Matiyu 16:24 - Nyaa Shɔɔ Ɓɔɔ Laa a Ɓɛɛ

²⁴ A Yeesɔ kɔɔ zang ɓɔɔ ri mantɛ vuu ka bii ɓiɓɛ tɔɔ, “Zang piti ɓɔɔ nɛɛ tɔɔ wu dũng m, wu yaa yuu ɓiɓɛ kasɛnang ta, wu ta jĩng dannang ɓɔɔ a ka ruu nung mɛɛ ɓɛɛ, wu tuu laa ɓɔɔ zang ɓaa wu kagn, wu dũng m.

Matiyu 16:24 ပူးပေါင်းရင်းမြစ်များ

Matiyu 10:38

Zang ɓɔɔ nɛɛ kasɛ nɛɛ wu dang jĩng ka ruu mɛɛ kpang, daa naa ɓɔɔ wu dũng m kpang.

Matiyu 27:32

Ri nwang tɔ, ri daa kana ka gbalang, a ri naa ɓee yuu nɛɛ yɔɔ gari Kiranɛ ɓɔɔ zang ɓaa nɛɛ Siman. A ri yi wu nɛɛ gbãng gbãng ning, nɛɛ wu tuu laa ɓɔɔ zang daa ɓaa Yeesɔ naa kagn ɓɛɛ.

Maraku 10:21

Yeesɔ shu wu jĩng tɔ ka bii, kasɛ wu kati. A kɔɔ wu tɔɔ, “Mɔɔ shing jĩng tɔ ka nyaa ɓɔɔ Laa dang ɓɛɛ niizang, yaa mɔɔ vuu gbete. Dita, mɔɔ daa mãlɛ̀ vuu naa ɓaaɓɛ nandon, mɔɔ basɛ zang ɓɔɔ vuu ka naa ɓarɛ kpang, saka vuu ɓɔɔ mɔɔ mãlɛ́ ɓɛɛ. Mɔɔ naa walɛ vuu naa ditɔ ka lapa. Tɔ̀ɔ, mɔɔ arɛ mɔɔ dũng m.”

Maraku 15:21

Ka gbalang, ri ɓee yɔɔ tipi Kiranɛ ɓɔɔ zang ɓaa wu nɛɛ Siman bɛɛ nɛɛ wu a ka gari. Ri yi wu nɛɛ gbãng gbãng ning, nɛɛ wu tuu laa ɓɔɔ zang daa ɓaa Yeesɔ naa kagn ɓɛɛ. Yɔɔ keɓe kɔ dáa rɛɛ Alezanda nɛɛ Rufu.

Maraku 8:34

A Yeesɔ ɓaa nyaa ka zang ɓɔɔ ri kpalɛ zɔɔ, nɛɛ zang ɓɔɔ ri mantɛ vuu ka bii ɓiɓɛ, a kɔɔ ri tɔɔ, “Zang piti ɓɔɔ nɛɛ tɔɔ wu dũng m, wu yaa yuu ɓiɓɛ kasɛnang ta, wu ta jĩng dannang ɓɔɔ a ka ruu nung mɛɛ ɓɛɛ. Wu tuu laa ɓiɓɛ ɓɔɔ zang naa ɓaa wu naa kagn ɓɛɛ, wu dũng m.

Luka 14:27

Zang ɓɔɔ nɛɛ kasɛ nɛɛ wu dang jĩng, wu naa vɔ naa ɓɔɔ n naa vɔ ɓɛɛ kpang, zunung ɓɔɔ wu dũng m kpang.

Luka 23:26

Ka ɓɔɔ ri daa kaa nɛɛ Yeesɔ, ka nɔng ɓɔɔ ri daa nyɔ wu vɔrɔ ɓɛɛ, ri kpisi yuu nɛɛ yɔɔ ɓɔɔ zang ɓaa wu nɛɛ Siman, yɔɔ gari Kiranɛ, nɛɛ wu daa kaa gari. Ri yi wu, ri shing wu, nɛɛ wu tuu laa ɓɔɔ zang daa ɓaa Yeesɔ naa kagn ɓɛɛ, wu dũng Yeesɔ ka knti.

Yɔhana 19:17

Yeesɔ tuu laa ɓɔɔ zang daa ɓaa wu naa kagn, a nwangnɛ daa nɛɛ mani ka nɔng ɓɔɔ zang ɓaa nɛɛ “Yuu zɔ̃ɔpi” ɓɛɛ, zang Yahudi ɓaa ɓi nɛɛ, Golgota.

Yɔhana 21:19

(Yeesɔ kɔɔ vuu keɓe nɛɛ tɔɔ wu tusu naa ɓɔɔ Bituru naa vɔrɛ, tɔ̀ɔ, zang dɔ̀ɔ Laa kaa gn ɓɛɛ.) Yeesɔ hangsɛ ruu keɓe kɔɔnang tɔ, a kɔɔ wu tɔɔ, “Palɛ vuu ɓɔɔ n kasɛ ɓɛɛ.”

Yɔhana 21:22

Yeesɔ kasɛ wu nyaa tɔɔ, “Naa n kasɛ nɛɛ wu vɔ kpang, n gbãayu nɛɛ mani, ruu ɓaa hãa kagn ya? Palɛ ɓaa vuu ɓɔɔ n kasɛ ɓɛɛ.”

Zang Shonang Yeesɔ 14:22

Ri mã zang ɓɔɔ ri shing danggn tɔ danggn, ri kɔɔ ri nɛɛ ri yáa danggn kɔ ri shing ɓee kpang. Ri kɔɔyi nɛɛ, “Rùu dàng jĩng dɔɔli ka gbongkarɛ, tɔ̀ɔ, ruu daa nɔng ɓɔɔ Laa roo kpanti ɓɛɛ kati.”

Kolosi 1:24

Kãntang keɓe, n tãa kaa tĩnang ka jĩng ɓɔɔ n dang ka ruu manɛ ɓɛɛ. Jĩng kɔ n dang ɓee, hangsɛ ɓi nyaa vuu ɓɔɔ yàa m ka jĩng dannang ɓɔɔ Kirisi shing m, nɛɛ n dang ka ruu zang ɓɔɔ ri dũng wu, ɓɔɔ rikɔ kaa bii ɓiɓɛ ɓɛɛ.

1 Tesalonika 3:3

Tɔ̀ɔ, zang ɓɔɔ wu yaa danggn ɓɔɔ wu shing ka bii Kirisi ka ruu jĩng ɓɔɔ zang dang nɔɔ ɓɛɛ. Nɔɔ nɛɛ yuu manɛ, nɔɔ zi tɔ nɛɛ Laa kɔ mang ka yeti ɓiɓɛ nɛɛ zang dang ruu jĩng.

2 Timoti 3:12

Zang piti ɓɔɔ nɛɛ kasɛ wu nwang zang ɓɔɔ dũng Laa gbãng gbãng ka ɓɔɔ wu ɓakɛ yuu nɛɛ Yeesɔ Kirisi, zang dang wu jĩng katɔ.

1 Bituru 2:21

Laa ɓaa nɔɔ nyaa nɛɛ, nɔ́ɔ nwang zang ɓiɓɛ nɛɛ naa nɔɔ nɛɛ palɛ tɔ̃ɔ a zang dang nɔɔ jĩng, nɔɔ mã danggn katɔ. Ka ruu ɓɔɔ, Yeesɔ Kirisi nɛɛ yuu ɓiɓɛ, dang jĩng ka ruu manɛ ɓɛɛ. Nwannang ɓiɓɛ kɔ tusu nɔɔ naa ɓɔɔ nɔɔ nwáng ɓɛɛ.