Matiyu 21:19 - Nyaa Shɔɔ Ɓɔɔ Laa a Ɓɛɛ

¹⁹ A zi laa sĩiri ka nyaa gbalang naabm, a daa ka doo ɓiɓɛ. A sĩiri ra jaa ka laa kpang. Zi gɔpɔ kɔ shɛ̃ɛning. A kù laa sĩiri nyaa ka bii tɔɔ, “Mɔɔ ra jaa takpang dòndòng.” A laa sĩiri naa tantɛ kaa tɔɔrɔnang.

Matiyu 21:19 ပူးပေါင်းရင်းမြစ်များ

Matiyu 21:20

Ɓɔɔ zang ɓɔɔ ri mantɛ vuu ka bii ɓiɓɛ ri zi naa weɓe, ri mã naa ka danggn. Ri tɔɔ, “Laa sĩiri tɔɔrɔ bɛ̀ɛ́ tantɛnang viya?”

Maraku 11:14

A ku laa sĩiri nyaa ka bii tɔɔ, “Zang wu naa walɛ jĩng laa ka bii ɓaaɓɛ tɔkn kpang.” A zang ɓɔɔ ri mantɛ vuu ka bii ɓiɓɛ ri tãa vuu ɓɔɔ wu kɔɔ kati.

Maraku 11:20

Nɔng naa gãntɛ tɔ, ri gbãayu kana, a ri zi laa sĩiri ɓɔɔ Yeesɔ ku wu nyaa ka bii, vɔ tɔ nɛɛ yuu paa daa ka dĩiri ɓiɓɛ nandon.

Luka 3:9

Kãntang keɓe zang ɓaa nyaa kãasãng tɔ ka dimbang laa nandon. Laa ɓɔɔ nɛɛ ra jaa ɓɔɔ shi kpang, Zang dɔngnɛ, zang tasɛ ka yeti waa.”

Yɔhana 15:2

Nasãng mɛɛ ɓɔɔ nɛɛ ra jaa kpang, Daa mɛɛ dɔng katɔ. Nasãng ɓɔɔ nɛɛ ra jaa katɔ, kpɛ̃lɛ bii ɓiɓɛ katɔ, tɔ̀ɔ, wu gisi jaa ránang kaa dɔɔli.

Yɔhana 15:6

Zang ɓɔɔ nɛɛ nwang nɛɛ n kpang, zang kaɓa nwang naa nasãng ɓɔɔ zang tásɛ̀, wu tɔɔrɔ ɓɛɛ. Zang kpalɛ nasãng ɓɔɔ naa weɓe zang vang ka waa, waa wu shaa ri.

2 Timoti 3:5

Ri naa palɛ bii mɔɔ kɔ̀ɔ́ nɛɛ ri dṹng Laa nɛɛ yeti gbete, a nwannang ɓarɛ tusu ɓi nɛɛ ri dũng Laa kpang tingkiring. Ruu ɓaaɓɛ wu hãa kagn nɛɛ rɛɛ zɔ̃ng zang keɓe kpang.

Titu 1:16

Ri kɔ̀ɔ́ ɓarɛ nɛɛ ri zi Laa tɔ, a vuu ɓɔɔ ri palɛ tusu kaa nɛɛ ri zi Laa nung kpang. Ri ɓarɛ vuu ɓɔɔ zang bɛ̃ɛ katɔ ɓɛɛ, ri ɓaa shoo ka nyaa zang kpang, ri daa naa vuu tɔ̃ɔ palɛnang ɓarɛ kpang tingkiring.

Yahuza 1:12

Ri nwàng ɓarɛ naa vuu rĩiti, ka teteng manɛ ka nɔng ɓɔɔ nɔɔ shaa vuu shaanang ɓɔɔ nɔɔ tusu zɔɔ nɛɛ nɔɔ kasɛ zɔɔ katɔ ɓɛɛ. Ri lasɛ nɔɔ nɔng nɛɛ vuu ɓɔɔ ri palɛ yusɛ̃ɛ tuu ri kpang ɓɛɛ. Ri gãng jĩng ɓarɛ ka yuu ɓarɛ kɔ shɛ̃ɛning. Ri ɓarɛ naa sãmbong ɓɔɔ mii kagn kpang, jasung rãayi ɓɛɛ. Ri ɓarɛ naa laa ɓɔɔ ra jaa kpang, naa doo nɛɛ guusi ɓɛɛ. Ri nwàng naa laa ɓɔɔ zang ru katɔ nɛɛ dĩiri, a vɔ dɔ̃ɔ gbete ɓɛɛ.

Vuu ɓɔɔ zang nwangsɛ Yɔhana 22:11

Zang ɓɔɔ palɛ vuu shi kpang, wu yaa palɛnang kpang, zang ɓɔɔ palɛ vuu sãnsãnrãng, wu yaa palɛnang kpang. Ɓɔɔ zang ɓɔɔ zang tɔ̃ɔ ka tĩng Laa ɓɛɛ, wu yi tĩng ɓi nɛɛ tɔ̃ɔ palɛnang. Zang ɓɔɔ ɓi ti zang Laa, wu yaa Laa dũnnang kpang.”