Matiyu 16:27 - Nyaa Shɔɔ Ɓɔɔ Laa a Ɓɛɛ

²⁷ Jaa Shɔnzang naa a ditɔ nɛɛ bannang diiɓɛ, nɛɛ zang nyaa shonang ɓiɓɛ ɓɔɔ ka lapa ɓɛɛ. Tɔ̀ɔ, wu naa alɛ zang vuu, ka naa vuu ɓɔɔ ri palɛ ɓɛɛ.

Matiyu 16:27 ပူးပေါင်းရင်းမြစ်များ

Matiyu 13:41

Jaa Shɔnzang naa shong zang nyaa shonang ɓiɓɛ ɓɔɔ ri ka lapa ditɔ, nɛɛ ri kpalɛ vuu piti ɓɔɔ shing zang vuu shi kpang palɛnang ka nɔng ɓɔɔ wu roo kpanti ɓɛɛ, nɛɛ zang ɓɔɔ ri palɛ vuu shi kpang nandon.

Matiyu 13:49

Diki ɓɔɔ koolaa keɓe naa waa nyaa, nwang doo nɔngkɔ. Zang nyaa shonang Laa ɓɔɔ ri ka lapa ri naa arɛ, ri zɔ̃ngkɔ zang shi kpang ka teteng zang tɔ̃ɔ,

Matiyu 24:30

“Tɔ̀ɔ zang naa zi vuu ɓɔɔ zang zirɛ zang mã naa ka danggn ka lapa ɓɔɔ tusu zang nɛɛ n ɓɔɔ n Jaa Shɔnzang n a kana ɓɛɛ. Zɔ̃ng zang ɓɔɔ ka koo keɓe piti, ri naa kaa ditɔ. Ri ti naa zi m kati, ka ɓɔɔ n a ka yeti sãmbong nɛɛ naa vuu palɛnang mɛɛ, nɛɛ bannang mɛɛ ɓɛɛ.

Matiyu 25:31

“Ka diki ɓɔɔ Jaa Shɔnzang naa a ka naa bannang ɓiɓɛ, nɛɛ zang nyaa shonang Laa ɓɔɔ ri ka lapa piti, naa nwang ka yuu laa nwannang Kpanti ɓiɓɛ.

Matiyu 26:64

A Yeesɔ kasɛ wu nyaa kati tɔɔ, “Nn nkɔ. N kɔɔ nɔɔ, nɔɔ naa zi m ɓɔɔ n Jaa Shɔnzang ditɔ ka naa nakn Kpanti Laa ɓɔɔ palɛ vuu piti ɓɛɛ. Nɔɔ ti naa zi naa ɓɔɔ n a ka yeti sãmbong ditɔ.”

Matiyu 8:20

Yeesɔ kɔɔ wu tɔɔ, “Yeng roonang yaka jĩngti kagn, a saara jaaning ti kagn, a nɔng ɓɔɔ naa Jaa Shɔnzang shing yuu ɓiɓɛ kagn, ɓi kaa tɔ̀ɔ́ kagn kpang.”

Maraku 14:62

Yeesɔ kasɛ wu nyaa tɔɔ, “Nn, nkɔ.” Nɔɔ naa zi m ɓɔɔ n Jaa Shɔnzang ditɔ ka naa nakn Kpanti Laa ɓɔɔ palɛ vuu piti ɓɛɛ. Nɔɔ ti naa zi naa ɓɔɔ n a ka yeti sãmbong ditɔ.

Maraku 8:38

Shɔnzang piti ɓɔɔ yusɛ̃ɛ mɛɛ nɛɛ ɓɔɔ Ruu mɛɛ, nɛɛ tuuru wu ka tĩng zang shi kpang kɔ ri palɛ vuu shi kpang ɓee. Jaa Shɔnzang naa tuuru yusɛ̃ɛ ɓiɓɛ doo nɔngkɔ, ka diki ɓɔɔ wu naa a nɛɛ bannang ɓɔɔ Daa ɓiɓɛ a wu ɓɛɛ. Ti naa a nɛɛ rɛɛ zang nyaa shonang Laa ɓɔɔ ka lapa ning ɓɛɛ.”

Luka 21:27

Tɔ̀ɔ, zang zi Jaa Shɔnzang kati, ka ɓɔɔ wu a nɛɛ lapa ka yeti sãmbong ɓɛɛ nɛɛ naa vuu palɛnang, a ɓɔɔ bannang ɓiɓɛ ɓɛɛ.

Luka 22:69

Vuu ɓɔɔ yi nɛɛ lɛɛkɔ keɓe, Jaa Shɔnzang nwang ɓi kaa nakn Laa ɓɔɔ wukɔ palɛ vuu piti ɓɛɛ.”

Luka 9:26

Zang ɓɔɔ tuuru yusɛ̃ɛ mɛɛ, nɛɛ ɓɔɔ yee mɛɛ, Jaa Shɔnzang naa tuuru yusɛ̃ɛ ɓiɓɛ ɓi doo nɔngkɔ, ka diki ɓɔɔ wu a ka naa bannang ɓiɓɛ, nɛɛ ɓɔ̀ɔ́ Daa ɓiɓɛ, nɛɛ ɓɔ̀ɔ́ zang nyaa shonang Laa ɓɔɔ ka lapa ɓɛɛ.

Yɔhana 21:22

Yeesɔ kasɛ wu nyaa tɔɔ, “Naa n kasɛ nɛɛ wu vɔ kpang, n gbãayu nɛɛ mani, ruu ɓaa hãa kagn ya? Palɛ ɓaa vuu ɓɔɔ n kasɛ ɓɛɛ.”

Yɔhana 21:23

Ruu keɓe, baa teteng zang ɓɔɔ ri mantɛ vuu ka bii Yeesɔ nɛɛ yɔɔ keɓe vɔ ɓi kpang. Yeesɔ kɔɔ ɓi nɛɛ yɔɔ vɔ kpang, kpang, kɔɔ ɓi nɛɛ, “Naa n kasɛ nɛɛ wu vɔ kpang, ń gbãayu nɛɛ mani, ruu ɓaaɓɛ hãa kagn ya?”

Zang Shonang Yeesɔ 1:11

Zang varɛ ziti keɓe kɔɔ ri tɔɔ, “Zang tipi Galili, nɔɔ shiiri ka ruu vi nɔɔ pɛ̃ɛrɛ lapa viya? Yeesɔ kɔ zang tuu wu, zang daa nɛɛ wu ka lapa ɓee, naa gbãayu doo naa ɓɔɔ nɔɔ zi wu daa ɓɛɛ kɔ.”

Rooma 14:12

Zang naa shing zang ɓu ditɔ, wu kɔɔ Laa vuu ɓɔɔ wu palɛ ɓɛɛ.

Rooma 2:6

Ka ruu ɓɔɔ, Laa naa sɔ̀ɔrɔ́ zang ɓu doo ka doo vuu ɓɔɔ zang ɓu pálɛ̀ ɓɛɛ.

1 Koranti 15:23

Vuu keɓe piti ri palɛ ka laa ɓarɛ. Kirisi kɔ yupaa shɔɔnang nɛɛ sàa. Ka diki ɓɔɔ wu naa gbã́ayu ka koo keɓe, Laa naa wisi zang ɓɔɔ ri ɓarɛ ɓɔ̀ɔ́ Kirisi paa ditɔ nandon.

1 Koranti 3:13

Diki ɓɔɔ shonang zang naa tusu bii kagn a ditɔ. Ka ruu ɓɔɔ, ka diki kaɓa, ɓɔɔ Yeesɔ Kirisi gbãayu ka koo keɓe, Laa naa gãsɛ shonang zang ɓu nɛɛ waa, waa kɔ naa túsù kati waasɛ̃ naa ɓɔɔ zɔ̃ng shonang zang ɓu nwàng ɓɛɛ.

1 Koranti 8:8

Ruu zi tɔ, naa ruu shaa zɔ̃ng vuu shaanang ɓɔɔ naa weɓe, naa ruu shaa doo kpang, vuu shaanang kaɓa, shing ruu, ruu nwang zang tɔ̃ɔ ka tĩng Laa kpang. Naa ruu shaa kpang, palɛ vuu ɓɔɔ kpang. Naa ruu shaayi naa risi ruu, ruu nwang zang tɔ̃ɔ kpang.

2 Koranti 5:10

Ka ruu ɓɔɔ, ruu nandon ruu naa shii ditɔ ka tĩng Yeesɔ Kirisi, wu jɛ̃ɛ rùu rúu. Wu jɛ̃ɛ ruu rúu, wu ti pàlɛ̀ zang ɓu vuu naa ɓɔɔ daa naa katɔ ɓɛɛ. Yeesɔ pàlɛ́ ruu vuu ka doo vuu tɔ̃ɔ nɛɛ vuu shi kpang ɓɔɔ zang ɓu palɛ ka koo keɓe ɓɛɛ.

Afisa 6:8

Danggn wu ning nɔɔ kpang, kpanti naa sɔɔrɔ zang ɓu doo ditɔ, jaafoo nɛɛ zang ɓɔɔ ri jaafoo kpang ɓɛɛ, ka ruu tɔ̃ɔ ɓɔɔ zang ɓu palɛ ɓɛɛ.

Kolosi 3:25

A zang ɓɔɔ pálɛ̀ ɓi vuu shi kpang, naa zang keɓe doo wiya, zang naa pàlɛ́ wu vuu ɓi dòo ka dóo vuu shi kpang ɓɔɔ wu pálɛ̀ ɓɛɛ kɔ. Ka ruu ɓɔɔ, Laa palɛ vuu ɓi jong gn dang gbete kpang ɓɛɛ.

1 Tesalonika 1:10

A ri ti kɔ̀ɔ ruu nɛɛ nɔɔ gã Jaa ɓiɓɛ wu a nɛɛ lapa, Jaa ɓiɓɛ Yeesɔ ɓɔɔ wu wisi paa nɛɛ sàa ɓɛɛ, a naa tá yuu ɓuru ka laa ɓɔɔ Laa naa jɛ̃ɛ zang ɓɔɔ wu lasɛ yeti nɛɛ ri ka ruu vuu shi kpang ɓɔɔ ri palɛ ruu ɓɛɛ.

1 Tesalonika 4:16

Laa naa mɛɛ nyaa nabm, a zang bang rɛɛ zang nyaa shonang Laa ɓɔɔ ri ka lapa ɓɛɛ, naa rang yee, a zang ri tãa yee vuukãng ɓɔɔ Laa jee ɓɛɛ. Tɔ̀ɔ, Kpanti Yeesɔ nɛɛ yuu ɓiɓɛ wu naa shooro kaa nɛɛ lapa zang ɓɔɔ ri shing danggn tɔ ka bii Yeesɔ a ri vɔlɔ ɓɛɛ, rikɔ yupaa ningkãari shɔɔnang.

Yakubu 5:7

Ka ruu nɔngkɔ manzung, n kɔɔ nɔɔ, nɔɔ mã danggn kagn, nɔɔ gã diki ɓɔɔ Kpanti Yeesɔ gbãayu ɓɛɛ. Nɔɔ zi zang ɓɔɔ ri lang jaa ɓɛɛ. Ri gã vuu ɓɔɔ ri ɓaa ka tipi ɓɛɛ, mii tĩng shɔɔnang nɛɛ mii ɓɔɔ gɔɔ nyaa wu arɛ. Mã danggn sasak diki ɓɔɔ wu kpalɛ vuu shaanang ka jaa ɓiɓɛ a nɛɛ mani.

1 Bituru 1:17

Nɔɔ nɛɛ gàá Laa, nɔɔ ɓáa wu nɛɛ, “Daa” nɛɛ nɔngkɔ, nɔɔ kaa vɔrɔ ɓiɓɛ ka nwannang tɔ̃ɔ manɛ ka vuu piti ɓɔɔ nɔɔ palɛ, ka wee nɔɔ nwang zanti ka koo keɓe ɓee. Ka ruu ɓɔɔ, Laa ɓɔɔ wukɔ Daa manɛ, dɔ̀ng zang ruu ɓi gn dang gbete kpang, ka naa ɓɔɔ wu palɛ vuu ɓiɓɛ ɓɛɛ.

1 Yɔhana 2:28

Wujɛ seseere, nɔɔ nwang nɛɛ wu, ka ruu ɓɔɔ nɛɛ nwang nyaa tɔ, ruu naa kaa vɔrɔ kpang ɓɛɛ. Yusɛ̃ɛ ti naa tuu ruu ka tĩng ɓiɓɛ, ka diki ɓɔɔ wu gbãayu ɓɛɛ kpang.

Yahuza 1:14

Ɛnɔk, zɔ̃ng Adamu ɓɔɔ daa kaa manziti ɓɛɛ, kɔ kɔɔ ruu keɓe ka yuu ɓarɛ tɔɔ, “Nɔɔ zirɛ, Kpanti Laa naa a ditɔ nɛɛ zang nyaa shonang ɓiɓɛ ɓɔɔ ri ka lapa ɓɛɛ labang gaagaa.

Vuu ɓɔɔ zang nwangsɛ Yɔhana 1:7

Nɔɔ zirɛ, náa a ka yeti sãmbong, zang piti ri naa zi wu jĩng ka bii. Zang ɓɔɔ ri shu wu nɛɛ shalang, ri ti naa zi wu jong. Zang tipi koolaa keɓe nandon, ri naa káa ka ruu ɓiɓɛ. Vuu keɓe naa nwáng ditɔ nɔngkɔ niizang. Nɔngkɔ.

Vuu ɓɔɔ zang nwangsɛ Yɔhana 2:23

N naa nyɔkɔ zang ɓɔɔ ri dũng wu vɔrɔ nandon. Tɔ̀ɔ, zang ɓɔɔ ri dũng Laa ka nɔng piti, ri zi kati nɛɛ nkɔ zang ɓɔɔ zi rɛ̃rɛnang zang tɔ nɛɛ yeti ɓarɛ piti ɓɛɛ. N a zang ɓu vuu ka doo shonang ɓɔɔ wu palɛ ɓɛɛ.

Vuu ɓɔɔ zang nwangsɛ Yɔhana 20:12

N ti zi zang ɓɔɔ ri vɔlɔ tɔ ɓɛɛ. Zang bang nɛɛ wujɛ, ri shiiri ka tĩng laa nwannang kpanti kaɓa. A zang atɛ rɛɛ labeenang ɓɔɔ, zang púlù ka tĩng ɓarɛ. Zang ti puu labeenang ɓɔɔ zang beere nung zang ɓɔɔ ri walɛ suru bii ɓɔɔ waa nyaa kpang tɔ kagn ɓɛɛ. A zang jɛ̃ɛ zang ɓɔɔ ri vɔlɔ tɔ ruu ka doo shonang ɓɔɔ ri palɛ ɓɛɛ, ɓɔɔ zang beere ka rɛɛ labeenang kaɓa ɓɛɛ.