Matiyu 20:22 - Nyaa Shɔɔ Ɓɔɔ Laa a Ɓɛɛ

²² A Yeesɔ kɔɔ rɛɛ Yakubu nɛɛ Yɔhana tɔɔ, “Nɔɔ zi vuu ɓɔɔ nɔɔ gaa kpang. Nɔɔ naa zunung jĩng dannang katɔ jong naa ɓɔɔ n naa dang ɓɛɛ ya?” A ri kasɛ Yeesɔ nyaa tɔɔ, “Ruu zunung katɔ.”

Matiyu 20:22 ပူးပေါင်းရင်းမြစ်များ

Matiyu 26:35

Bituru ti kɔɔ Yeesɔ tɔkn, tɔɔ, “Naa zang tɔɔ zang nyɔ m doo katɔ nɛɛ mɔɔ ning piti, n laa nyaa ɓaaɓɛ m kpang.” Zang ɓɔɔ ri mantɛ vuu ka bii Yeesɔ ɓɔɔ, ri ti kɔɔ doo nɔngkɔ nandon.

Matiyu 26:39

Yeesɔ daa tɔ ka tĩng tɔkɔlɔng, a zuu kaa nɛɛ buru ka tipi, a gaa Kpanti Laa tɔɔ, “Daa mɛɛ, gbalang nɛɛ kagn, kɔsɔ m jĩng dannang keɓe katɔ. Palɛ vuu ɓɔɔ yeti ɓaaɓɛ kasɛ ɓɛɛ, wu vuu ɓɔɔ yeti mɛɛ kasɛ ɓɛɛ kpang.”

Matiyu 26:42

A Yeesɔ ti paarɛ tɔkn, daa gaa Kpanti Laa tɔɔ, “Daa mɛɛ, mɔɔ nɛɛ tɔɔ jĩng dannang keɓe wu ɓa kpang, n dàng katɔ, wu ti nwang naa ɓɔɔ mɔɔ kasɛ ɓɛɛ.”

Matiyu 26:56

Vuu kɔ zang palɛ ɓée, ɓee ɓi kaa nyaa vuu ɓɔɔ rɛɛ zang nyaa shonang Laa ri bèe ka yeti labeenang Laa ka tĩng tɛ̃ɛ tɛ̃ɛ ɓɛɛ.” A zang ɓɔɔ ri mantɛ vuu ka bii ɓiɓɛ, ri yuku nandon ri yaa wu.

Maraku 14:36

A gaa Laa tɔɔ, “Daa mɛɛ, vuu ɓɔɔ kpãa mɔɔ ɓaa kagn gbete kpang. Kɔsɔ m jĩng dannang keɓe katɔ. Wu vuu ɓɔɔ yeti mɛɛ kasɛ ɓɛɛ kpang, palɛ ɓaa vuu ɓɔɔ yeti ɓaaɓɛ kasɛ ɓɛɛ.”

Luka 12:50

Jĩng dannang naa ɓa m yuu naa ɓɔɔ zang hãa zang ka mii batizima ɓɛɛ.

Luka 22:42

“Daa mɛɛ, mɔɔ nɛɛ kasɛ tɔ, kɔsɔ m jĩng dannang keɓe jong. Palɛ vuu ɓɔɔ mɔɔ kasɛ ɓɛɛ, wu vuu ɓɔɔ n kasɛ ɓɛɛ kpang.”

Yɔhana 18:11

Yeesɔ kɔɔ Bituru nɛɛ, “Hãa yere bang ɓaaɓɛ ta ka kpãa ka nɔng, mɔɔ kɔ̀ɔ ɓu nɛɛ n tà jĩng dannang ɓɔɔ Daa mɛɛ nɛɛ n dàng ɓɛɛ kpang ya?”

Rooma 8:26

Suru Laa, a doo nɔngkɔ, wu yi ruu naa ka bii, wee ruu lakɛ naa ka bii kpang ɓee. Ka ruu ɓɔɔ, ruu zunung ɓɔɔ ruu gàá Laa tɔ̃ɔ tɔ̃ɔ kpang ɓɛɛ. Suru Laa kɔ bàkɛ́ Ruu Laa nɛɛ junang ɓɔɔ nyaa zunung kɔɔnang kpang ɓɛɛ.

Yakubu 4:3

Nɔɔ nɛɛ ti gaa tɔ, a nɔɔ kpang, ka ruu ɓɔɔ, nɔɔ gàa ka gbalang shi kpang ɓɛɛ. Tɔ̀ɔ, nɔ́ɔ daa vãlɛ ka nɔng vuu ɓɔɔ nɔɔ kasɛ ɓɛɛ.