Matiyu 16:17 - Nyaa Shɔɔ Ɓɔɔ Laa a Ɓɛɛ

¹⁷ Yeesɔ tɔɔ, “Laa wu a mɔɔ tĩnang tãanang ta, Siman Bituru jaa Yunana. Vuu keɓe, wu shɔnzang tusu mɔɔ kpang. Ɓi Daa mɛɛ ɓɔɔ ka lapa tùsù mɔɔ.

Matiyu 16:17 ပူးပေါင်းရင်းမြစ်များ

Luka 22:32

Siman, n gàa mɔɔ Laa tɔ, ka ruu ɓɔɔ, mɔɔ nɛ̀ɛ́ yaa danggn shinnang ka n ɓɛɛ. Mɔɔ nɛɛ a tɔ ka bii mɛɛ tɔkn, mɔ́ɔ yi rɛɛ ɓaazung ɓɔɔ nɔɔ mantɛ vuu nɛɛ ri ka bìí mɛɛ ɓɛɛ naa ka bii, ri shing danggn waasɛ̃.”

Yɔhana 1:42

A gɔ̃ Siman daa nɛɛ wu ka bii Yeesɔ. Yeesɔ pɛ̃ɛrɛ Siman a kɔɔyi tɔɔ, “Mɔkɔ Siman jaa Yɔhana waa? Zang ɓáa mɔɔ kaa nɛɛ Kefa” (Dĩiri nung keɓe daa gbete nɛɛ Bituru ɓɔɔ zang ɓaa ɓi “Tari ɓɔɔ bang ɓɛɛ”).

Yɔhana 6:45

Rɛɛ zang nyaa shonang Laa ri beeyi nɛɛ, ‘Ri nandon Laa kɔ naa tusu ri vuu.’ Zang ɓɔɔ nɛɛ ɓaa shoo ka vuu ɓɔɔ Daa mɛɛ tusu, nɛɛ ti mantɛ vuu ka bii ɓiɓɛ, a katɔ ka bii mɛɛ.

1 Koranti 15:50

Manzung, n kɔ̀ɔ́ nɔɔ nɛɛ vuu ɓɔɔ zang mãa nɛɛ yɔpɔ nɛɛ kaka, a ɓɔɔ zĩi, daa nɔng ɓɔɔ Laa roo kpanti ɓi kpang. Vuu ɓɔɔ pṹng katɔ, nwang vuu ɓɔɔ pũ̀ng kpang ɓi kpang.

Galati 1:16

nɛɛ wu nwangsɛ m Jaa ɓiɓɛ, nɛɛ tɔ̀ɔ n kɔɔ zang ɓɔɔ ri zang Yahudi kpang, Ruu Tɔ̃ɔ ɓɔɔ ka yuu Jaa keɓe. N daa ka bii zang ɓɔɔ nɛɛ wu kɔɔ m vuu ɓɔɔ wu zi ka yuu vuu keɓe kpang.

Afisa 2:8

Ka ruu ɓɔɔ, zang ta yuu manɛ ɓi ka ruu tɔ̃ɔ ɓɔɔ Laa palɛ nɔɔ, ka ruu danggn ɓɔɔ nɔɔ shing ɓɛɛ. Ɓi vuu ɓɔɔ nɔkɔ palɛ nɛɛ yuu manɛ kpang, ɓi Laa a nɔɔ waati.

Afisa 3:5

Ka tĩng tɛ̃ɛ tɛ̃ɛ, zang tusu rɛɛ shɔnzang vuu ɓɔɔ zang waasɛ katɔ keɓe kpang, a kãntang keɓe Laa nwàngsɛ̀ rɛɛ zang shonang Yeesɔ ɓɔɔ shi kpang ka bii ɓarɛ kpang, nɛɛ rɛɛ zang nyaa shonang ɓiɓɛ tɔ nɛɛ bii Suru ɓiɓɛ.

Afisa 6:12

Ka ruu ɓɔɔ, ruu gáa nyaa wu nɛɛ shɔnzang kpang ɓɛɛ. Ruu gaa nyaa ɓuru nɛɛ rɛɛ suru ɓɔɔ yeti ɓarɛ shi kpang, ɓɔɔ ri ka lapa ɓɛɛ, a ɓɔɔ kaa nɛɛ rɛɛ naa vuu palɛnang, nɛɛ rɛɛ kpanti koo jaa knti keɓe ɓɔɔ tɔ̀ɔ katɔ ɓɛɛ.

Yahudi 2:14

Wee wujɛ bìí ri ta bii shɔnzang ɓee, a tuu bii jong nɔngkɔ, tɔ̀ɔ, wu vɔrɛ, wu ningsi sheetang kati. Zang ɓɔɔ zang a wukɔ naa vɔrɔ ɓɛɛ.

1 Bituru 5:1

Ruu ɓɔɔ n kɔɔ rɛɛ zang bang Gãa Laa ɓɔɔ ri ka teteng manɛ kagn. N m doo zang bang kɔ. N zi jĩng ɓɔɔ Kirisi dang ɓɛɛ nɛɛ jĩng mɛɛ. N ti naa walɛ bannang jong nɛɛ nɔɔ ka diki ɓɔɔ Laa naa a ruu bannang keɓe ɓɛɛ. Ka ruu nɔngkɔ, n gaa nɔɔ n tɔɔ nɔ́ɔ,

1 Yɔhana 4:15

Zang ɓɔɔ nɛɛ kɔɔ nɛɛ nyaa ɓiɓɛ nɛɛ Yeesɔ ɓi Jaa Laa, Laa nwang kagn yeti ɓiɓɛ, a ti nwàng ɓi nɛɛ Laa.

1 Yɔhana 5:20

Ruu zi tɔ nɛɛ, Jaa Laa arɛ tùsù ruu gbalang ɓɔɔ ruu zi Laa ɓɔɔ wukɔ niizang ɓɛɛ. Ruu ɓuru ɓɔɔ Laa keɓe kɔ, ka ruu ɓɔɔ, ruu ɓuru ɓɔɔ Jaa ɓiɓɛ Yeesɔ Kirisi ɓɛɛ. Yeesɔ Kirisi keɓe wukɔ Laa niizang, wukɔ ti suru bii ɓɔɔ waa nyaa kpang ɓɛɛ.