Matiyu 20:19 - Nyaa Shɔɔ Ɓɔɔ Laa a Ɓɛɛ

¹⁹ Tɔ̀ɔ, ri naa tuu m, ri a zang ɓɔɔ ri dũng Laa kpang, nɛɛ tɔ̀ɔ ri kpaa m, ri nyɔ m nɛɛ gbãa, tɔ̀ɔ ri daa ɓaa m naa ka laa. A Kpanti Laa naa wisi m paa ka lee ɓɔɔ diki daa taati ɓɛɛ.”

Matiyu 20:19 ပူးပေါင်းရင်းမြစ်များ

Matiyu 12:40

Naa ɓɔɔ Yunana nwang ka yeti jaazĩi nɛɛ laagɛ̃ nɛɛ zĩi diki taati ɓɛɛ. Jaa Shɔnzang naa nwáng doo nɔngkɔ ka tipi dii, nɛɛ laagɛ̃, nɛɛ zĩi diki taati.

Matiyu 16:21

Yeesɔ gàa zang ɓɔɔ ri mantɛ vuu ka bii ɓiɓɛ tɔɔsung yee rannang ka diki kaɓa, nɛɛ wu daa Urushalima ditɔ. Wu daa dang jĩng ditɔ gbãng gbãng, ka naa zang bang gãa Laa, nɛɛ rɛɛ Kpanti zang ɓɔɔ ri dɔɔ Laa vuu, nɛɛ zang ɓɔɔ ri tusu zang vuu ɓɛɛ. Ri naa nyɔ wu vɔrɔ kati. A Laa naa wisi wu paa ka lee ɓɔɔ diki daa taati ɓɛɛ.

Matiyu 17:23

Ri naa nyɔ m vɔrɔ. Laa naa wisi m paa ka lee ɓɔɔ diki daa taati ɓɛɛ.” Ɓɔɔ zang ɓɔɔ ri mantɛ vuu ka bii Yeesɔ ri tãa naa weɓe, yeti ɓarɛ lasɛ dɔɔli.

Matiyu 27:26

A Bilatu yàa ri Baraba naa kati. A kɔɔ zang, nɛɛ zang nyɔ Yeesɔ nɛɛ gbãa, a tuu Yeesɔ a zang kati, nɛɛ zang daa ɓaa wu naa ka laa.

Matiyu 27:63

Ri kɔɔ wu tɔɔ, “Kpanti, ruu kpaa danggn ruu ɓɔɔ yɔɔ sèé kaɓa kɔɔ ka diki ɓɔɔ wu doo ningkãari tɔ. Kɔɔyi tɔɔ, wu naa seepaa ditɔ nɛɛ saa, ka lee ɓɔɔ diki naa daa taati ɓɛɛ.

Maraku 14:65

A zang ɓɔɔ ri gaa tɔɔsung ɓɔɔ ri tùlù wu sisãa ka bii ɓɛɛ kati. A ri mung wu jĩng, ri nyɔ wu nɛɛ naa, a ri ti kpaa wu nɛɛ, “Kɔɔ ruu zang ɓɔɔ nyɔ mɔɔ ɓɛɛ ta.” A zang ɓɔɔ ri gãng jĩng ka gãa, ri ta wu, ri ti nyɔ wu jong nɛɛ naa.

Maraku 15:1

Ɓɔɔ nɔng naa gãntɛ, zang bang bang, zang ɓɔɔ ri dɔɔ vuu ka Gãa Laa, nɛɛ zang bang bang zang Yahudi, nɛɛ zang ɓɔɔ ri tusu zang vuu, nɛɛ zang piti ɓɔɔ ri doo zang ruu jɛ̃ɛnang kɔ ɓɛɛ, ri mã nyaa ka zɔɔ. Ri mã Yeesɔ, a ri daa nɛɛ wu, ri daa a wu Gɔmna Bilatu.

Maraku 15:15

Bilatu kasɛ nɛɛ wu pàlɛ́ zang ɓɔɔ ri kpalɛ zɔɔ vuu ɓɔɔ ri kasɛ ɓɛɛ, a yaa ri Baraba naa. A kɔɔ zang ɓiɓɛ nɛɛ ri nyɔ Yeesɔ nɛɛ gbãa. A á ri Yeesɔ kati nɛɛ zang daa ɓaa wu naa ta ka laa.

Luka 18:32

Zang daa tuu m kaa tɔ, zang a zang ɓɔɔ ri dũng Laa kpang ɓɛɛ, tɔ̀ɔ, ri kpaa m, ri palɛ m vuu yusɛ̃ɛ. Ri ti tùlù m sisãa ka bii.

Luka 23:11

A kpanti Hiridu nɛɛ zang sɔɔja ɓiɓɛ, ri palɛ wu vuu yusɛ̃ɛ, a ri kpaa wu. A ri hãa wu fɔ̃ɔrɔ ɓɔɔ kpanti ri hãlɛ ɓɛɛ ka bii. A kpanti Hiridu sɔɔrɔ wu ka bii kpanti Bilatu.

Luka 24:46

A kɔɔ ri nɛɛ, “Wee vuu ɓɔɔ zang bee ɓɛɛ, Kirisi dang jĩng, wu ti vɔrɛ, diki nɛɛ daa tɔ taati, wu yupaa nɛɛ sàa.

Zang Shonang Yeesɔ 2:23

Zang a nɔɔ yɔɔ keɓe, ka naa ɓɔɔ Laa shíng doo ka tĩng ɓɛɛ. Ti Laa kɔ kasɛ a nɔɔ ɓaa wu naa ka laa. Zang ɓɔɔ ri zi Laa kpang ri nyɔ wu vɔrɔ.

Zang Shonang Yeesɔ 21:11

Ɓɔɔ wu a ka bii ɓuru, tuu guruji ɓɔɔ Bulu mã sãng nɛɛ mani, mã doo nɛɛ naa ɓiɓɛ nɛɛ mani. A kɔɔyi tɔɔ, “Suru Laa kɔɔyi tɔɔ, Zang Yahudi ɓɔɔ ri ka Urushalima, ri daa mã zang guruji keɓe doo naa weɓe kɔ, ri a zang ɓɔɔ ri zang Isirela kpang ɓɛɛ.”

Zang Shonang Yeesɔ 4:27

Kpanti Hiridu nɛɛ kpanti Pontu Bilatu, ri kpalɛ yuu niizang ka gari keɓe nɛɛ zang ɓɔɔ ri zang Yahudi kpang, nɛɛ rɛɛ zang Isirela ka yuu Yeesɔ, zang shonang ɓaaɓɛ ɓɔɔ shi kpang kagn bii ɓiɓɛ kpang ɓɛɛ. Wukɔ Kirisi, zang ɓɔɔ mɔɔ zɔ̃ng ɓɛɛ.