Matiyu 20:20 - Nyaa Shɔɔ Ɓɔɔ Laa a Ɓɛɛ

²⁰ A soro Zebedi nɛɛ, wujɛ ɓiɓɛ ɓɔɔ varɛ, naa tang ka tĩng Yeesɔ, a gaa vuu ka naa ɓiɓɛ.

Matiyu 20:20 ပူးပေါင်းရင်းမြစ်များ

Matiyu 10:2

Zang kopi tu ziti ɓɔɔ Yeesɔ shong ri, zang ɓaa nung ɓarɛ nɛɛ, Siman ɓɔɔ zang ti ɓaa wu nɛɛ Bituru ɓɛɛ. Wukɔ tĩng shɔɔnang, nɛɛ jaa niiɓɛ Anduru, a ɓɔɔ Yakub jaa Zebedi nɛɛ jaa niiɓɛ Yɔhana,

Matiyu 14:33

Zang ɓɔɔ ka yeti tonsi dɔ̀ɔ Yeesɔ kati. Ri tɔɔ, “Mɔɔ Jaa Laa kɔ niizang.”

Matiyu 15:25

A jaa soro kaɓa, arɛ naa tang nɛɛ gutu ka tĩng ɓiɓɛ, a gaa wu tɔɔ, “Kpanti, yi m naa jong bii.”

Matiyu 2:11

A ri a ka yeti gãa, ri naa zi jaa rɛ̃ɛting kaa nɛɛ niiɓɛ Marayamu. A ri tang nɛɛ gutu, ri bang wu. Ri puu nyaa duku ɓarɛ, ri see saka ɓɔɔ kɔlɔ katɔ, ɓɔɔ zang ɓáa nɛɛ zinariya, nɛɛ nung ɓɔɔ a sɛ̃ɛ tɔ̃ɔ ɓɛɛ, a ɓɔɔ nung ɓɔɔ zang ɓáa nɛɛ muru ɓɛɛ, ri a jaa. Ri tɔɔ, ri gbãayu kaa tɔ,

Matiyu 27:56

Ka teteng zang soro kaɓa, Marayamu Magadaliya nɛɛ Marayamu nàá rɛɛ Yakub nɛɛ Yusufu, a ɓɔɔ nàá rɛɛ wujɛ Zebedi ri kagn.

Matiyu 28:17

Ri daa ĩi wu, a ri báng wu. A zang ɓɔɔ ri, zi kpang nɛɛ wukɔ niizang kpang.

Matiyu 4:21

Nɛɛ tɔɔ wu daa ka tĩng tɔkɔlɔng, ti zi zang ɓɔɔgn ziti tɔkn nɛɛ daa ɓarɛ. Yakub nɛɛ jaa niiɓɛ Yɔhana, a ɓɔɔ daa ɓarɛ Zebedi ka yeti tonsi, ri palɛ jang jaazĩi ɓarɛ. A Yeesɔ ɓaa Yakubu nɛɛ Yɔhana nyaa.

Matiyu 8:2

A zang ɓɔɔ vuu bii shaa katɔ, arɛ naa tang nɛɛ gutu ka tĩng ɓiɓɛ, a kɔɔ wu tɔɔ, “Kpanti, mɔɔ nɛɛ kasɛ katɔ mɔɔ zunung ɓɔɔ mɔɔ masɛ m katɔ.”

Maraku 15:40

Zang soro ɓɔɔ kagn, ri shiiri nɛɛ nɔng beebang, ri pɛ̃ɛrɛ vuu ɓɔɔ zang palɛ Yeesɔ ɓɛɛ. Ka teteng zang soro kaɓa, Marayamu Magadaliya nɛɛ Marayamu nàá rɛɛ Yakub ɓɔɔ wujaa nɛɛ Yose, a ɓɔɔ jaa soro ɓɔɔ zang ɓaa nɛɛ Salomi, ri kagn.