Matiyu 16:20 - Nyaa Shɔɔ Ɓɔɔ Laa a Ɓɛɛ

²⁰ A Yeesɔ shaarɛ zang ɓɔɔ ri mantɛ vuu ka bii ɓiɓɛ nyaa tɔɔ, ri kɔɔ zang gn kpang nɛɛ wukɔ Kirisi, zang ɓɔɔ naa a ɓɛɛ kpang.

Matiyu 16:20 ပူးပေါင်းရင်းမြစ်များ

Matiyu 1:16

Yakubu naa yi Yusufu varɛ Marayamu. Marayamu kɔ nàá Yeesɔ ɓɔɔ zang ɓaa wu nɛɛ Kirisi (ɓɔɔ Laa tɔɔ wu shong ɓɛɛ).

Matiyu 16:16

Siman Bituru kasɛ wu nyaa tɔɔ, “Mɔkɔ Kirisi, (zang ɓɔɔ naa a ɓɛɛ.) Jaa Kpanti Laa ɓɔɔ vɔ ɓi kpang ɓɛɛ.”

Matiyu 17:9

Ri shooro doo naa nɛɛ kɔpɔ, Yeesɔ shaarɛ ri nyaa nɛɛ, “Nɔ́ɔ kɔɔ zang ɓɔɔ vuu kɔ nɔɔ zi ɓee kpang, Kpanti Laa wu wisi Jaa Shɔnzang paa nɛɛ vɔrɔ ka gbongkarɛ.”

Matiyu 8:4

A Yeesɔ kɔɔ wu tɔɔ, “Mɔ́ɔ daa kɔɔ zang ɓɔɔ kpang. Daayi, mɔ́ɔ daa tusu zang ɓɔɔ dɔ́ɔ vuu ka Gãa Laa, bii ɓaaɓɛ. Mɔɔ ti dɔ̀ɔ Kpanti Laa vuu ɓɔɔ Musa dang nyaa ɓɛɛ, tɔ̀ɔ, zang ri zi kagn, nɛɛ vuu bii ɓaaɓɛ waa nyaa tɔ.”

Maraku 8:30

A Yeesɔ shaarɛ ri nyaa tɔɔ ri kɔɔ zang ɓɔɔ nɛɛ wukɔ Kirisi kpang.

Maraku 9:9

Ri shóorò doo naa nɛɛ kɔpɔ, Yeesɔ shaarɛ ri nyaa nɛɛ, “Nɔɔ kɔɔ zang ɓɔɔ vuu kɔ nɔɔ zi ɓɛɛ kpang, Laa nɛɛ wisi Jaa Shɔnzang paa tɔ ka vɔrɔ, nɔɔ kɔɔ zang kati.”

Luka 2:11

Zang yi nɔɔ zang ɓɔɔ naa ta yuu manɛ tɔ lɛɛkɔ ka gari ɓɔɔ zang yi Dawuda kagn ɓɛɛ. Wukɔ Kpanti Kirisi.

Luka 9:21

A Yeesɔ shaarɛ ri nyaa tɔɔ, ri kɔɔ zang ɓɔɔ kpang.

Luka 9:36

Ri tãa yee tɔ naa weɓe, a ri naa zi Yeesɔ kaa bm. Zang ɓɔɔ ri mantɛ vuu ka bii Yeesɔ taati kaɓa, ri shing ruu keɓe ka yeti ɓarɛ. Ka diki kaɓa ri kɔɔ zang gbete vuu ɓɔɔ ri zi ɓɛɛ kpang.

Yɔhana 1:41

Dàa tantɛ jaa niiɓɛ Siman kɔ ĩinang shɔɔnang, a kɔɔ wu nɛɛ, “Ruu ĩi Masiya, zang ɓɔɔ Laa a nyaa nɛɛ naa ta yuu zang tɔ.” Wukɔ “Kirisi”.

Yɔhana 1:45

Filibu ti naa ĩi Natanalu, a kɔɔ wu tɔɔ, “Ruu ĩi zang ɓɔɔ Musa bee vuu ka yuu ɓiɓɛ ka yeti labeenang nyaa dannang Laa, a zang nyaa shonang Laa ri ti bee jong tɔ. Zang keɓe, wukɔ Yeesɔ yɔɔ Nazara, jaa Yusufu.”

Yɔhana 11:27

Mata kasɛ wu nyaa tɔɔ, “Nn, Kpanti, N shing danggn tɔ nɛɛ, mɔkɔ Kirisi Jaa Laa, ɓɔɔ naa a ka koo ɓɛɛ.”

Yɔhana 20:31

Zang bee weɓe, nɛɛ tɔ̀ɔ, nɔɔ shing danggn kati, nɛɛ Yeesɔ kɔ Kirisi, Jaa Laa. Nɔɔ nɛɛ shing danggn tɔ ka bii ɓiɓɛ, nɔ́ɔ walɛ suru bii kati.

Zang Shonang Yeesɔ 2:36

“Ka ruu nɔngkɔ, zang Isirela, nɔɔ zi ta tɔ̃ɔ tɔ̃ɔ nɛɛ Yeesɔ ɓɔɔ nɔɔ ɓaa wu naa ka laa keɓe, Laa shing kaa wukɔ nwàng Kpanti, wukɔ ti Kirisi zang ɓɔɔ Laa tɔɔ, wu naa a ɓɛɛ.”

1 Yɔhana 2:22

Ɓu wi, zang sèé wiya? Zang ɓɔɔ laa nyaa nɛɛ Yeesɔ kɔ Kirisi, zang ɓɔɔ naa a ɓɛɛ, kpang ɓɛɛ. Zang keɓe, wukɔ ti laa nyaa Jaa Laa, nɛɛ Daa ɓiɓɛ Laa nandon.

1 Yɔhana 5:1

Zang ɓɔɔ nɛɛ kasɛ tɔɔ nɛɛ Yeesɔ wukɔ Kirisi ɓi jaa Laa. Zang ɓɔɔ nɛɛ kasɛ Daa jaa, kàsɛ́ jaa ɓi dòo katɔ kɔ.