Matiyu 20:26 - Nyaa Shɔɔ Ɓɔɔ Laa a Ɓɛɛ

²⁶ A ɓɔɔ manɛ ɓi nɔngkɔ kpang. Shɔnzang ɓɔɔ kasɛ nɛɛ wu nwang zang bang ka teteng manɛ piti, wukɔ wu nwang zang shonang jong.

Matiyu 20:26 ပူးပေါင်းရင်းမြစ်များ

Matiyu 20:27

Shɔnzang ɓɔɔ ti kasɛ nɛɛ wu naa nwang ka tĩng, wukɔ wu nwang jaafoo manɛ jong.

Matiyu 25:44

“A ri naa kasɛ wu nyaa doo nɔngkɔ nɛɛ, ‘Kpanti Laa, ruu zi mɔɔ gn vi nyɔkɔ nyɔ mɔɔ katɔ, sutu mãa mɔɔ, bii ɓaaɓɛ ti waati, a ruu yi mɔɔ naa ka bii kpang viya? Mɔɔ ti a zanti gn vi, a ruu ta mɔɔ ka gãa ɓuru kpang viya? Kɔnang ti palɛ mɔɔ gn vi, ruu ti zi mɔɔ gn vi ka sãa a ruu lengke jĩng ka mɔɔ kpang viya?’

Matiyu 27:55

Zang soro ɓɔɔ ri yìkí Yeesɔ naa ka bii, ka diki kaɓa, ɓɔɔ ri dũuru wu nɛɛ Galili, ri kagn ka nɔngkɔ gaagaa. Ri shii nɛɛ nɔng beebang ri pɛ̃ɛrɛ vuu ɓɔɔ zang palɛ ɓɛɛ.

Maraku 10:43

Ɓɔɔ manɛ ɓi nɔngkɔ kpang. Zang ɓɔɔ kasɛ nɛɛ wu nwang zang bang ka teteng manɛ, wukɔ wu nwáng zang ɓɔɔ pàlɛ́ nɔɔ shonang ɓɛɛ jong.

Maraku 10:45

Ka ruu ɓɔɔ, Jaa Shɔnzang àrɛ́ nɛɛ zang shòng wukɔ shonang kpang, àrɛ́ nɛɛ wu shong zang katɔ kɔ jong. Wu ti mã̀lɛ̀ yuu ɓiɓɛ, ka ruu zang dɔɔli nɛɛ tɔ̀ɔ, wu ta yuu ɓarɛ kati.”

Maraku 9:35

A Yeesɔ nwang ka tipi, kɔɔ zang ɓɔɔ ri mantɛ vuu ka bii ɓiɓɛ kopi tu ziti tɔɔ, “Zang ɓɔɔ kasɛ nɛɛ wu nwang zang bang, wukɔ wu risi yuu ɓiɓɛ naa zang wujaa ɓɔɔ palɛ zang shonang jong.”

Luka 18:14

N kɔ̀ɔ́ nɔɔ, yɔɔ ɓɔɔ ta saka tipi keɓe gbãayu daa gãa ɓiɓɛ, Laa yaa wu gbalang vuu shi kpang ɓiɓɛ tɔ, wu náa yɔɔ Farisi kaɓa kpang. Ka ruu nɔngkɔ, zang piti ɓɔɔ nɛɛ tusu nɛɛ wu ɓa zang piti, zang naa sɔɔrɔ wukɔ yuu jong ka dii. Zang ɓɔɔ sɔɔrɔ yuu ka dii, zang naa a wukɔ bannang jong.”

Luka 22:26

Ɓɔɔ manɛ ɓi nɔngkɔ kpang. Zang ɓɔɔ wukɔ bang ka teteng manɛ, wukɔ wu nwáng naa zang wujaa ɓɔɔ shong nɔɔ ɓɛɛ.

Yɔhana 18:36

Yeesɔ kɔɔyi tɔɔ, “Kpanti roonang mɛɛ nwáng ɓi nɛɛ koo keɓe kpang. Naa kpanti roonang mɛɛ nɛɛ ɓɔɔ koo keɓe, zang mɛɛ ri nɛɛ gáa nyaa kana. Zang nɛɛ á zang bang bang Yahudi n kpang. Kpanti roonang mɛɛ nwáng ɓi nɛɛ koo keɓe kpang.”

Zang Shonang Yeesɔ 13:5

Ri a tɔ ka Salami, a ri kɔɔrɔ zang Ruu Laa ka gãa zɔɔ kpalɛnang. Yɔhana ɓɔɔ zang ɓaa wu nɛɛ Maraku nɛɛ ri ning, yì ri naa ka shonang.

2 Koranti 1:24

Wu ka ruu ɓɔɔ ruu nɛɛ, rukɔ rúu tusu nɔɔ vuu ɓɔɔ nɔɔ shing danggn kagn ɓɛɛ kpang. Ruu zi tɔ, nɔɔ shii tɔ gbãng gbãng, ka danggn ɓɔɔ nɔɔ shing ɓɛɛ. Ruu palɛ shonang ɓuru nɛɛ nɔɔ, tɔ̀ɔ, nɔ́ɔ tãa tĩnang kati kɔ jong.

2 Timoti 1:18

Kpanti Yeesɔ wu palɛ wu tɔ̃ɔ ka diki ɓɔɔ koo waa nyaa ɓɛɛ. Mɔɔ ti zì vuu ɓɔɔ wu pàlɛ̀ m ka Afisa ɓɛɛ tɔ gbayi gbayi.

Filimon 1:13

Bɛ̀ɛ́ n kasɛ n tɔɔ wu nwang nɛɛ n ka nihn, wu pàlɛ̀ m shonang ka nung ɓɔɔ mɔɔ nɛɛ pàlɛ̀ m ɓɛɛ. Ka wee n nwang ka sãa ka ruu Ruu Tɔ̃ɔ Laa ɓɔɔ n kɔɔrɔ ɓɛɛ ɓee.

Yahudi 1:14

Ka ruu nɔngkɔ zang nyaa shonang Laa ɓɔɔ ri ka lapa, ri ɓarɛ zang ɓɔɔ ri pàlɛ́ Laa shonang ɓɛɛ waati. Laa shong ri, nɛɛ ri yi rɛɛ zang ɓɔɔ wu naa ta yuu ɓarɛ naa ka bii.

1 Bituru 4:11

Zang ɓɔɔ Laa nɛɛ a wu naa yee rannang, wu rang yee ɓɔɔ a nɛɛ bii Laa ɓɛɛ. Zang ɓɔɔ nɛɛ zunung ɓɔɔ wu shǒng zang katɔ, wu shong nɛɛ kaka ɓɔɔ Laa a wu piti. Nɔɔ palɛ nɔngkɔ tɔ̀ɔ, zang ri dɔɔ Laa ka ruu vuu piti, ka ruu Yeesɔ Kirisi. Bannang nɛɛ naa vuu palɛnang ɓi ɓɔɔ ɓiɓɛ kɔ dòndòng. Nɔngkɔ.

1 Bituru 5:3

Nɔ́ɔ pálɛ̀ zang ɓɔɔ Laa a nɔɔ ri ka naa, nɛɛ nɔ́ɔ gãng jĩng ka ri nɛɛ kaka kpang. Nɔɔ nwang nwannang ɓɔɔ ri zirɛ, ri dũng ɓɛɛ kɔ jong.

Vuu ɓɔɔ zang nwangsɛ Yɔhana 17:6

A n zirɛ jaa soro bìí, ɓoo zĩi rɛɛ zang Laa ɓɔɔ zang nyɔkɔ ri vɔrɔ ka ruu ɓɔɔ ri kɔɔyi nɛɛ Yeesɔ kɔ Kpanti ɓarɛ ɓɛɛ, a zĩi ɓarɛ si wu kana. Ɓɔɔ n zi jaa soro kaɓa, n mã naa ka danggn.