Matiyu 21:15 - Nyaa Shɔɔ Ɓɔɔ Laa a Ɓɛɛ

¹⁵ Ɓɔɔ zang bang bang zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, ri zi vuu ɓɔɔ zang zirɛ zang mã naa ka danggn ɓɔɔ Yeesɔ palɛ naa weɓe, nɛɛ nyaa ɓɔɔ wujɛ goo ka Gãa Laa nɛɛ, “Zang wu dɔɔ Jaa Dawuda,” gnvɔ shaa ri dɔɔli.

Matiyu 21:15 ပူးပေါင်းရင်းမြစ်များ

Matiyu 20:24

Ɓɔɔ zang ɓɔɔ ri mantɛ vuu ka bii Yeesɔ ɓɔɔ yaa kopi, tãa naa weɓe, gnvɔ shàa ri nɛɛ rɛɛ Yakubu nɛɛ Yɔhana dɔɔli.

Matiyu 21:23

A Yeesɔ naa daa tɔkn yeti Gãa Laa. Tusu zang vuu kana, a zang bang bang zang ɓɔɔ ri dɔɔ vuu ka Gãa Laa nɛɛ zang bang bang zang Yahudi, ri a ka bii ɓiɓɛ. Ri hɛ̃ɛ wu tɔɔ, “Mɔɔ walɛ naa vuu palɛnang keɓe ka niya? Ɓu wi, a mɔɔ naa vuu keɓe palɛnang wiya?”

Matiyu 21:9

Zang dɔɔli ɓɔɔ ri ka tĩng Yeesɔ, a ɓɔɔ ri ti ka knti ɓiɓɛ, ri mɛɛrɛ nyaa kana nɛɛ, “Zang wu dɔɔ Jaa Dawuda ta. Laa wu a zang ɓɔɔ a nɛɛ nung ɓiɓɛ tĩnang tãanang. Zang wu ti dɔɔ Kpanti Laa ta.”

Matiyu 22:42

“Nɔɔ kɔɔ ɓu nɛɛ Kirisi, zang ɓɔɔ naa a ɓɛɛ ɓu wiya? Ɓu jaa zɔ̃ng wiya?” A ri kasɛ wu nyaa tɔɔ, “Jaa zɔ̃ng Dawuda.”

Matiyu 26:3

Zang bang bang zang ɓɔɔ ri dɔɔ vuu ka Gãa Laa, nɛɛ zang bang bang zang Yahudi ri kpalɛ zɔɔ ka yeti gãa Kayifa, Kpanti zang ɓɔɔ ri dɔɔ vuu ka Gãa Laa.

Matiyu 26:59

A zang bang bang zang ɓɔɔ ri dɔɔ vuu ka Gãa Laa, nɛɛ rɛɛ zang dɔɔli ɓɔɔ ri doo zang ruu jɛ̃ɛnang kɔ, ri kãa gbalang ɓɔɔ ri zɛ̃ɛ wu nyaa, tɔ̀ɔ ri nyɔ wu kati ɓɛɛ.

Matiyu 27:1

Nɔng naa gãntɛ tɔ, a zang bang bang zang ɓɔɔ ri dɔɔ vuu ka Gãa Laa nɛɛ zang bang bang zang Yahudi ri tɔ̀ng zɔɔ kaa naa ɓɔɔ ri naa nyɔ Yeesɔ ɓɛɛ.

Matiyu 27:20

A zang bang bang zang ɓɔɔ ri dɔɔ vuu ka Gãa Laa, nɛɛ zang bang bang zang Yahudi ri dɔ̃lɔ zang dɔɔli nyaa nɛɛ ri kɔɔ Bilatu nɛɛ wu yaa Baraba kɔ naa, wu nyɔ Yeesɔ.

Matiyu 9:27

Yeesɔ seepaa tɔ, daa kana gbalang, a zang jĩng ringtang ziti ri dũuru wu ka knti. Ri ti mɛɛrɛ nyaa kana nɛɛ, “Jaa zɔ̃ng Dawuda gn ɓuru wu kɔng mɔɔ jong.”

Maraku 11:18

A zang bang bang zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, ri tãayi, a ri gaa tɔɔsung gbalang ɓɔɔ ri naa nyɔ wu vɔrɔ ɓɛɛ kãanang kati. Ri kaa vɔrɔ Yeesɔ ka ruu ɓɔɔ, zang ɓɔɔ ri kpalɛ zɔɔ piti, ri mã naa ka danggn, ka ruu vuu ɓɔɔ wu tusu ɓɛɛ.

Luka 20:1

Diki ɓɔɔgn Yeesɔ tusu zang vuu, a ti kɔɔ zang Ruu Tɔ̃ɔ Laa ka Gãa Laa, a rɛɛ zang bang bang zang ɓɔɔ ri dɔɔ vuu ka Gãa Laa, nɛɛ rɛɛ zang ɓɔɔ ri zi labeenang Laa dɔɔli ɓɛɛ, nɛɛ rɛɛ zang bang bang, ri a ka bii ɓiɓɛ.

Luka 22:2

Rɛɛ kpanti zang ɓɔɔ ri dɔɔ vuu ka Gãa Laa, nɛɛ rɛɛ zang ɓɔɔ ri tusu zang labeenang Laa, ri kãa gbalang ɓɔɔ nɛɛ ri nyɔ wu vɔrɔ nɛɛ nwĩiri ɓɛɛ. Ka ruu ɓɔɔ, ri kaa vɔrɔ zang ɓɛɛ.

Luka 22:66

Nɔng naa gãntɛ tɔ, a rɛɛ zang bang Yahudi nɛɛ zang bang bang zang ɓɔɔ ri dɔɔ vuu ka Gãa Laa, nɛɛ rɛɛ zang ɓɔɔ tusu zang labeenang Laa ɓɛɛ, ri kpalɛ zɔɔ, a zang atɛ Yeesɔ kati.

Yɔhana 11:57

Rɛɛ zang bang bang zang ɓɔɔ ri dɔɔ vuu ka Gãa Laa nɛɛ rɛɛ zang Farisi, ri kɔɔ zang nɛɛ, zang ɓɔɔ nɛɛ zi nɔng ɓɔɔ Yeesɔ kagn tɔ, wu naa kɔɔ ri, ri daa yi wu.

Yɔhana 12:19

A zang Farisi ri kɔ̀ɔrɔ̀ zɔɔ nɛɛ, “Rùu pálɛ̀ vuu ɓɔɔgn kpang tingkiring. Nɔɔ zirɛ, zang koo nandon ri daa tɔ ka bii ɓiɓɛ.”

Yɔhana 4:1

Yeesɔ zirɛ nɛɛ zang Farisi ri tãa nyaa tɔ, nɛɛ wu walɛ zang ɓɔɔ ri mantɛ vuu ka bii ɓiɓɛ tɔ dɔɔli, nɛɛ wu ti pàlɛ́ zang batizima kana dɔɔli ɓa ɓɔɔ Yɔhana palɛ ɓɛɛ katɔ.

Yɔhana 7:42

Labeenang Laa kɔ̀ɔyi tɔɔ, Kirisi naa nwang ɓi nɛɛ teteng zɔ̃ng kpanti Dawuda, nɛɛ zang ti naa yi Kirisi ka Bɛtalami, gari ɓɔɔ Dawuda nwáng kagn ɓɛɛ.”