kpang, nɔɔ palɛ wu vuu kɔ n palɛ laa sĩiri ɓee kɔ shɛ̃ɛning kpang. Nɔɔ zunung ɓɔɔ nɔɔ kɔɔ kɔpɔ keɓe katɔ nɛɛ, ‘Rúu ta nɛɛ bii ɓaaɓɛ, mɔɔ daa watɛ ka mii waapo.’ Ti palɛ katɔ nɔngkɔ.

Matiyu 21:21 ပူးပေါင်းရင်းမြစ်များ

Matiyu 14:29

A Yeesɔ kɔɔ Bituru tɔɔ, “A ta.” A Bituru seepaa nɛɛ yeti tonsi, ra ka yuu paa mii, daa kana bii Yeesɔ.

Matiyu 17:20

A Yeesɔ kasɛ ri nyaa tɔɔ, “Ka ruu ɓɔɔ, nɔɔ shing danggn ka bii Laa rɛ̃rɛkɛ ɓɛɛ. N kɔɔ nɔɔ ruu ɓɔɔ niizang kɔ nwani, naa danggn ɓɔɔ nɔɔ shing ka bii Laa nɛɛ kagn tɔkɔlɔng naa jĩng vuu ɓɔɔ zang ɓaa nɛɛ masita, nɔɔ nɛ̀ɛ́ kɔɔ kɔpɔ keɓe katɔ, nɛɛ ‘Wɔɔ ta nɛɛ nihn, mɔɔ daa kaaɓa,’ nɛ̀ɛ́ ti wɔɔ katɔ. Vuu ɓɔɔ nɛɛ ɓa nɔɔ yuu palɛnang kagn kpang.”

Matiyu 21:20

Ɓɔɔ zang ɓɔɔ ri mantɛ vuu ka bii ɓiɓɛ ri zi naa weɓe, ri mã naa ka danggn. Ri tɔɔ, “Laa sĩiri tɔɔrɔ bɛ̀ɛ́ tantɛnang viya?”

Matiyu 8:12

A zang naa nwangsɛ kaa zang ɓɔɔ ri shing danggn nɛɛ rikɔ naa daa ka nɔng ɓɔɔ Laa roo Kpanti ɓɛɛ jong, zang tasɛ ri ka nɔng ɓɔɔ tɔ̀ɔ katɔ ɓɛɛ. Ka nɔng ɓɔɔ ri naa kaayi ri ti shaa nyaa kagn kpaaka, kpaaka ɓɛɛ.”

1 Koranti 13:2

Naa Laa a m naa vuu palɛnang, naa ɓɔɔ n kɔɔrɔ vuu ɓɔɔ Laa tusu m ɓɛɛ. Naa n ti zi vuu piti. Vuu ɓɔɔ Laa waasɛ katɔ ka yuu ɓiɓɛ n ti zi tɔ jong. Naa Laa a m dòo zɔ̃ng danggn shinnang ɓɔɔ naa n zunung katɔ, n kɔɔ kɔpɔ wu dɔ̃sɔ ka nɔng ɓɔɔgn. Naa n kasɛ zang kpang, n m vuu ɓɔɔ kpang tingkiring.

Yakubu 1:6

Zang ɓɔɔ nɛɛ gaa vuu ka naa Laa, wu shing gn gbãng gbãng nɛɛ Laa a wu katɔ. Wu yaa gn naa kpang, ka ruu ɓɔɔ, zang ɓɔɔ gaa vuu yaa gn naa katɔ, nwang ɓi naa mii waapo ɓɔɔ gɔnsɔ zɔɔ a jasung ti rãa wu ɓɛɛ.