Matiyu 15:36 - Nyaa Shɔɔ Ɓɔɔ Laa a Ɓɛɛ

³⁶ A tuu borodi manziti kaɓa nɛɛ jaazĩi, a zãa Kpanti Laa. Shalɛ, a basɛ zang ɓɔɔ ri mantɛ vuu ka bii ɓiɓɛ, nɛɛ ri alɛ zang nimbang ta.

Matiyu 15:36 ပူးပေါင်းရင်းမြစ်များ

Matiyu 14:19

A kɔɔ zang ɓɔɔ ri kpalɛ zɔɔ nɛɛ ri nwang ta ka yuu wisi. A see borodi maani nɛɛ jaazĩi ziti kaɓa, a tuu jĩng ka lapa. Zãa kpanti Laa, a shalɛ, basɛ zang ɓɔɔ ri mantɛ vuu ka bii ɓiɓɛ, a ri alɛ zang nimbang kati.

Matiyu 15:35

A Yeesɔ kɔɔ zang ɓɔɔ ri kpalɛ zɔɔ gaagaa, nɛɛ ri nwalɛ ta ka tipi.

Luka 22:17

A tuu juwa, zãa Laa, a kɔɔ ri nɛɛ, “Nɔɔ ta juwa keɓe ta, nɔɔ ɓooro nɛɛ zɔɔ.

Luka 22:19

A tuu borodi zãa Laa, a sharɛ, a á ri, kɔɔ ri tɔɔ, “Wee bii mɛɛ ɓɔɔ n a zang, zang nyɔ vɔrɔ ka ruu manɛ ɓɛɛ kɔ. Nɔɔ palɛ vuu keɓe diki diki nɔɔ kpaa danggn mɛɛ kaa nɛɛ mani.”

Luka 24:30

Nwangnɛ nɛɛ wu shaa kaa vuu shaanang nɛɛ ri. Tuu borodi a gaa Laa, sharɛ a á ri.

Yɔhana 6:11

A Yeesɔ see borodi ka naa a zãa Laa kati, a basɛ zang ɓɔɔ ri nwalɛ ka tipi ɓɛɛ. Pálɛ́ doo nɔngkɔ nɛɛ jaazĩi. Zang ɓu walɛ naa ɓɔɔ daa wu nyaa ɓɛɛ.

Yɔhana 6:23

A tonsi ɓɔɔ ri alɛ nɛɛ Tiberiya ri naa shiiri ka nyaa rang, naabm nɛɛ nɔng ɓɔɔ zang dɔɔli ri shaa borodi ɓɔɔ Yeesɔ zãa Laa a ri ɓɛɛ.

Zang Shonang Yeesɔ 27:35

Kɔɔ tɔ nɔngkɔ, a tuu borodi, zãa Laa ka tĩng ɓarɛ nandon. A shalɛ borodi, a gaayu shaanang kati.

Rooma 14:6

Zang ɓɔɔ nɛɛ tɔɔ, diki ɓɔɔ ɓa ɓɔɔ nimbang katɔ, kɔɔ nɔngkɔ, ka ruu ɓɔɔ, kasɛ nɛɛ wu a Laa bannang ɓɛɛ. Zang ɓɔɔ nɛɛ shaa vuu piti, shaa ka Ruu Laa, ka ruu ɓɔɔ zãa Laa katɔ ɓɛɛ. Zang ɓɔɔ nɛɛ bɛ̃ɛ vuu piti shaanang, bɛ̃ɛ ka Ruu Laa, a ti zã̀a wu katɔ.

1 Koranti 10:31

N kàsɛ́ zang keɓe nyaa nɛɛ, ka vuu ɓɔɔ mɔɔ palɛ ɓɛɛ nandon. Naa mɔɔ shaa doo vuu, naa mɔɔ ɓoo doo vuu, palɛ ka gbalang ɓɔɔ mɔɔ a Laa bannang nɛɛ mani ɓɛɛ.

1 Koranti 14:16

Nɛɛ nɔngkɔ kpang, naa mɔɔ zãa Laa nɛɛ nyaa ɓɔɔ Suru Laa a mɔɔ ɓɛɛ, a zang ɓɔɔ tãa nyaa kaɓa kpang, tã̀á ɓɔɔ mɔɔ zãa Laa kaa biya wu naa kasɛ nyaa kaa jong nɛɛ mɔɔ nɛɛ “Nɔngkɔ” viya?