Matiyu 16:21 - Nyaa Shɔɔ Ɓɔɔ Laa a Ɓɛɛ

²¹ Yeesɔ gàa zang ɓɔɔ ri mantɛ vuu ka bii ɓiɓɛ tɔɔsung yee rannang ka diki kaɓa, nɛɛ wu daa Urushalima ditɔ. Wu daa dang jĩng ditɔ gbãng gbãng, ka naa zang bang gãa Laa, nɛɛ rɛɛ Kpanti zang ɓɔɔ ri dɔɔ Laa vuu, nɛɛ zang ɓɔɔ ri tusu zang vuu ɓɛɛ. Ri naa nyɔ wu vɔrɔ kati. A Laa naa wisi wu paa ka lee ɓɔɔ diki daa taati ɓɛɛ.

Matiyu 16:21 ပူးပေါင်းရင်းမြစ်များ

Matiyu 12:40

Naa ɓɔɔ Yunana nwang ka yeti jaazĩi nɛɛ laagɛ̃ nɛɛ zĩi diki taati ɓɛɛ. Jaa Shɔnzang naa nwáng doo nɔngkɔ ka tipi dii, nɛɛ laagɛ̃, nɛɛ zĩi diki taati.

Matiyu 16:22

A Bituru ɓaa wu nyaa dang gbete, a mangkɛ wu tɔɔ, “Laa wu kɔsɔ vuu keɓe katɔ Kpanti, vuu keɓe wu naa pálɛ̀ mɔɔ nɔngkɔ kpang.”

Matiyu 16:28

N kɔɔ nɔɔ ruu ɓɔɔ niizang kɔ nwani, zang dɔɔli ka teteng zang keɓe, ri vɔ kpang. Ri zi naa ɓɔɔ Jaa Shɔnzang naa a ka yeti bannang kpanti roonang ɓiɓɛ ka gbongkarɛ.”

Matiyu 17:12

A n kɔɔ nɔɔ, Iliya a tɔ, ri zi wu nung kpang. Ri palɛ wu vuu piti ɓɔɔ yeti ɓarɛ kasɛ ɓɛɛ. Ri naa dang Jaa Shɔnzang jĩng doo nɔngkɔ.”

Matiyu 17:9

Ri shooro doo naa nɛɛ kɔpɔ, Yeesɔ shaarɛ ri nyaa nɛɛ, “Nɔ́ɔ kɔɔ zang ɓɔɔ vuu kɔ nɔɔ zi ɓee kpang, Kpanti Laa wu wisi Jaa Shɔnzang paa nɛɛ vɔrɔ ka gbongkarɛ.”

Matiyu 20:28

Naa ɓɔɔ n Jaa Shɔnzang n arɛ, nɛɛ zang shong m shonang kpang, n arɛ nɛɛ n shong m zang kɔ jong, n ti mãlɛ́ bii mɛɛ ka ruu zang dɔɔli nɛɛ tɔɔ n ta yuu ɓarɛ.”

Matiyu 26:2

“Nɔɔ zi tɔɔ, diki ɓɔɔ zang shaa nyaalaa Pasika yaa lɛ̀ɛ́ kaa ziti. Zang naa yi m ɓɔɔ n Jaa Shɔnzang, zang a zang ɓɔɔ ri naa ɓaa m naa ka laa ɓɛɛ.”

Matiyu 26:47

Yeesɔ rang yee doo naa nyaa, a Yahuda zang gbete ka teteng zang kopi tu ziti ɓɔɔ ri mantɛ vuu ka bii ɓiɓɛ a kati. Yahuda a nɛɛ zang dɔɔli ɓɔɔ rɛɛ zang bang bang zang ɓɔɔ ri dɔ́ɔ vuu ka Gãa Laa, nɛɛ zang bang bang zang Yahudi ri shong ɓɛɛ ning. Zang kaɓa, ri see yere bang, nɛɛ labasaa ka naa ning.

Matiyu 27:12

A zang bang bang zang ɓɔɔ ri dɔɔ vuu ka Gãa Laa nɛɛ zang bang bang zang Yahudi, ri zɛ̃ɛ wu nyaa, a ãa nyaa ɓi kagn kpang.

Matiyu 27:63

Ri kɔɔ wu tɔɔ, “Kpanti, ruu kpaa danggn ruu ɓɔɔ yɔɔ sèé kaɓa kɔɔ ka diki ɓɔɔ wu doo ningkãari tɔ. Kɔɔyi tɔɔ, wu naa seepaa ditɔ nɛɛ saa, ka lee ɓɔɔ diki naa daa taati ɓɛɛ.

Matiyu 28:6

Tɔ̀ɔ́ nɔng kpang, seepaa tɔ naa ɓɔɔ wu kɔɔ ɓɛɛ. Nɔɔ a ta, nɔɔ zi nɔng ɓɔɔ bɛ̀ɛ́ roo kagn ɓɛɛ.

Maraku 8:31

Yeesɔ gaa ri tɔɔsung vuu tusunang tɔɔ, “Ɓɔɔ n Jaa shɔnzang n naa dang jĩng ditɔ dɔɔli. Zang bang zang Yahudi, nɛɛ zang bang bang zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, ri naa bɛ̃ɛ m ditɔ. Zang naa nyɔ m vɔrɔ, Laa naa wisi m paa ka lee ɓɔɔ diki daa taati ɓɛɛ.”

Maraku 9:12

Yeesɔ kasɛ ri nyaa tɔɔ, “Iliya kɔ a shɔɔnang niizang, tɔ̀ɔ, wu shĩili vuu ka tɔkn waasɛ̃. A ti hɛ̃ɛ ri nɛɛ, a ka ruu vi zang beeyi tɔɔ, Jaa Shɔnzang naa dang jĩng ditɔ, zang ti naa bɛ̃ɛ wu viya?

Luka 17:25

“Jaa Shɔnzang naa dang jĩng ditɔ dɔɔli ka gbongkarɛ. Zang koo jaa knti keɓe ri bɛ̃ɛ wu, tɔ̀ɔ, vuu keɓe ri naa palɛ kati.

Luka 24:46

A kɔɔ ri nɛɛ, “Wee vuu ɓɔɔ zang bee ɓɛɛ, Kirisi dang jĩng, wu ti vɔrɛ, diki nɛɛ daa tɔ taati, wu yupaa nɛɛ sàa.

Luka 9:31

Ri nwang nyaa bii ɓarɛ kɔlɔ katɔ, a ri rang yee nɛɛ wu ka naa ɓɔɔ wu naa vɔ ka Urushalima ɓɛɛ.